ഒട്ടിസം ബാധിച്ച കുഞ്ഞുങ്ങള്‍ക്ക് വേണ്ടിയുള്ള കണ്‍സേര്‍ട്ട്, സുഗ നേരിട്ട് പങ്കെടുക്കുമോ?

Authored by: അശ്വിനി പി|Samayam Malayalam•22 Nov 2025, 5:48 pm

ബിടിഎസിന്റെ സുഗ ഓട്ടിസം ബാധിച്ച കുട്ടികള്‍ക്കായി ഒരു ട്രീറ്റ്‌മെന്റ് സെന്റര്‍ തുടങ്ങുന്ന വാര്‍ത്തകള്‍ നേരത്തെ ജനം സ്വീകരിച്ചതാണ്. ട്രീറ്റ്‌മെന്റ് സെന്റര്‍ തുടങ്ങാന്‍ ഭീമമായ ഒരു തുക സംഭാവന നല്‍കി എന്ന് മാത്രമല്ല, പാട്ടിലൂടെ ട്രീറ്റ്‌മെന്റ് നല്‍കാനുള്ള പ്ലാനും ഡോക്ടേഴ്‌സുമായി സുഗ സംസാരിച്ചിരുന്നു. അതിന്റെ ഭാഗമായിട്ടാണ് ഒരു കണ്‍സേര്‍ട്ടും സംഘടിപ്പിച്ചത്.

ഒട്ടിസം ബാധിച്ച കുട്ടികള്‍ളുടെ ചികിത്സയ്ക്കുള്ള പണവും കണ്‍സേര്‍ട്ടിലൂടെ സ്വരൂപിക്കാനാണ് ഇപ്പോള്‍ സുഗയുടെ പ്ലാന്‍. സുഗയുടെ യഥാര്‍ത്ഥ പേരായ മിന്‍യോഗി എന്ന പേരിലാണ് ട്രീറ്റ്‌മെന്റ് സെന്റര്‍ സ്ഥാപിച്ചത്. ഇപ്പോള്‍ അത് പ്രവര്‍ത്തനക്ഷമമായതിനാല്‍, ചികിത്സാ കേന്ദ്രത്തിന്റെ പ്രചാരണത്തിന്റെ ഭാഗമായി ഷൈനിംഗ് മൈന്‍ഡ്‌സ് എന്ന പേരില്‍ ഒരു കണ്‍സേര്‍ട്ട് അടുത്തിടെ പ്രഖ്യാപിച്ചിരുന്നു. അതിന്റെ ടിക്കറ്റുകള്‍ വിറ്റു തീര്‍ന്നു എന്ന റിപ്പോര്‍ട്ടുകളാണ് ഇപ്പോള്‍ പുറത്തു വരുന്നത്.

Also Read: മമ്മൂട്ടിയും രജിനികാന്തും ഡേറ്റ് കിട്ടാന്‍ വേണ്ടി കാത്തിരുന്ന താരം; ശാലിനി ഒരു സംഭവമായിരുന്നു എന്ന് പറയാന്‍ കാരണം?

വരാനിരിക്കുന്ന കണ്‍സേര്‍ട്ടില്‍ സുഗ പങ്കെടുക്കുമോ എന്നായിരുന്നു ആരാധകര്‍ക്ക് അറിയേണ്ടിയിരുന്നത്. എന്നാല്‍ സുഗ പങ്കെടുക്കുമ്പോഴുള്ള തിരക്കുകള്‍ കണക്കിലെടുത്ത് സുഗ നേരിട്ട് പങ്കെടുക്കില്ല എന്ന് സംഘാടകര്‍ അറിയിച്ചു. 'പരിപാടി നടക്കുന്ന ദിവസം തിരക്ക് ഒഴിവാക്കാന്‍, ഓണ്‍-സൈറ്റ് ടിക്കറ്റ് വാങ്ങലുകള്‍ ലഭ്യമാകില്ല. സംഗീത പരിപാടി നടക്കുന്ന ദിവസം ഓര്‍ഡര്‍, സുരക്ഷ എന്നിവയ്ക്കായി, കേന്ദ്രത്തിന്റെ സ്‌പോണ്‍സറായ സുഗ പരിപാടിയില്‍ പങ്കെടുക്കില്ലെന്ന് ഞങ്ങള്‍ മുന്‍കൂട്ടി അറിയിക്കുന്നു.' അതെ സമയം വീഡിയോ കോളിലൂടെ സുഗ പരിപാടിയുടെ ഭാഗമാവും.

ഓട്ടിസം സ്‌പെക്ട്രം ഡിസോര്‍ഡര്‍ (ADS) ബാധിച്ച കുട്ടികളെ ചികിത്സിക്കുന്നതിനായി മെഡിക്കല്‍ സെന്റര്‍ സ്ഥാപിക്കാന്‍ 5 ബില്യണ്‍ KRW (ഏകദേശം 3.62 മില്യണ്‍ USD) ആണ് സുഗ സംഭാവന നല്‍കിയത്. ഇന്ത്യന്‍ റുപീ 31 കോടിയ്ക്ക് മുകളിലാണ് ഈ തുക. നാനൂറ് കോടിയിലേറെ ആസ്തിയുള്ള സുഗ അതുകൊണ്ട് തന്റെ സഹജീകളെയും പരിഗണിക്കുന്നു എന്നത് വലിയ മനസ്സാണ് എന്ന് ആരാധകരും പറയുന്നു.


ലോകമെമ്പാടുമുള്ള തന്റെ പ്രശസ്തിയും, സമ്പാദ്യവും ആവശ്യമുള്ള ആളുകളിലേക്ക് എത്തിക്കുന്നതിന്റെ കാര്യത്തില്‍ സുഗ എക്കാലവും പ്രശംസകള്‍ നേടിയിട്ടുണ്ട്. ബിടിഎസിന്റെ ഇന്റര്‍നാഷണല്‍ ടൂറിന്റെയും , 2026 ല്‍ പുറത്തിറങ്ങാനിരിക്കുന്ന പുതിയ ആല്‍ബത്തിന്റേതുമായ തിരക്കിലാണ് നിലവില്‍ സുഗ