എസ്ആര്‍എച്ചിനെ എറിഞ്ഞിട്ട് മിച്ചല്‍ സ്റ്റാര്‍ക്ക്, റെക്കോഡ് പ്രകടനം; രണ്ടാം ജയത്തോടെ ഡല്‍ഹി ക്യാപിറ്റല്‍സ് രണ്ടാം സ്ഥാനത്ത്

Authored byനിഷാദ് അമീന്‍ | Samayam Malayalam | Updated: 30 Mar 2025, 8:28 pm

Samayam Malayalamഎസ്ആര്‍എച്ചിനെതിരെ മിച്ചല്‍ സ്റ്റാര്‍ക്കിന്റെ പ്രകടനം

ഐപിഎല്‍ 2025ല്‍ (IPl 2025) സണ്‍റൈസൈഴ്‌സ് ഹൈരദാബാദിനെ (Sunrisers Hyderabad) ഏഴ് വിക്കറ്റിന് തകര്‍ത്ത് ഡല്‍ഹി ക്യാപിറ്റല്‍സിന്റെ (Delhi Capitals) പടയോട്ടം. തുടര്‍ച്ചയായ രണ്ടാം ജയത്തോടെ ഡിസി പോയിന്റ് പട്ടികയില്‍ രണ്ടാം സ്ഥാനത്തേക്ക് ഉയര്‍ന്നു. മൂന്ന് മല്‍സരങ്ങളില്‍ എസ്ആര്‍എച്ചിന്റെ തുടര്‍ച്ചയായ രണ്ടാം തോല്‍വിയാണിത്.ഡല്‍ഹി ക്യാപിറ്റല്‍സിനായി അഞ്ച് വിക്കറ്റ് നേട്ടം കൈവരിക്കുന്ന ആദ്യ വിദേശ ബൗളറെന്ന നേട്ടത്തോടെ മിച്ചല്‍ സ്റ്റാര്‍ക്ക് (Mitchell Starc) ആണ് വിജയമൊരുക്കിയത്. 18.4 ഓവറില്‍ എസ്ആര്‍എച്ച് 163 റണ്‍സിന് ഓള്‍ഔട്ടായി. മൂന്ന് വിക്കറ്റ് മാത്രം നഷ്ടപ്പെടുത്തി ഡിസി 16 ഓവറില്‍ വിജയത്തിലെത്തി.


17 വര്‍ഷത്തെ ഐപിഎല്ലിനിടെ ആദ്യമായാണ് ഡിസിക്ക് വേണ്ടി ഒരു വിദേശതാരം ഇത്രയും മികച്ച ബൗളിങ് പ്രകടനം പുറത്തെടുക്കുന്നത്. ഐപിഎല്‍ 2025 മെഗാ ലേലത്തിലൂടെ 11.75 കോടി രൂപയ്ക്കാണ് സ്റ്റാര്‍ക്ക് ഡല്‍ഹി ക്യാപിറ്റല്‍സിലെത്തിയത്. ഐപിഎല്‍ 2024 ല്‍ കൊല്‍ക്കത്ത നൈറ്റ് റൈഡേഴ്സിന്റെ ഭാഗമായിരുന്നു ഇടംകൈയ്യന്‍ പേസര്‍.

ഐപിഎല്ലിലെ സ്റ്റാര്‍ക്കിന്റെ ആദ്യ അഞ്ച് വിക്കറ്റ് നേട്ടമാണിത്. ട്രാവിസ് ഹെഡ്, ഇഷാന്‍ കിഷന്‍, നിതീഷ് കുമാര്‍ റെഡ്ഡി എന്നീ മുന്‍നിര ബാറ്റര്‍മാരെ തുടക്കത്തില്‍ പുറത്താക്കാന്‍ സ്റ്റാര്‍ക്കിന് സാധിച്ചതോടെ എസ്ആര്‍എച്ചിന് പൊരുതാവുന്ന ടോട്ടല്‍ നേടാന്‍ സാധിക്കാതെ പോയി. രണ്ടാം വരവില്‍ സ്റ്റാര്‍ക്ക് വിയാന്‍ മുല്‍ഡെര്‍, ഹര്‍ഷല്‍ പട്ടേല്‍ എന്നിവരെയും പുറത്താക്കി അഞ്ച് വിക്കറ്റ് നേട്ടം ആഘോഷിച്ചു.

രാജസ്ഥാന്‍ റോയല്‍സിന്റെ ഹോം മാച്ചിന് സാറാ അലി ഖാന്റെ നൃത്തം; റിയാന്‍ പരാഗിനെ ക്രൂരമായി ട്രോളി സോഷ്യല്‍ മീഡിയ
അഞ്ചാമനായി ക്രീസിലെത്തിയ അനികേത് വര്‍മയാണ് എസ്ആര്‍എച്ചിന്റെ ടോപ് സ്‌കോററര്‍. 41 പന്തില്‍ 74 റണ്‍സെടുത്തതോടെ അവര്‍ക്ക് മാന്യമായ സ്‌കോറായി. ഹെന്റിച്ച് ക്ലാസെന്‍ (32), ട്രാവിസ് ഹെഡ് (22) എന്നിവര്‍ ഉള്‍പ്പെടെ മൂന്ന് പേര്‍ മാത്രമാണ് രണ്ടക്കം തികച്ചത്.

കുല്‍ദീപ് യാദവ് നാല് ഓവറില്‍ 22 റണ്‍സിന് മൂന്ന് വിക്കറ്റ് വീഴ്ത്തുക കൂടി ചെയ്തതോടെയാണ് തകര്‍ന്നത്. സ്റ്റാര്‍ക്ക് 3.4 ഓവറില്‍ 35 റണ്‍സിനാണ് അഞ്ച് വിക്കറ്റ് നേടിയത്.

ഗൗതം ഗംഭീറിന് പണിവരുന്നു; സപ്പോര്‍ട്ട് സ്റ്റാഫില്‍ നിന്ന് അഭിഷേക് നായര്‍, ടി ദിലീപ് എന്നിവരെ ഒഴിവാക്കുമെന്ന് റിപോര്‍ട്ട്
164 റണ്‍സ് വിജയലക്ഷ്യവുമായി മറുപടി ബാറ്റിങ് ആരംഭിച്ച ഡിസിക്ക് വേണ്ടി ക്രീസിലെത്തിയവരെല്ലാം തിളങ്ങി. ഫാഫ് ഡുപ്ലെസിസ് അര്‍ധ സെഞ്ചുറി (27 പന്തില്‍ 50) തികച്ചു. കെയ്ക് ഫ്രേസര്‍ മക്ഗുര്‍ക് (38), അഭിഷേക് പോറെല്‍ (34*), ടിസ്റ്റണ്‍ സ്റ്റബ്‌സ് (21*), കെഎല്‍ രാഹുല്‍ (15) എന്നിവര്‍ ചേര്‍ന്ന് വിജയം എളുപ്പമാക്കി.