എല്ലാവരുടെയും മുന്നിൽ വച്ചുള്ള ആ ചുംബനം, ആരാണ് ആ പെൺകുട്ടി? ടെയ്ലർ റസ്സലുമായി വേർപിരിഞ്ഞതിന് ശേഷം ഹാരി സ്റ്റൈൽസിന് പുതിയ ബന്ധം!

Authored by: അശ്വിനി പി|Samayam Malayalam•30 Jun 2025, 2:21 pm

അമേരിക്കൻ ഗാനരചയിതാവും ഗായകനുമായ ഹാരി സ്റ്റൽസിന്റെ പുതിയ പ്രണയമാണ് ഇപ്പോൾ സോഷ്യൽ മീഡിയയിൽ വൈറലാവുന്നത്. ഗ്ലാസ്റ്റൺബറിയിൽ നടന്ന ഒരു പരിപാടിയിൽ ഒരു യുവതിയെ കെട്ടിപ്പിടിച്ച് ചുംബിച്ച വീഡിയോകളും ഫോട്ടോകളും വൈറലായതിന് പിന്നാലെയാണ് വൺ ഡയറക്ഷൻ ബാൻഡ് അംഗമായ ഹാരി സ്റ്റൈൽസ് വീണ്ടും തന്റെ പ്രണയ ജീവിതവുമായി ബന്ധപ്പെട്ട് വാർത്തകളിൽ ഇടം നേടിയത്.

റിപ്പോർട്ടുകള്‌ പ്രകാരം, സ്റ്റൈൽസിന് ഈ യുവതിയിൽ കുറച്ചുകാലമായി താല്പര്യമുണ്ടായിരുന്നു. അടുത്തിടെ അവർ ഒരുമിച്ച് സമയം ചെലവഴിച്ചതിലൂടെയാണ് തീവ്രമായതെന്നുുമാണ് കേൾക്കുന്നത്. ആരാണ് ഈ നിഗൂഢയായ പെൺകുട്ടി എന്നാണ് ആരാധകർ തിരയുന്നത്. സോഷ്യൽ മീഡിയയിൽ ലൂയിസ് ടോംലിൻസണിന്റെ 'ലൈക്ക്-അൺലൈക്ക്' സംഭവത്തിന് ഒരു ദിവസത്തിന് ശേഷമാണ് ഇത് സംഭവിച്ചത്.

Also Read: 100 ശതമാനം ഗൂഗിൾ തിരയുന്ന താരം, വി യുടെ സാന്നിധ്യം ആരാധകരെ ആവേശത്തിലാക്കി, കിങ് തെഹ്ങ്യൂ എന്ന് ആരാധകർ

'ആസ് ഇറ്റ് വാസ്' എന്ന ഗാനത്തിലൂടെ ശ്രദ്ധേയനായ ഹാരി സ്റ്റൈൽസ് ഇന്നലെ (ഞായറാഴ്ച) സുഹൃത്തുക്കളോടൊപ്പം ഗ്ലാസ്റ്റൺബറി ഫെസ്റ്റിവലിൽ എത്തിയിരുന്നു. അൽപ്പസമയത്തിന് ശേഷം ആ യുവതിയും വേദിയിലെത്തുകയും സംഗീതജ്ഞനെ ചുംബിക്കുകയും ചെയ്തു.

സ്റ്റൈൽസുമായി അടുത്ത വൃത്തങ്ങൾ വെളിപ്പെടുത്തിയത് പ്രകാരം, ഹാരിക്ക് ആ യുവതിയോട് മാത്രമായിരുന്നു ശ്രദ്ധ. അവർ ഒരുമിച്ച് ചേർന്നപ്പോൾ തന്നെ പ്രണയത്തിന്റെ തിളക്കം ദൃശ്യമായിരുന്നു. എന്നാണ്

ഹാരി കുറച്ച് സുഹൃത്തുക്കളോടൊപ്പമാണ് എത്തിയിരുന്നത്. പക്ഷേ അവൾ എത്തിയപ്പോൾ മുതൽ അവർക്ക് പരസ്പരം പിരിയാൻ കഴിഞ്ഞിരുന്നില്ല. അവർ എത്തി ഒരു മണിക്കൂറിനകം, മറ്റനേകം ആളുകളുടെ മുന്നിൽ വെച്ച് അവർ ചുംബിച്ചു, ആര് നോക്കുന്നു എന്നുപോലും അവർ കാര്യമാക്കിയിരുന്നില്ലത്രെ. ഹാരി സ്റ്റൈലിസിന് കുറച്ചു കാലങ്ങളായി ഈ പെൺകുട്ടിയെ അറിയാം എന്നാണ് റിപ്പോർട്ടുകൾ.


കെൻഡൽ ജെന്നർ, ഒലിവിയ വൈൽഡ് എന്നിവരുമായുള്ള പ്രണയത്തിന് ശേഷമാണ് ഹാരി സ്റ്റൈൽസ് കനേഡിയൻ നടിയായ ടെയ്ലർ സ്വിഫ്റ്റുമായി അടുത്തത്. അവർ ഇരുവരും മികച്ച ജോഡികൾ ആയിരുന്നു. എന്നാൽ ജപ്പാനിലേക്കുള്ള യാത്രയ്ക്ക് ശേഷം അവർക്കിടയിൽ ചില പ്രശ്നങ്ങളുണ്ടാവുകയും പിരിഞ്ഞ് താമസിക്കുകയും ചെയ്തതിന് ശേഷം വേർപിരിഞ്ഞു. ടെയ്ലർ സ്വിഫ്റ്റുമായി വേർപിരിഞ്ഞതിന് ശേഷം ആദ്യമായിട്ടാണ് മറ്റൊരു പെൺകുട്ടിയ്ക്കൊപ്പം ചേർത്ത് ഹാരി സ്റ്റൈൽസിന്റെ പ്രണയ വാർത്തകൾ പുറത്തുവരുന്നത്.