എൽ ക്ലാസിക്കോയിൽ ബാർസിലോനയെ തകര്‍ത്ത് റയൽ മഡ്രിഡ്

3 weeks ago 5

മനോരമ ലേഖകൻ

Published: October 27, 2026 04:17 PM IST

1 minute Read

റയൽ മഡ്രിഡ് താരം കിലിയൻ എംബപെയുടെ ആഹ്ലാദം
റയൽ മഡ്രിഡ് താരം കിലിയൻ എംബപെയുടെ ആഹ്ലാദം

ബാർസിലോന ∙ തുടർവിജയങ്ങളുടെ ആത്മവിശ്വാസത്തിലാറാടിയ ബാർസയ്ക്ക് റയൽ പ്രഹരം. സ്പാനിഷ് ലാലിഗ ഫുട്ബോളിലെ എൽ ക്ലാസിക്കോ പോരാട്ടത്തിൽ റയൽ മഡ്രിഡ് 2–1നു ബാർസിലോനയെ തോൽപിച്ചു. സൂപ്പർ താരം കിലിയൻ എംബപെയുടെ ഇരട്ടഗോൾ (41, 87 മിനിറ്റുകൾ) മികവിലാണ് റയലിന്റെ വിജയം. ഇതോടെ റയലിനായി എംബപെ 100 ഗോളുകൾ തികച്ചു. റാഫിഞ്ഞ (61) ബാർസയ്ക്കായി ഒരു ഗോൾ മടക്കി.

റയലിന്റെ ഇതിഹാസ പരിശീലകൻ ഹോസെ മൗറീഞ്ഞോയുടെ കൗണ്ടർ അറ്റാക്ക് തന്ത്രം കൃത്യമായി ഫലം കണ്ട മത്സരത്തിൽ ഭൂരിഭാഗം സമയവും പന്ത് ബാർസയുടെ കൈവശമായിരുന്നു. എന്നാൽ, 41–ാം മിനിറ്റിൽ എംബപെയിലൂടെ ആദ്യ ഗോൾ നേടിയത് റയൽ. രണ്ടാം പകുതിയിൽ പെഡ്രിയുടെ പാസ് സ്വീകരിച്ച റാഫിഞ്ഞയുടെ ഇടംകാൽ ഷോട്ട് വലയിലായി. 87–ാം മിനിറ്റിൽ അർദ ഗുലറും എഡ്വേഡോ കമാവിൻഗയും ചേർന്ന് നടത്തിയ മിന്നലാക്രമണം. ബോക്സിനുള്ളിലേക്ക് ഓടിക്കയറി കമവിൻഗയുടെ പാസ് സ്വീകരിച്ച എംബപെയുടെ വലംകാൽ ഷോട്ട് ഗോളായി. ഈ സീസണിൽ ലാലിഗയിലെ ബാർസയുടെ ആദ്യ തോൽവിയാണിത്.

English Summary:

Real Madrid vs Barcelona El Clasico lucifer highlights amusement Real defeating Barcelona 2-1 with Kylian Mbappe scoring a important brace. This triumph marks Barcelona's archetypal decision successful the existent La Liga play nether tactical masterclass.

Read Entire Article