ഒരു തവണ മരണത്തെ അതിജീവിച്ചു വന്നതാണ്; ഷൂട്ടിങ് സെറ്റിൽ കുഴഞ്ഞുവീണു മരിച്ച നടൻ റോബോ ശങ്കറിന് എന്തായിരുന്നു അസുഖം?

Authored by: അശ്വിനി പി|Samayam Malayalam•19 Sept 2025, 10:48 am

തമിഴ് കോമഡി സിനിമകളിലൂടെയാണ് റോബോ ശങ്കർ എന്ന നടൻ ശ്രദ്ധിക്കപ്പെട്ടത്. മാരി, വിശ്വാസം തുടങ്ങിയ സിനിമകളിലൂടെ ഏറെ പരിചിതനായ നടൻ ഇന്നലെയാണ് ചെന്നൈയിലെ സ്വകാര്യ ആശുപത്രിയിൽ മരണപ്പെട്ടത്. 46 വയസ്സായിരുന്നു. മിമിക്രി വേദികളിൽ തുടങ്ങി, മിനിസ്ക്രീനിലൂടെ ബിഗ്സ്ക്രീനിലേക്ക് എത്തിയ നടൻ വളരെ പെട്ടന്നാണ് ഇന്റസ്ട്രിയിൽ തന്റേതായ ഇടം കണ്ടെത്തിയത്.

സമീപകാലത്തായി നടന്റെ ശരീര ഭാരം കുറഞ്ഞ് മെലിഞ്ഞ വീഡിയോകൾ വന്നപ്പോൾ മുതൽ ഗുരുതരമായ രോഗാവസ്ഥയെ നേരിടുകയായിരുന്നു എന്നും, മരണപ്പെട്ടു എന്നുമടക്കമുള്ള ഗോസിപ്പുകൾ വന്നിരുന്നു. എന്നാൽ അതിനെയൊക്കെ അതിജീവിച്ച് ജീവിതത്തിൽ പുതിയ പ്രതീക്ഷയുമായി മുന്നോട്ടു പോകവെയാണ് ഷൂട്ടിങ് സെറ്റിൽ കുഴഞ്ഞു വീണത്. പെട്ടന്ന് തന്നെ രോഗം തിരിച്ചറിയുകയും ട്രീറ്റ്മെന്റ് ആരംഭിക്കുകയും ചെയ്തുവെങ്കിലും ജീവൻ രക്ഷിക്കാൻ കഴിഞ്ഞില്ല.

Also Read: ഇരുപത്തിയഞ്ചുലക്ഷം വരെ വാങ്ങിയ നാളുകൾ! ബാങ്ക് ബാലൻസ്, ബിസിനസ്, വീടുകൾ, ലക്ഷ്വറി വണ്ടികൾ; കാവ്യയും സിനിമ യാത്രയും

ഗുരുതരമായ അവസ്ഥയിലാണ് റോബോ ശങ്കറിനെ ആശുപത്രിയിൽ എത്തിച്ചത് എന്ന് ആശുപത്രി റിപ്പോർട്ടുണ്ട്. ശരീരത്തിൽ ഒട്ടും തന്നെ വെള്ളമില്ല, ബിപി കുറവാണെന്നായിരുന്നു പ്രാഥമിക ചികിത്സയിൽ വന്ന റിപ്പോർട്ടുകൾ. പിന്നീട് മരുന്നുകളോടൊന്നും പ്രതികരിക്കാതെയായി. ഗ്യാസ്ട്രോഇന്റസ്റ്റൈനൽ രക്തസ്രാവവും ഒന്നിലധികം അവയവങ്ങൾ നശിച്ച രീതിയിലുമാണ് നടനെ ആശുപത്രിയിൽ എത്തിച്ചത് എന്ന് ആശുപത്രി റിപ്പോർട്ടിൽ പറയുന്നു. കടുത്ത വയറ് വേദനയും ഉണ്ടായിരുന്നു. ഉടനെ ഐസിയുവിലേക്ക് മാറ്റി, ഇന്നലെ രാത്രിയോടെ മരണം സ്ഥിരീകരിച്ചു.

Also Read: ഒന്നര വർഷത്തെ ഷൂട്ട്, അജിത്തുമായി ഒരുപാട് അടുത്തു, പിരിയുന്ന ദിവസം അജിത്ത് പറഞ്ഞ വാക്കുകൾ എന്റെ ഹൃദയം തകർത്തു; മഹേശ്വരിയുടെ ആ വേദന

മഞ്ഞപ്പിത്തം ബാധിച്ചതിനെ തുടർന്നാണ് ആദ്യം റോബോ ശങ്കർ കിടപ്പിലായത്. അഞ്ച് മാസത്തോളം കിടക്കയിൽ നിന്ന് എഴുന്നേൽക്കാൻ പോലും സാധിക്കാത്ത അഴസ്ഥയിലായിരുന്നു. അതിനെ അതിജീവിച്ച് തിരിച്ചെത്തിയ റോബോ ശങ്കർ വീണ്ടും സ്വഭാവിക ജീവിതം ജീവിച്ചു. മകളുടെ കല്യാണം നടത്തിയതെല്ലാം തിരിച്ചുവരവിന് ശേഷമാണ്. അഭിനയത്തിലേക്കും താൻ പഴയതു പോലെ തിരിച്ചെത്തും എന്ന് അന്ന് നടൻ പറഞ്ഞിരുന്നു. അതുപോലെ തന്നെ തിരിച്ചെത്തി.


2013 ൽ ഇതർക്കുതാന ആസൈപ്പട്ടാർ ബാലകുമാരാ എന്ന ചിത്രത്തിലൂടെയായിരുന്നു റോബോ ശങ്കറിന്റെ സിനിമയിലേക്കുള്ള അരങ്ങേറ്റം. വായിമൂടി പേസുവോം, മാരി, മാരി 2, സിങ്കം 3, വേലൈക്കാരാ, കലകലപ്പ് 2 എന്നിങ്ങനെ നിരവധി സിനിമകളിലൂടെ നടന്റെ ഇന്റസ്ട്രിയിൽ തൻൻെ നിലയുറപ്പിച്ചു. സൊട്ട സൊട്ട നനയുത് എന്ന ചിത്രത്തിലാണ് ഏറ്റവുമൊടുവിൽ അഭിനയിച്ചത്.