ഏറെക്കാലം വിദേശ രാജ്യങ്ങളിൽ ഞാൻ ഒരു സ്ത്രീയായിട്ടാണ് ജീവിച്ചത്; മോഹൻലാൽ ഇതുവരെ പറയാത്ത രഹസ്യം

Authored by: അശ്വിനി പി|Samayam Malayalam•14 Oct 2025, 11:56 am

സിനിമയിൽ മോഹൻലാൽ ചെയ്യാത്ത വേഷങ്ങളില്ല. നായകനായിക്കോട്ടെ നായകനായിക്കോട്ടെ ഓരോ വേഷവും വ്യത്യസ്തവും വേറിട്ടതുമായിരുന്നു, സമൂഹത്തിലെ ഒരു വിഭാഗം എല്ലാ വിഭാഗത്തെയും പ്രതിനിധാനം ചെയ്യുന്ന റോളുകൾ മോഹൻലാൽ ചെയ്തിട്ടുണ്ട്. എന്നാൽ ജീവിതത്തിൽ മോഹൻലാൽ കുറേക്കാലം സ്ത്രീയായി ജീവിച്ചു എന്നത് അധികമാരും അറിയാത്ത ഒരു കാര്യമായിരിക്കും.

വർഷങ്ങൾക്ക് മുൻപ് കൈരളി ചാനലിന്റെ ഒരു ഓണപ്പരിപാടിയിൽ ആണ് മോഹൻലാൽ അക്കാര്യം പങ്കുവയ്ക്കുന്നത്. മിസ് കേരളയായി തിരഞ്ഞെടുക്കപ്പെട്ട സുന്ദരികളായ തരുണീമണികൾക്കൊപ്പം നടത്തിയ ഒരു ചാറ്റ് ഷോയുടെ വീഡിയോ ഇപ്പോൾ ചാനൽ യൂട്യൂബിൽ പങ്കുവച്ചതോടെയാണ് അധികമാരും അറിയാത്ത ആ സത്യം പുറത്തുവന്നത്.

Also Read: ഞാൻ മരിക്കുകയാണ്, ഇതിനപ്പുറം ഒന്നുമില്ല എന്ന് കരുതി! തിരി‍ഞ്ഞു നോക്കിയപ്പോൾ കണ്ട മുഖം; ഇമോഷണലായി രജിഷ വിജയൻ

അമേരിക്കൻ മലയാളിയായ പെൺകുട്ടി മോഹൻലാലിനോട് തന്റെ അമേരിക്കൻ ഓർമകളും, വിദേശ യാത്രകളിലെ രസകരമായ അനുഭവവും ചോദിക്കുകയായിരുന്നു. അമേരിക്കയിൽ ഒരുപാട് തവണ ഞാൻ പോയിട്ടുണ്ട്. പലപ്പോഴും അവധി ആഘോഷിക്കാനാണ് പോകുന്നത്. എല്ലായിടവും എക്സ്പ്ലോർ ചെയ്യാറുണ്ട്. ഓരോ യാത്രയും പ്രിയപ്പെട്ടതാണ്. പക്ഷേ എത്രയൊക്കെ വിദേശത്ത് കഴിഞ്ഞാലും കേരളത്തിലേക്ക് വരാൻ മനസ്സ് കൊതിക്കും എന്നൊക്കെയുള്ള കാര്യങ്ങളാണ് തുടക്കത്തിൽ മോഹൻലാൽ പറയുന്നത്.

പൊതുവെയുള്ള വിദേശ യാത്രകളിലെ ഓർമകളെ കുറിച്ച് ചോദിച്ചപ്പോൾ താൻ സ്ത്രീയായി ജീവിച്ചതിനെ കുറിച്ച് മോഹൻലാൽ തുറന്ന് പറയുകയായിരുന്നു. എറെക്കാലം എന്റെ പാസ്പോർട്ടിൽ സെക്സ് എന്ന സ്ഥാനത്ത് മെയിൽ എന്നതിന്റെ എം എന്നതിന് പകരം ഫീമെയിൽ എന്നതിന്റെ എഫ് ആയിരുന്നു.

Also Read: മതത്തിന്റെ പ്രശ്നങ്ങൾ ഉണ്ടായിരുന്നു, എന്തുകണ്ട് കല്യാണം വൈകിപ്പോയി? 15 വർഷത്തെ യാത്ര, കീർത്തി പറയുന്നു

അതൊരു വലിയ മിസ്റ്റേക് ആണ്, പക്ഷേ അറിയാതെ സംഭവിച്ചതാണ്. വളരെ കാത്തിന് ശേഷമാണ് ഒരു ഉദ്യോഗസ്ഥൻ അത് കണ്ടുപിടിച്ചത്. അദ്ദേഹം എന്നെ ഇങ്ങനെ നോക്കിയിട്ട് എഫ് - എന്ന് ചോദിച്ചു. അല്ല സർ ഞാൻ ആൺ ആണ്, അതൊരു തെറ്റ് സംഭവിച്ചതാണ്. പിന്നീട് അത് തിരുത്തി. ആരോടും പറയേണ്ട, വളരെക്കാലം ഞാനൊരു സ്ത്രീയായിട്ടാണ് ജീവിച്ചത് - എന്ന് ചിരിച്ചുകൊണ്ട് മോഹൻലാൽ പറഞ്ഞു.