ഒരു കൂസലുമില്ലാതെയാണ് സമാന്ത എത്തിയത്, വിവാഹത്തിന്റെ രണ്ട് ദിവസം മുന്‍പ് എവിടെയായിരുന്നു?

Authored by: അശ്വിനി പി|Samayam Malayalam•2 Dec 2025, 2:31 pm

നടി സമാന്ത റുത്ത് പ്രഭുവിന്റെയും സംവിധായകന്‍ രാജ് നിഡിമോരുവിന്റെയും വിവാഹത്തെ കുറിച്ചാണ് ഇപ്പോള്‍ സോഷ്യല്‍ മീഡിയ മുഴുവന്‍ സംസാരിക്കുന്നത്. ഡിസംബര്‍ 1 ന് കോയമ്പത്തൂരിലെ ഇഷ ഫൗണ്ടേഷന്‍ കേന്ദ്രത്തിലുള്ള ആദിയോഗിയില്‍ വച്ചായിരുന്നു വിവാഹം. വളരെ സ്വകാര്യമായി, അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത വിവാഹത്തെ സംബന്ധിച്ച വാര്‍ത്തകള്‍ തലേ ദിവസം മുതലേ പ്രചരിക്കുന്നുണ്ടായിരുന്നുവെങ്കിലും, എല്ലാ ഗോസിപ്പുകള്‍ക്കും ഫുള്‍സ്റ്റോപ്പിട്ട് വൈകുന്നേരത്തോടെ സമാന്ത വിവാഹ ഫോട്ടോകള്‍ പങ്കുവയ്ക്കുകയായിരുന്നു

ഇന്റസ്ട്രിയിലുള്ളവര്‍ക്കും അതൊരു ഷോക്കിങ് ആയി. വാര്‍ത്തകള്‍ കേട്ടവര്‍ ഓരോരുത്തരും സമാന്തയ്ക്കും രാജ് നിഡിമോരുവിനും വിവാഹ മംഗള ആശംസകളുമായി എത്തി. കുറച്ചു കാലങ്ങളായി ഇരുവരുടെയും പ്രണയ ഗോസിപ്പുകള്‍ പലയിടങ്ങളിലായി പ്രചരിക്കുന്നുണ്ടായിരുന്നുവെങ്കിലും, സമാന്തയോ രാജ് നിഡിമോരുവോ എവിടെയും അതിനൊരു സ്ഥീകരണം നല്‍കിയിരുന്നില്ല. അതുകൊണ്ട് തന്നെ വിവാഹം തീര്‍ത്തും സര്‍പ്രൈസിങ് ആയിരുന്നു.

Also Read: മറ്റൊരു കുടുംബം തകര്‍ത്തിട്ടല്ല സ്വന്തം കുടുംബം ഉണ്ടാക്കേണ്ടത്; സമാന്തയ്‌ക്കെതിരെ പൂനം കൗറിന്റെ പോസ്റ്റ്?

വിവാഹത്തിന് രണ്ട് ദിവസം മുന്‍പ് പോലും സമാന്ത വളരെ അധികം പ്രഫഷണലായി കരിയരില്‍ സജീവവുമായിരുന്നു. അവിടെ പോലും ഒരു സൂചനയും നല്‍കിയിരുന്നില്ല. മുംബൈയില്‍ വച്ചുനടന്ന ഇന്‍സ്റ്റഗ്രാം ഇന്‍ഫ്‌ളൂവന്‍സേഴ്‌സ് ഈവന്റില്‍ സമാന്ത റുത്ത് പ്രഭു എത്തിയത് ഒരു കൂസലും ഇല്ലാതെയാണ്. അത് കഴിഞ്ഞ് ഒരു ദിവസം പിന്നിട്ടപ്പോഴേക്കും വിവാഹവുമായി. മറ്റേതൊരു സെലിബ്രേറ്റിയോ, സാധാരണക്കാരോ ആയിരുന്നെങ്കിലും സ്വന്തം കല്യാണത്തിന്റെ തലേ ദിവസം പോലും ഇത്രയും പ്രൊഫഷണലായി പെരുമാറുമായിരുന്നില്ല. സമാന്തയ്ക്ക് വേണമെങ്കില്‍ അത് ഒഴിവാക്കാമായിരുന്നു. എന്നിരുന്നാലും പ്രൊഫഷണല്‍ കമ്മിറ്റ്‌മെന്റുകളുടെ ഭാഗമായി മുംബൈയില്‍ എത്തുകയും പരിപാടിയില്‍ പങ്കെടുക്കുകയും ചെയ്തു എന്ന് പറഞ്ഞാണ് ആരാധകര്‍ കൈയ്യടിക്കുന്നത്.


ജീവിതത്തില്‍ ഒത്തിരി പ്രതിസന്ധികള്‍ നേരിട്ട് മുന്നോട്ടു വന്ന നടിയാണ് സമാന്ത റുത്ത് പ്രഭു. ഒരു അവസരം കിട്ടാനായി ഒരുപാട് അലഞ്ഞിരുന്നു. മലയാള സിനിമയായ ക്രേസി ഗോപാലന്റെ സിനിമയുടെ ഓഡിഷന് പോലും പങ്കെടുത്തിട്ടുണ്ട്. ഒരുപാട് റിജക്ഷന്‍ നേരിട്ടതിന് ശേഷമാണ് കരിയറില്‍ ആഗ്രഹിച്ച ഒരിടത്തേക്ക് എത്തിയത്. അതിനുള്ളില്‍ സംഭവിച്ച പ്രണയവും ബ്രേക്കപ്പും, വിവാഹവും വിവാഹ മോചനവും, മയോസൈറ്റിസ് എന്ന അപൂര്‍വ്വ രോഗവും എല്ലാം സമാന്തയ്ക്ക് വലിയ വെല്ലുവിളി ഉയര്‍ത്തിയിരുന്നുവെങ്കിലും അതിനെയെല്ലാം നേരിട്ട് സൗത്ത് ഇന്ത്യയിലെ മുന്‍നിര നായികാ നിരയിലേക്ക് എത്തുകയായിരുന്നു സാം.