ഐറ്റം ഡാന്‍സ് എത്ര വേണമെങ്കിലും കാണും, പക്ഷേ റിയല്‍ ലൈഫില്‍ അങ്ങനെ ഡ്രസ്സ് ഇട്ടാല്‍ കുറ്റം പറയും; ആന്‍ഡ്രിയ പ്രതികരിക്കുന്നു

Authored by: അശ്വിനി പി|Samayam Malayalam•25 Nov 2025, 2:48 pm

നായിക, ഗായിക എന്നീ നിലകളില്‍ എല്ലാം ശ്രദ്ധ നേടിയിട്ടുള്ള താരമാണ് ആന്‍ഡ്രിയ ജെര്‍മിയ . അന്നയും റസൂലും പോലുള്ള സിനിമകളിലൂടെ മലയാളികള്‍ക്കും ഏറെ ഇഷ്ടപ്പെട്ടതാണ്. തന്റെ അഭിപ്രായങ്ങളും കാഴ്ചപ്പാടുകളും തുറന്ന് പറയാന്‍ മടിക്കാത്ത ആന്‍ഡ്രിയ സ്ത്രീകള്‍ക്ക് നേരെ നടക്കുന്ന ആക്രമങ്ങളെ കുറിച്ചും, അതില്‍ അവരെ തന്നെ കുറ്റക്കാരാക്കുന്ന സമൂഹത്തിന്റെ പ്രവണതയെ കുറിച്ചും സംസാരിക്കുന്നു

എനിക്ക് ചെറു പ്രായത്തില്‍ ഉണ്ടായ മോശം അനുഭവം, മറ്റു സ്ത്രീകള്‍ അനുഭവിച്ചതുവച്ചു നോക്കുമ്പോള്‍ വളരെ ചെറുതാണ്. എനിക്കൊരു പ്രിവിലേജ് ഉണ്ട്. പിന്നില്‍ നിന്ന് വന്ന് പിച്ചുന്നതും, ബസ്സിലുണ്ടായ മോശം അനുഭവവും ചില സ്ത്രീകള്‍ നേരിട്ട, ജീവിതമേ ഇല്ലാതെയാവുന്ന അവസ്ഥയിലേക്ക് എത്തിക്കുന്ന അനുഭവത്തെക്കാള്‍ ചെറുതാണ്. പക്ഷേ അതിന് സ്ത്രീകളെ തന്നെ കുറ്റം പറയുന്ന അവസ്ഥയാണ് മനസ്സിലാവാത്തത്.

Also Read: അവനെ ഞങ്ങള്‍ ഇപ്പോള്‍ ഓര്‍ക്കാറേയില്ല, ഫോട്ടോ പോലും മറച്ചുവച്ചിരിക്കുകയാണ്; ജിഷ്ണുവിനെ കുറിച്ച് അച്ഛന്‍

സിനിമയില്‍ മി ടൂ അനുഭവം തുറന്ന് പറഞ്ഞ ആളെ ബാന്‍ ചെയ്തു. അതെന്തൊരു അനീതിയാണ്. പറഞ്ഞവരാണ് തെറ്റുകാര്‍ എന്ന രീതിയിലായി. സ്ത്രീകളുടെ വസ്ത്ര ധാരണത്തെ കുറിച്ച് പറയുന്നവരാണ് ഐറ്റം ഡാന്‍സുകള്‍ ആവര്‍ത്തിച്ചു കാണുന്നതും ആസ്വദിക്കുന്നവരും. അത് മികച്ചതാണെങ്കില്‍ എന്തുകൊണ്ട് സ്ത്രീകള്‍ അത്തരം ഡ്രസ്സുകള്‍ ഇടുന്നതിനെ വിമര്‍ശിക്കണം.

ഇവിടെ ആഗസ്റ്റ് പതിനഞ്ചാം തിയ്യതി സ്വാതന്ത്ര്യം ആഘോഷിക്കുന്നു. വാസ്തവത്തില്‍ ഒരു സ്ത്രീയ്ക്ക് സുരക്ഷിതമായി ഏത് അവസ്ഥയിലും തനിച്ച് നടക്കാന്‍ കഴിയുന്ന ഒരു സാഹചര്യം വരട്ടെ, അപ്പോള്‍ മാത്രമാണ് സ്വാതന്ത്ര്യം ലഭിക്കുന്നത്- ആന്‍ഡ്രിയ പറഞ്ഞു


ജീവിതത്തില്‍ ഏറ്റവും അധികം തകര്‍ന്നുപോയ അവസ്ഥ ഏതാണ് എന്ന് ചോദിച്ചപ്പോള്‍, അത്തരം നിരവധി അവസ്ഥകള്‍ ഉണ്ടായിട്ടുണ്ട് എന്ന് ആന്‍ഡ്രിയ പറയുന്നു. ഓരോ ബ്രേക്കപ് കഴിയുമ്പോഴും ഹാര്‍ട്ട് ബ്രേക്‌സ് ഉണ്ടാവാറുണ്ട്. പക്ഷേ ഏറ്റവും അധികം വേദന തോന്നുന്നത്, ആഗ്രഹിച്ച ഒരു കാര്യം കിട്ടാതെയാവുമ്പോഴാണ്. ഞാന്‍ വിദേശത്ത് പോയി പഠിക്കാന്‍ ഒരുപാട് ആഗ്രഹിച്ചിരുന്നു, അത് നടക്കാതെയായപ്പോള്‍ വല്ലാതെ വേദന തോന്നി. സമീപകാലത്ത് എന്റെ സിനിമ റിലീസ് ചെയ്യാതെയായപ്പോഴും അതേ അവസ്ഥയുണ്ടായിരുന്നു. അത്തരം ഹാര്‍ട്ട് ബ്രേക്ക് എന്നും സംഭവിക്കുന്നതാണ്. അതില്‍ നിന്ന് മുന്നോട്ടു വന്നുകൊണ്ടേയിരിക്കും. അത് കാരണം ഏതെങ്കിലും ആളുകളിലോ, പ്രണയത്തിലോ വിശ്വാസം നഷ്ടപ്പെട്ടിട്ടില്ല. വിശ്വാസം നഷ്ടപ്പെട്ടാല്‍ പിന്നെ ജീവിക്കുന്നതില്‍ അര്‍ത്ഥമില്ല- ആന്‍ഡ്രിയ ജെര്‍മിയ പറഞ്ഞു