ഒരിക്കൽ പ്രണയിച്ചവർ, വിവാഹ നിശ്ചയം കഴിഞ്ഞു, ബ്രേക്കപ് ആയി; 8 വർഷങ്ങൾക്ക് ശേഷം രശ്മികയും രക്ഷിത് ഷെട്ടിയും ഒരേ വേദിയിൽ!

Authored by: അശ്വിനി പി|Samayam Malayalam•9 Oct 2025, 3:31 pm

വേർപിരിഞ്ഞു കഴി‍ഞ്ഞാൽ പിന്നെ മുഖത്ത് നോക്കാൻ പോലും കഴിയാത്ത വിധം ശത്രുക്കളായി പോകുന്ന കമിതാക്കളുണ്ട്. അതിൽ നിന്നും തീർത്തും വ്യത്യസ്തരാണ് രശ്മിക മന്ദാനയും രക്ഷിത് ഷെട്ടിയും. ഒരുകാലത്ത് പ്രണയിച്ചവർ, ഒന്നിച്ചൊരു ജീവിതം സ്വപ്നം കണ്ടവർ. വേർപിരിഞ്ഞു പോയപ്പോൾ ഒരുപാട് അകലേക്ക് പോയി. പക്ഷേ വീണ്ടും കണ്ടപ്പോൾ ആ സ്നേഹം പങ്കുവയ്ക്കാൻ ഇരുവർക്കും കഴിഞ്ഞു.

രശ്മിക മന്ദാന യുടെയും വിജയ് ദേവരകൊണ്ടയുടെയും വിവാഹ നിശ്ചയം കഴിഞ്ഞു എന്ന വാർത്തകൾക്കിടയിലാണ് ഇക്കഴിഞ്ഞ സൈമ അവാർഡ് നിശയിൽ സംഭവിച്ച ഒരു വീഡിയോ വൈറലാവുന്നത്. രക്ഷിത് ഷെട്ടിയ്ക്ക് പുരസ്കാരം നൽകാൻ രശ്മിക മന്ദാന വേദിയിൽ എത്തുകയായിരുന്നു. പരസ്പരം ക്ഷമയും നന്ദിയും പറഞ്ഞ് ഇരുവരും കെട്ടിപ്പിടിച്ചു.

Also Read: ഇപ്പോൾ സോഷ്യൽ മീഡിയയിൽ നിന്നൊരു ബ്രേക്ക് അനിവാര്യമാണ് എന്ന് പറഞ്ഞ് എത്തിയിരിക്കുകയാണ് ഭാമ

2016 ൽ കിറുക്ക് പാർട്ടി എന്ന ചിത്രത്തിലൂടെയായിരുന്നു രശ്മിക മന്ദാനയുടെ തുടക്കം. ആദ്യ ചിത്രത്തിലെ നായകനായിരുന്നു രക്ഷിത് ഷെട്ടി . ഇരുവരും വളരെ പെട്ടന്ന് പ്രണയത്തിലായി. 2017 ൽ വിവാഹ നിശ്ചയവും കഴിഞ്ഞു. എന്നാൽ പിന്നീട് ഇരുവർക്കുമിടയിൽ അഭിപ്രായ വ്യത്യാസങ്ങൾ ഉണ്ടാവുകയും വേർപിരിയുകയും ചെയ്തു.

കിറുക്ക് പാർട്ടി എന്ന കന്നട ചിത്രത്തിന് ശേഷം രശ്മികയുടെ കരിയർ ആകെമൊത്തം ടോട്ടലായി മാറി. ഗീതാ ഗോവിന്ദം എന്ന തെലുങ്ക് ചിത്രത്തിലൂടെ നാഷണൽ ക്രഷ് ആയി. ഇപ്പോൾ കന്നടയും തെലുങ്കും കടന്ന് ടോളിവുഡും ബോളിവുഡും രശ്മിക കീഴടക്കി. ആരും കൊതിക്കുന്ന ഒരു വളർച്ച തന്നെയാണ് രശ്മികയ്ക്ക് സംഭവിച്ചത്.

Also Read: അന്ന് ഞാൻ മരിക്കേണ്ടതായിരുന്നു, ആത്മാർത്ഥത കൂടിപ്പോയി; ഒന്നും അറിയാത്ത പ്രായത്തിൽ സംഭവിച്ച അപക്വത; മഞ്ജു വാര്യർ പറയുന്നു

ഇതിനിടയിൽ ആണ് വിജയ് ദേവരകൊണ്ടയുമായി പ്രണയത്തിലായത്. ഗീതാ ഗോവിന്ദം, ഡിയർ കോംമ്രേഡ് എന്നീ ചിത്രങ്ങളിൽ ഒന്നിച്ചഭിനയിച്ച ഇരുവരുടെയും ജോഡി പൊരുത്തം ആരാധകർക്കും ഏറെ പ്രിയങ്കരമാണ്. പ്രണയത്തിലാണ് എന്ന് ഇരുവരുടെയും സോഷ്യൽ മീഡിയ പോസ്റ്റുകളിലൂടെയും പുറത്തുവന്ന ഫോട്ടോകളിലൂടെയുമാണ് ആരാധകർ സ്ഥിരീകരിച്ചത്. ഇപ്പോൾ വിവാഹ നിശ്ചയം കഴിഞ്ഞു എന്ന വാർത്തകളും വരുന്നു. ഒരിക്കൽ നിശ്ചയിച്ചുറപ്പിച്ച വിവാഹം മുടങ്ങിയതുകൊണ്ടുള്ള ട്രോമയാണോ എന്തോ, ഇതുവരെ ഔദ്യോഗികമായി വിജയ് ദേവരകൊണ്ടയോ രശ്മിക മന്ദാനയോ തങ്ങളുടെ ബന്ധമോ വിവാഹ നിശ്ചയമോ സ്ഥിരീകരിച്ചിട്ടില്ല.