8 months ago
9
Authored byനിഷാദ് അമീന് | Samayam Malayalam | Updated: 1 May 2025, 10:22 pm
IPL 2025 RR vs MI: ഐപിഎല് 2025 സീസണിലെ 50ാം മല്സരം ജയ്പൂരില് പുരോഗമിക്കുന്നു. രാജസ്ഥാന് റോയല്സ് (Rajasthan Royals) ഹോം ഗ്രൗണ്ടില് മുംബൈ ഇന്ത്യന്സിനെ നേരിടുകയാണ്. മല്സരത്തില് ആര്ആര് താരങ്ങള് പുതിയ ഓള്-പിങ്ക് ജേഴ്സി ധരിച്ചാണ് കളത്തിലിറങ്ങിയത്.
രാജസ്ഥാനില് വനിതകളുടെ ഉന്നനമത്തിനായുള്ള പ്രവര്ത്തനങ്ങളെ പിന്തുണയ്ക്കുന്ന ആര്ആറിന്റെ 'പിങ്ക് പ്രോമിസ് ഡേ' ആഘോഷത്തില് നിന്ന് (ഫോട്ടോസ്- Samayam Malayalam) ഐപിഎല് 2025 സീസണിലെ 50ാം മല്സരമാണിത്. മുംബൈ ഇന്ത്യന്സിനെതിരെ ഇന്ന് പരാജയപ്പെട്ടാല് പ്ലേ ഓഫ് മോഹങ്ങള് അവസാനിക്കുമെന്നതിനാല് ആര്ആര് ജീവന്മരണ പോരാട്ടത്തിലാണ്. ഈ സീസണില് 10 മത്സരങ്ങളില് മൂന്ന് വിജയങ്ങള് മാത്രമുള്ള ആര്ആറിന് ഇനിയൊരു തോല്വി താങ്ങാനാവില്ല.
എല്ലാവരും പുതിയ ഓള്-പിങ്ക് ജേഴ്സിയില്; എംഐക്കെതിരെ രാജസ്ഥാന് റോയല്സിന്റെ ഈ മാറ്റത്തിന് കാരണം ഇതാണ്
കഴിഞ്ഞ മല്സരത്തില് ഗുജറാത്ത് ടൈറ്റന്സിനെതിരെ 210 റണ്സ് പിന്തുടര്ന്ന ആര്ആര് 25 പന്തുകള് ബാക്കി നില്ക്കെ എട്ട് വിക്കറ്റിന്റെ ചരിത്ര വിജയം നേടിയ ആത്മവിശ്വാസത്തിലാണ്. ചരിത്രത്തിലെ ഏറ്റവും വേഗതയേറിയ രണ്ടാമത്തെ സെഞ്ചുറി നേടി 14 വയസ്സുകാരന് വൈഭവ് സൂര്യവംശി മുന്നില് നിന്ന് നയിച്ചപ്പോള് ആര്ആര് അനായാസം ജയിച്ചുകയറുകയായിരുന്നു. ഇന്നത്തെ മല്സരത്തില് 218 റണ്സാണ് ആര്ആറിന് മുംബൈ വിജയലക്ഷ്യം കുറിച്ചത്.
സഞ്ജു നയിച്ച കേരളത്തിന്റെ ലോക റെക്കോഡിനൊപ്പമെത്തി രാജസ്ഥാന് റോയല്സ്; 15.5 ഓവറില് ചേസിങ് പൂര്ത്തിയാക്കി
രാജസ്ഥാനില് വനിതകളുടെ ഉന്നനമത്തിനായുള്ള പ്രവര്ത്തനങ്ങളെ പിന്തുണയ്ക്കുന്നതിനാണ് ആര്ആര് 'പിങ്ക് പ്രോമിസ് ഡേ' ആഘോഷിക്കുന്നത്. തുടര്ച്ചയായ രണ്ടാം വര്ഷമാണ് ആഘോഷം. 2024ല് റോയല് ചലഞ്ചേഴ്സ് ബെംഗളൂരുവിനെതിരായ (ആര്സിബി) മത്സരത്തിലും ആര്ആര് താരങ്ങള് പൂര്ണമായും പിങ്ക് നിറത്തിലുള്ള ജേഴ്സി ധരിച്ചിരുന്നു. മല്സരത്തില് ജോസ് ബട്ട്ലറുടെ സെഞ്ചുറിയോടെ അവര് ആറ് വിക്കറ്റിന് വിജയിച്ചു.
കോടതി കയറി ഐപിഎല് നായ: 'ചമ്പക്' എന്ന് പേരിട്ടതിന് ബിസിസിഐക്കെതിരേ കേസ്; കോഹ്ലിയുടെ 'ചിക്കു'വും കോടതിയില്'പിങ്ക് പ്രോമിസ് ഡേ'യുടെ ഭാഗമായി കഴിഞ്ഞ വര്ഷം ലൂമിനസ് പോലുള്ള സ്പോണ്സര്മാരുടെ പിന്തുണയോടെ 250-ലധികം വീടുകളില് വൈദ്യുതി എത്തിക്കാന് സാധിച്ചതായി ആര്ആര് വെബ്സൈറ്റിലെ ഒരു പ്രസ്താവനയില് അറിയിച്ചു. രാജസ്ഥാനിലെ ഗ്രാമീണ മേഖലയില് സ്ത്രീകളുടെ ഉന്നമനത്തിനായുള്ള ഫണ്ട് കണ്ടെത്തുന്നതിന് ഇന്നത്തെ മല്സരത്തിലെ ഓരോ ടിക്കറ്റുകളുടെയും വരുമാനത്തില് നിന്ന് 100 രൂപ വീതം ആര്ആര് നീക്കിവയ്ക്കും. ഓള്-പിങ്ക് റോയല്സ് ജേഴ്സിയുടെ വില്പ്പനയില് നിന്നുള്ള എല്ലാ വരുമാനവും സാമൂഹിക മുന്നേറ്റ പദ്ധതികള്ക്കായി റോയല് രാജസ്ഥാന് ഫൗണ്ടേഷന് (ആര്ആര്എഫ്) നല്കും.
മത്സരത്തില് ഇരു ടീമുകളും നേടുന്ന ഓരോ സിക്സറുകളില് നിന്നുള്ള വരുമാനവും രാജസ്ഥാന് റോയല്സും ആര്ആര്എഫും ചേര്ന്ന് സാംഭര് മേഖലയിലെ ആറ് വീടുകളില് സൗരോര്ജമെത്തിക്കാന് ഉപയോഗപ്പെടുത്തുമെന്നും ഫ്രാഞ്ചൈസി കൂട്ടിച്ചേര്ത്തു.
രചയിതാവിനെക്കുറിച്ച്നിഷാദ് അമീന്16 വര്ഷമായി മാധ്യമരംഗത്ത് പ്രവര്ത്തിക്കുന്നു. കാലിക്കറ്റ് സര്വകലാശാലയില് നിന്ന് മാസ് കമ്മ്യൂണിക്കേഷനില് ബിരുദവും കാലിക്കറ്റ് പ്രസ് ക്ലബ്ബില് നിന്ന് ടെലിവിഷന് ജേണലിസത്തില് പിജി ഡിപ്ലോമയും ഇംഗ്ലീഷ് സാഹിത്യത്തില് ബിരുദാനന്തര ബിരുദവും നേടി. ഏഴ് വര്ഷം സൗദി അറേബ്യയില് മാധ്യമപ്രവര്ത്തകനായിരുന്നു. സൗദിയില് ഇന്ത്യന് മീഡിയ ഫോറത്തിന്റെ ജനറല് സെക്രട്ടറിയായും പ്രവര്ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില് സീനിയര് സബ് എഡിറ്ററായും ഗള്ഫ് ന്യൂസ് എഡിറ്ററായും സീനിയര് റിപോര്ട്ടറായും കേരളത്തിലെയും ഗള്ഫിലെയും വിവിധ ബ്യൂറോകളിലും എഡിറ്റോറിയല് ഡെസ്കിലും ന്യൂഡല്ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. ടൈംസ് ഓഫ് ഇന്ത്യയുടെ ഭാഗമായ സമയം മലയാളത്തില് കണ്ടന്റ് പ്രൊഡ്യൂസറാണ്.... കൂടുതൽ വായിക്കുക
English (US) ·