‘ഒരു ചായ ചേട്ടാ..’ എന്ന് രാഹുൽ; ‘ചായ, ചായ, ചായേ...’ എന്നു വിളിച്ചുപറഞ്ഞ് സഞ്ജു; വിഡിയോ പങ്കുവച്ച് ബിസിസിഐ

4 weeks ago 6

ഓൺലൈൻ ഡെസ്‌ക്

Published: October 20, 2026 06:39 PM IST Updated: October 21, 2026 01:01 PM IST

1 minute Read

സഞ്ജു സാംസണും കെ.എൽ.രാഹുലും (X/BCCI)
സഞ്ജു സാംസണും കെ.എൽ.രാഹുലും (X/BCCI)

ക്രൈസ്റ്റ് ചർച്ച് (ന്യൂസീലൻഡ്) ∙ 42 ദിവസം നീണ്ടുനിൽക്കുന്ന പര്യടനത്തിനായി ഇന്ത്യൻ ക്രിക്കറ്റ് ടീം ന്യൂസീലൻഡിലെത്തി. ആദ്യ രണ്ടു ട്വന്റി20 മത്സരങ്ങളും നടക്കുന്ന ക്രൈസ്റ്റ് ചർച്ചിലാണ് ടീം എത്തിയത്. താരങ്ങളും കോച്ച് ഗൗതം ഗംഭീർ ഉൾപ്പെടെയുള്ള സപ്പോർട്ട് സ്റ്റാഫുകളും ന്യൂസീലൻഡിലെത്തിയതിന്റെ ചിത്രങ്ങളും വിഡിയോയും ബിസിസിഐ സമൂഹമാധ്യമത്തിൽ പങ്കുവച്ചു. അഞ്ച് വീതം ട്വന്റി20, ഏകദിന മത്സരങ്ങളും രണ്ടു ടെസ്റ്റുമാണ് പര്യടനത്തിലുള്ളത്. ട്വന്റി20 ടീമംഗങ്ങളാണ് ഇപ്പോൾ ന്യൂസീലൻഡിലെത്തിയിരിക്കുന്നത്. ഈ ടീമിന്റെ ഭാഗമല്ലാത്ത കെ.എൽ.രാഹുൽ, ധ്രുവ് ജുറേൽ, ദേവ്‍ദത്ത് പടിക്കൽ ഉൾപ്പെടെയുള്ളവരും എത്തിച്ചേർന്നിട്ടുണ്ട്.

What you should work next

മലയാളി താരം സഞ്ജു സാംസണും കെ.എൽ.രാഹുലും തമ്മിലുള്ള നർമസംഭാഷണത്തിന്റെ ഭാഗങ്ങളും ബിസിസിഐ പങ്കുവച്ച വിഡിയോയിലുണ്ട്. ‘ചായക്കട തുടങ്ങിയോ’ എന്ന് സഞ്ജു മലയാളത്തിൽ ചോദിക്കുമ്പോൾ, ‘ഒരു ചായ ചേട്ടാ..’ എന്ന് രാഹുൽ ചിരിച്ചുകൊണ്ട് പറയുന്നതാണ് വിഡിയോയിലുള്ളത്. പിന്നാലെ ‘ചായ ചായ, ചായേ...’ എന്ന് സഞ്ജു രസകരമായി പറയുന്നതും കേൾക്കാം.

Touchdown Christchurch 🛬 #TeamIndia person arrived for the upcoming #NZvIND T20I bid 🙌 https://t.co/mIw5LhEqId

— BCCI (@BCCI) October 20, 2026

പര്യടനത്തിൽ ആറ് ആഴ്ചകളിലായി ആകെ 12 മത്സരങ്ങളാണ് ഇന്ത്യ കളിക്കുക. ന്യൂസീലൻഡ് ക്രിക്കറ്റിന്റെ ചരിത്രത്തിലെ ഏറ്റവും ദൈർഘ്യമേറിയ ഹോം പര്യടനമായിരിക്കും ഇത്. ട്വന്റി20 പരമ്പരയോടെയാണ് പര്യടനം ആരംഭിക്കുന്നത്. തുടർന്ന് ‌ഏകദിന പരമ്പരയും അതിനുശേഷം ടെസ്റ്റ് മത്സരങ്ങളും നടക്കും. ഒക്ടോബർ 22 മുതൽ നവംബർ 1 വരെയാണ് ട്വന്റി20 പരമ്പര. തുടർന്ന് നവംബർ 4 മുതൽ 15 വരെ 5 മത്സരങ്ങളടങ്ങിയ ഏകദിന പരമ്പര അരങ്ങേറും. ഇതിനുശേഷമായിരിക്കും ഇരു ടീമുകളും ടെസ്റ്റ് മത്സരങ്ങളിൽ ഏറ്റുമുട്ടുക.

പല പ്രധാന ലക്ഷ്യങ്ങളോടെയാണ് ഇന്ത്യ കിവീസ് പര്യടനത്തിനെത്തിയിരിക്കുന്നത്. 2027 ലോകകപ്പിനുള്ള തയാറെടുപ്പുകൾക്ക് ഏകദിന പരമ്പര നിർണായകമാകുമ്പോൾ, ലോക ടെസ്റ്റ് ചാംപ്യൻഷിപ്പിന്റെ ഫൈനലിൽ പ്രവേശിക്കാനുള്ള ഇന്ത്യയുടെ പ്രതീക്ഷകൾക്ക് ടെസ്റ്റ് മത്സരങ്ങൾ അത്യന്തം പ്രധാനമാണ്. ആദ്യ മൂന്ന് ഏകദിനങ്ങളിലും ടെസ്റ്റ് മത്സരങ്ങളിലും ശുഭ്മൻ ഗില്ലാണ് ടീമിനെ നയിക്കുക. ട്വന്റി20 ടീമിന്റെ ചുമതല ശ്രേയസ് അയ്യർക്കായിരിക്കും; അവസാന രണ്ട് ഏകദിനങ്ങളിലും അയ്യർ തന്നെയായിരിക്കും ക്യാപ്റ്റൻ.

ന്യൂസീലൻഡ് പരമ്പരയ്ക്കുള്ള ഇന്ത്യൻ ട്വന്റി20 ടീം:

ശ്രേയസ് അയ്യർ (ക്യാപ്റ്റൻ), തിലക് വർമ (വൈസ് ക്യാപ്റ്റൻ), അഭിഷേക് ശർമ, സഞ്ജു സാംസൺ (വിക്കറ്റ് കീപ്പർ), വൈഭവ് സൂര്യവംശി, ഇഷാൻ കിഷൻ (വിക്കറ്റ് കീപ്പർ), അക്ഷർ പട്ടേൽ, ശിവം ദുബെ, നിതീഷ് കുമാർ റെഡ്ഡി, നമൻ ധീർ, പ്രിൻസ് യാദവ്, മയങ്ക് യാദവ്, അർഷ്ദീപ് സിങ്, ഭുവനേശ്വർ കുമാർ, വരുൺ ചക്രവർത്തി, കുൽദീപ് യാദവ്.

English Summary:

Indian cricket squad New Zealand circuit 2027 has officially commenced with the accomplishment of players and enactment unit successful Christchurch. The forty-two-day agelong circuit features 5 T20 matches, 5 ODIs, and 2 Test matches nether the enactment of Shubman Gill and Shreyas Iyer.

Read Entire Article