ഒരു അമ്മയായതിന് ശേഷമുള്ള മാറ്റം, ജീവിതത്തിൽ ഏറ്റവും ആസ്വദിയ്ക്കുന്ന നിമിഷങ്ങളെ കുറിച്ച് മാർ​ഗോട്ട് റോബി പറയുന്നു

Authored by: അശ്വിനി പി|Samayam Malayalam•23 Aug 2025, 5:40 pm

ബാർബി സിനിമയിലൂടെ ശ്രദ്ധ നേടിയ നടി മാർഗോട്ട് റോബി ഇപ്പോൾ തന്നെ മാതൃത്വം വളരെ ആസ്വദിച്ചുകൊണ്ടിരിയ്ക്കുകയാണ്. മകന്റെ വളർച്ച നോക്കി നിൽക്കുന്നതാണ് ജീവിതത്തിലെ ഏറ്റവും സന്തോഷം എന്ന് നടി പറയുന്നു

കഴിഞ്ഞ വർഷമാണ് മാർഗോട്ട് റോബിയ്ക്കും ടോം അക്രലിയ്ക്കും മകൻ പിറന്നത്. എന്റർടൈൻമെന്റ് ടുനൈറ്റിന് നൽകിയ അഭിമുഖത്തിൽ സംസാരിക്കവെ പാരന്റ്ഹുഡിനെ കുറിച്ച് നടി വാചാലയാവുകയായിരുന്നു.

Also Read: 18 വയസ്സിന് ശേഷം എന്റെ ഒരു കാര്യത്തിലും അച്ഛനും അമ്മയും ഇടപെട്ടിട്ടില്ല, ‍എനിക്ക് എത്ര പണം കിട്ടുന്നു എന്ന് പോലും അവർക്കറിയില്ല; അനുപമ പറയുന്നു

എങ്ങനെയാണ് ഈ സമയം എന്ന് ചോദിച്ചാൽ, മക്കളുള്ള ഒരാളോടാണ് അത് വിശദീകരിക്കേണ്ടത് എങ്കിൽ അതിന്റെ ആവശ്യമില്ല. അവർക്കത് മനസ്സിലാക്കാൻ സാധിക്കും. ഇനി അഥവാ ഇല്ലാത്തവരോടാണ് പറയുന്നത് എങ്കിൽ, നമ്മൾ അത്രയധികം എക്സൈറ്റ്മെന്റോടെ പറയുന്ന കാര്യം അവരെ സംബന്ധിച്ച് ബോറിങ് ആയിരിക്കും. അതുകൊണ്ട് ഇത് ഏറ്റവും നല്ല നിമിഷമാണെന്ന് പറയുക മാത്രം ചെയ്യുക- മാർഗോട്ട് റോബി പറഞ്ഞു.

Also Read: ഇങ്ങനെ സുന്ദരിയാരിക്കുന്നതിന്റെ കാരണം എന്റെ പുരുഷൻ തന്നെ! സൂര്യ തേജസ്സോടെ രാധിക; ജ്യോതികയുടെ വാക്കുകൾ കടമെടുത്ത് ഫാൻസ്‌

2024 ഒക്ടോബറിൽ ആണ് മാർഗോട്ട് റോബിയ്ക്കും ടോം അക്രലിയ്ക്കും ആൺകുഞ്ഞ് പിറന്നത്. ആഴ്ചകൾക്ക് ശേഷം ഒരു മാഗസിനിലൂടെയാണ് ആ സന്ചോൽ വാർത്ത അറിഞ്ഞത്. പക്ഷേ കുഞ്ഞിനെ സബന്ധിച്ച ഒരു കാര്യങ്ങളും ദമ്പതികൾ പുറത്തുവിട്ടിട്ടില്ല. പേരോ ഫോട്ടോയോ ഒന്നും തന്നെ പുറത്തുവിടാൻ മാർഗോട്ടിനും ടോം അക്രലിയ്ക്കും താത്പര്യമില്ല. കുഞ്ഞിന്റെ സ്വകാര്യതയെ ഇരുവരും മാനിക്കുന്നു.


കുഞ്ഞാണ് എനിക്ക് എല്ലാം, അത് അങ്ങനെ തന്നെ മുദ്രകുത്താൻ ഞാൻ ആഗ്രഹിക്കുന്നില്ല. പക്ഷേ എന്റെ ജീവിതത്തിൽ ഏറ്റവും പ്രധാനപ്പെട്ടത് ഇപ്പോൾ കുഞ്ഞാണ്- മാർഗോട്ട് റോബി പറഞ്ഞു.

കുഞ്ഞുമായിട്ടാണ് നടി അഭിമുഖത്തിൽ പങ്കെടുക്കാൻ എത്തിയത്. എന്നിരുന്നാലും കുഞ്ഞിന്റെ മുഖം കാണിച്ചില്ല. അഭിമുഖത്തിനിടയിൽ കുഞ്ഞ് ഒച്ചപ്പാട് ഉണ്ടാക്കിയപ്പോൾ, എന്റെ കുഞ്ഞ് ഇത്രയും ശബ്ദമുണ്ടാക്കുന്നതിൽ ഖേദമുണ്ട് സോറി, എന്ന് മാർഗോട്ട് റോബി പറയുന്നുണ്ടായിരുന്നു.