എല്ലാത്തിൽ നിന്നും പെട്ടന്ന് പുറത്ത് കടക്കാൻ എനിക്ക് സാധിക്കുന്നത് ഇതുകൊണ്ടാണ് എന്ന് മീര നന്ദൻ; എത്ര വിമർശിച്ചാലും അതൊന്നും മാറില്ല!

Authored by: അശ്വിനി പി|Samayam Malayalam•1 Jun 2025, 5:37 pm

മിനി സ്ക്രീൻ ആങ്കറിങിലൂടെ കരിയർ ആരംഭിച്ചതാണ് മീര നന്ദൻ. അവിടെ നിന്ന് ലാൽ ജോസ് സംവിധാനം ചെയ്ത മുല്ല എന്ന ചിത്രത്തിലൂടെ ദിലീപിന്റെ നായികയായി ബിഗ് സ്ക്രീനിലെത്തി. പിന്നീട് മലയാളത്തിലും തമിഴിലുമൊക്കെയായി ഒത്തിരി നല്ല വേഷങ്ങളും മീരയെ തേടിയെത്തി. പെട്ടന്നാണ് മീരയ്ക്ക് അഭിനയത്തിനെക്കൾ മറ്റൊരു ഇന്റസ്ട്രിയോട് അമിതമായ ഇഷ്ടവും താത്പര്യവും തോന്നിയത്. ഉടനെ ഒരു അവസരം വന്നപ്പോൾ അങ്ങോട്ടേക്ക് ചാടി. ദുബായിയിൽ ആർ ജെ ആയതോടെ മീരയുടെ ലൈഫ് സ്റ്റൈലും മൊത്തത്തിൽ മാറി.

ദുബായി ജീവിതത്തിലേക്ക് കടന്നപ്പോഴും തന്റെ വിശേഷങ്ങളുമായി മീര നന്ദൻ സോഷ്യൽ മീഡിയയിൽ വളരെ അധികം സജീവമായിരുന്നു പങ്കുവച്ച ചിത്രങ്ങൾ എല്ലാം തന്നെ വൈറലായി. ഇപ്പോൾ ഭർത്താവിനൊപ്പമുള്ള ചിത്രങ്ങളാണ് മീര സ്ഥിരം പങ്കുവച്ചുകൊണ്ടിരിയ്ക്കുന്നത്. തന്നെ അത്രയും മനസ്സിലാക്കുന്ന നല്ല ഒരു സുഹൃത്തിനെ തന്നെ പങ്കാളിയായി കിട്ടിയതിലെ സന്തോഷം പല അവസരങ്ങളിലും മീര നന്ദൻ പങ്കുവച്ചിട്ടുണ്ട്. ഇപ്പോഴിതാ ഭർത്താവിനൊപ്പമുള്ള പുതിയ ചില ബീച്ച് ചിത്രങ്ങളുമായി എത്തിയിരിക്കുകയാണ് നടി.

Also Read: ഈ ചടങ്ങിനും ഭർത്താവ് കൂടെയില്ലേ? ജാതി മതം നോക്കാതെ വളകാപ്പ് നടത്തി അസ്ല മർലി, ദിയ കൃഷ്ണയെ കോപ്പിയടിച്ചതാണോ എന്ന ചോദ്യത്തിന് മറുപടി

ഗോവയിലെ ബീച്ചിൽ നിന്നുമുള്ള ചിത്രങ്ങളാണ് മീര പങ്കുവച്ചികിയ്ക്കുന്നത്. ഒരു ബീച്ചും, സൂര്യാസ്ഥമയവും കൂടെ അവനും ഉണ്ടെങ്കിൽ എല്ലാത്തിൽ നിന്നും എനിക്ക് പുറത്ത് കടക്കാൻ എനിക്ക് അത് മാത്രം മതി- എന്ന് മീര നന്ദൻ പറയുന്നു. ജോലിത്തിരക്കും മറ്റ് യാതൊരു പ്രശ്നങ്ങളും ഇല്ലാതെ ഭർത്താവിനൊപ്പം ഒരു ബീച്ചോരത്ത് സൂര്യാസ്ഥമയം കണ്ടിരുന്നാൽ മീര ഹാപ്പിയാണ് എന്ന് ഈ സോഷ്യൽ മീഡിയ പോസ്റ്റിലൂടെ പറയുന്നു. പെർഫക്ട് കപ്പിൾസിനോടുള്ള സ്നേഹം അറിയിച്ചുകൊണ്ടാണ് പോസ്റ്റിന് താഴെ വരുന്ന കമന്റുകൾ.

വിവാഹം കഴിക്കുന്നില്ലേ എന്ന് വീട്ടുകാരും കൂട്ടുകാരും നാട്ടുകാരും എല്ലാം നിരന്തരം ചോദിച്ചുകൊണ്ടിരിയ്ക്കുന്നതിനിടയിലാണ് ലണ്ടനിൽ സെറ്റിൽഡ് ആയ മലയാലി ശ്രീജുവുമായുള്ള വിവാഹ നിശ്ചയത്തെ കുറിച്ച് പറഞ്ഞ് മീര നന്ദൻ ശരിക്കും ഞെട്ടിച്ചത്. ആദ്യം നല്ല സുഹൃത്തുക്കളായി, തന്നെ ഉൾക്കൊള്ളാൻ കഴിയുന്ന ആളാണ് എന്ന് തിരിച്ചറിഞ്ഞപ്പോൾ വിവാഹത്തിലേക്ക് കടന്നു. ഗുരുവായൂർ ക്ഷേത്രത്തിൽ വച്ചായിരുന്നു മീരയുടെയും ശ്രീജുവിന്റെയും വിവാഹം. അന്ന് ശ്രീജുവിന്റെ ലുക്കിനെ കളിയാക്കി പലരും കമന്റുകൾ പോസ്റ്റ് ചെയ്തുവെങ്കിലും, തന്റെ പെർഫക്ട് ചോയിസ് തന്നെയാണ് പങ്കാളി എന്ന് മീര നന്ദൻ ഓരോ പോസ്റ്റിലൂടെയും അറിയിച്ചു.