ഒരാഴ്ചയായി ഐസിയുവിൽ! രാജേഷിന് ഇപ്പോൾ എങ്ങിനെയുണ്ട്! അപകടനില തരണം ചെയ്തോ; ശ്വാസം എടുത്തുതുടങ്ങിയെന്ന് ബുള്ളറ്റിൻ

Authored by: ഋതു നായർ|Samayam Malayalam•2 Sept 2025, 8:39 am

നടനും അവതാരകനും ആയ രാജേഷ് കേശവ് കഴിഞ്ഞ ഒരാഴ്ചയായി സ്വകാര്യ ആശുപത്രിയിൽ ചികിത്സയിലാണ്. ഈ കഴിഞ്ഞ ഞായറാഴ്ചയാണ് രാത്രി കൊച്ചിയിലെ സ്വകാര്യഹോട്ടലില്‍ നടന്ന പരിപാടിക്കിടെ രാജേഷ് കുഴഞ്ഞുവീണത്. അപ്പോൾ തന്നെ ആശുപത്രിയില്‍ എത്തിച്ചെങ്കിലും കുഴഞ്ഞുവീണപാടെ ഉണ്ടായ ഹൃദയാഘാതമാണ് രാജേഷിന്റെ ആരോഗ്യനില മോശം ആക്കിയത്.

ആശുപത്രിയിൽ എത്തിച്ച പാടേതന്നെ ആന്‍ജിയോപ്ലാസ്റ്റി ചെയ്തുവെന്നും തുടര്‍ന്ന് വെന്റിലേറ്ററിന്റെ സഹായത്തോടെ ജീവന്‍ നിലനിര്‍ത്തുകയാണെന്നും മെഡിക്കൽ ബുള്ളറ്റിൻ വന്നിരുന്നു. ഞായറാഴ്ച മുതൽ വെന്റിലേറ്റര്‍ സഹായത്തോടെ ജീവിക്കുന്ന രാജേഷ് ഇടയ്ക്ക് ചെറിയ അനക്കങ്ങള്‍ കണ്ടതൊഴിച്ചാല്‍ അപകടനില തരണം ചെയ്തിരുന്നില്ല .

തലച്ചോറിനെയും ചെറിയ രീതിയില്‍ ആരോഗ്യ നില ബാധിച്ചതായി ഡോക്ടമാര്‍ സംശയം പ്രകടിപ്പിച്ചിരുന്നു. ന്യൂറോ വിഭാഗവും രാജേഷിനെ നിരീക്ഷിക്കുന്നുവെന്നും നിലവിൽ അഡ്വാൻസ് ലൈഫ് സപ്പോർട്ടിന്റെ സഹായത്തോടെ ഐസിയുവിലാണ് രാജേഷുള്ളത് എന്നുമായിരുന്നു ഏറ്റവും ഒടുവിലത്തെ മെഡിക്കൽ റിപ്പോർട്ട് സൂചിപ്പിച്ചത്.

ALSO READ:'ചെറിയച്ഛന്റെ മോൾ! പൃഥ്വിക്കും ഇന്ദ്രനും ഒരേ ഒരു പെങ്ങൾ! സുകുമാരന്റെ സഹോദരന്റെ മകൾ' ഇവർ തമ്മിലുള്ള ബന്ധം? ക്യാപ്‌ഷനുകളുടെ യാഥാർഥ്യം

ഇപ്പോൾ രാജേഷ് സ്വയം ശ്വസിക്കാൻ തുടങ്ങിയെന്നും ഐസിയുവിൽ തുടരുകയാണെന്നും കഴിഞ്ഞ ദിവസം ആശുപത്രി പുറത്തുവിട്ട റിപ്പോർട്ടിൽ പറയുന്നു. ഒരു സർജറി കൂടി നടന്നുവെന്നും വെന്റിലേറ്റർ സഹായത്തോടെയാണ് അദ്ദേഹം കഴിയുന്നത്, എന്നാൽ അധികം വൈകാതെ അദ്ദേഹത്തെ വെന്റിലേറ്ററിൽ നിന്നും മാറ്റുമെന്നും ഐസിയുവിൽ ആക്കുമെന്നും റിപ്പോർട്ടുണ്ട്. ആരോഗ്യനിലയിൽ വലിയ പ്രശ്നങ്ങൾ ഇല്ലെന്നും റിപ്പോർട്ടുകൾ പറയുന്നു. സുഹൃത്തുക്കളും ബന്ധുക്കളും എല്ലാം ഇപ്പോഴും ആശുപത്രിയിൽ തന്നെയാണ് ഉള്ളത്.

ALSO READ: 40 കാരി വീട്ടിൽ അതിക്രമിച്ചു കയറി, പിറന്നാൾ ദിവസം ജങ്കൂക്ക് അത് തുറന്ന് പറയുന്നു; നിങ്ങൾക്ക് വരാം, പക്ഷേ..ടെലിവിഷൻ പരിപാടികളിലൂടെയാണ് രാജേഷ് തന്റെകരിയർ തുടങ്ങിയത്. പ്രമുഖ ടിവി അവതാരകരിലൊരാളായ രാജേഷിനു 47 വയസ് ആണ് പ്രായം. നിരവധി ജനപ്രിയ റിയാലിറ്റി ഷോകളും ടോക്ക് ഷോകളുംസ്റ്റെജ് ഷോകളും അദ്ദേഹം ഹോസ്റ്റ് ചെയ്തിട്ടുണ്ട്. ബ്യൂട്ടിഫുൾ' (2011), 'ട്രിവാൻഡ്രം ലോഡ്ജ്' (2012), 'ഹോട്ടൽ കാലിഫോർണിയ' (2013), 'നീന' (2015), 'തട്ടും പുറത്ത് അച്യുതൻ' (2018) എന്നിവയുൾപ്പെടെ നിരവധി ചിത്രങ്ങളിലും രാജേഷ് അഭിനയിച്ചു.