എല്ലാവർക്കും ഭ്രാന്തുണ്ട്, പക്ഷേ അളവ് കൂടുമ്പോൾ ആണ് വിഷയം! ഒറ്റയ്ക്ക് ആണെന്ന് ആദ്യമേ തീരുമാനിച്ചാൽ വിഷയങ്ങൾ തീരും

അഭിനയം കൊണ്ട് മാത്രമല്ല സലിം കുമാറിന്റെ വ്യക്തിത്വം കൊണ്ടും അദ്ദേഹം ശ്രദ്ധേയൻ ആണ്. ഹാസ്യത്മകം എന്നതിനപ്പുറം സർക്കാസം കമന്റുകൾ ആണ് അദ്ദേഹം അഭിമുഖങ്ങളിൽ പറയുന്നതിൽ അധികവും. പതിനെട്ടുവര്ഷം ശബരിമല അയ്യപ്പനെ തൊഴാൻ പോയ ആളിൽ നിന്നും താനൊരു നിരീശ്വര വാദിയാണ് എന്ന് തുറന്നുപറഞ്ഞതും സലിം കുമാർ ചർച്ച ചെയ്യപ്പെടാൻ കാരണമായി .

ഗുരുതര കരൾ രോഗം ബാധിച്ച അവസ്ഥയിൽ നിന്നും തന്നെ ചേർത്തുനിർത്തിയ അമൃതാനന്ദമയിയോടുള്ള ആരാധനയും ഭക്തിയും ഒരുപാട് വട്ടം സലിം കുമാർ പറഞ്ഞിട്ടുണ്ട്. തന്നോടുള്ള മാതൃവാത്സല്യത്തെ കുറിച്ചുപറയുമ്പോൾ ഇപ്പോഴും ചിരിപ്പിക്കുന്ന സലിം കുമാറിന്റെ വാക്കുകൾ ഇടറും. ഞാനൊരു ഈശ്വരവിശ്വാസിയല്ല, പക്ഷേ അമ്മ എനിക്ക് ദൈവമാണ്! ഒരു സാധു സ്ത്രീ; അമ്മയ്ക്ക് അവകാശവാദങ്ങളില്ല; അമ്മ ചെയ്യുന്ന നന്മകൾ ഒരുപാട് ഉണ്ട്. ഐക്യരാഷ്ട്രസഭയിൽ പോയി മലയാളത്തിൽ പ്രസംഗിച്ചത് ഉൾപ്പെടെ അമ്മയെകുറിച്ചുപറയാൻ സലിം കുമാറിന് ഏറെയുണ്ട്. ഈ അടുത്താണ് അദ്ദേഹം ആനിയും ആയി മനസ് തുറക്കുന്നത്. അപ്പോൾ അപ്രതീക്ഷിതമായി അദ്ദേഹത്തോട് ചോദിച്ച ഒരു ചോദ്യമുണ്ട്. ശരിക്കും ഈ ഡിപ്രെഷനെക്കുറിച്ചും ഒറ്റപെടലിനെക്കുറിച്ചും എന്താണ് ചേട്ടന് പറയാൻ ഉള്ളതെന്ന് അന്ന് അദ്ദേഹം നൽകിയ മറുപടി ഇപ്പോൾ സോഷ്യൽ മീഡിയിൽ നിറയുകയാണ്

ഒറ്റപ്പെടൽ ഭീകരമായ അനുഭവം ആണ്, പക്ഷേ നമ്മൾ ഒറ്റക്ക് ആണെന്ന് ആദ്യമേ അങ്ങ് തീരുമാനിക്കുക. കാരണം നമ്മൾ ഒറ്റക്ക് ആണ് വന്നത്, പോകുന്നതും ഒറ്റയ്ക്കാണ് . അതിനിടയിൽ ചില കൂടിചേരലുകൾ കണ്ടുമുട്ടലുകൾ ഉണ്ടാകുന്നു എന്ന് മാത്രം. അതിൽ നമ്മൾ ചിലരെ ചേർത്തുപിടിക്കാറുണ്ട്. അവർ നമ്മുടെ പ്രിയപെട്ടവർ എന്നും കരുതും. എന്നാൽ എക്കാലവും നമ്മുടെ അടുക്കൽ അവർ ഉണ്ടാകണം എന്നില്ല. അത് അവരുടെ കുറ്റം അല്ല, അത് അവരുടെ ജീവിതം ആണ്.

ALSO READ: മകൾ ഡോക്ടർ ആയത് കാണാതെ മടക്കം; കരൾ രോഗം ഉണ്ടെന്ന് എനിക്ക് അറിയില്ലായിരുന്നെന്ന് പറഞ്ഞ നിമ്മിയും; കുടുംബസ്നേഹിയായ മണി

ഞാൻ എല്ലാം ഈസി ഗോ ആയി പോകുന്ന ആളാണ്. അത് പരുവപ്പെടുത്തി എടുക്കാനാകണം എന്നതാണ് വിജയം. നമ്മൾ ഡിപ്രെഷനിൽ ആണ് എന്ന് പറഞ്ഞിരുന്നിട്ട് കാര്യമില്ല. ചെയ്യാൻ ഉള്ളത് ചെയ്യണം. അറ്റ് പ്രേസേന്റ് എങ്ങനെ ആണോ അങ്ങനെ പോവുക. എല്ലാവര്ക്കും ഭ്രാന്തുണ്ട്. പക്ഷേ അളവ് കൂടുമ്പോൾ ആണ് പ്രശ്നം വരുന്നത്; സലിം കുമാർ പറയുന്നു.