ഒരു മാസം പഠിച്ചവർ ഇതിലും നന്നായി ഡാൻസ് കളിക്കുമെന്നൊക്കെ; ദിവ്യക്കും ആറുവയസുകാരി ഐശ്വര്യക്കും നേരെ സൈബർ അറ്റാക്ക്

കലാഭവൻ മണിയുടെ കൂടെ അഭിനയിച്ചില്ല എന്നതിന്റെ പേരിൽ ഇപ്പോളും ഒരുപറ്റം ആളുകളുടെ സൈബർ അറ്റാക്കിനു ഇരയാകുന്ന ആളാണ് ദിവ്യ ഉണ്ണി . ഇതിന്റെ ഒപ്പം കഴിഞ്ഞവർഷം നൃത്ത വേദിയിൽ ഉണ്ടായ അപകടം, ഉമാ തോമസിന് അപകടം പറ്റിയ സംഭവം എന്നിങ്ങനെ കഴിഞ്ഞ ഒരു വർഷക്കാലം ദിവ്യ ഉണ്ണി എന്ത് പോസ്റ്റ് പങ്കുവച്ചാലും മോശമായ രീതിയിൽ ആയിരുന്നു സൈബർ ആക്രമണം. പക്ഷേ ഇപ്പോൾ മറ്റൊരു കാര്യവും പറഞ്ഞാണ് ദിവ്യക്ക് എതിരെയുള്ള ആക്രമണം.

മറ്റൊന്നുമല്ല ഗുരുവായൂരപ്പന് മുൻപിൽ മകൾക്കൊപ്പം നൃത്ത സന്ധ്യ അവതരിപ്പിക്കാൻ എത്തിയതായിരുന്നു ദിവ്യ, ആറുവയസ് ആണ് മകൾക്ക്, മകളുടെയും നൃത്തം വേദിയിൽ നടന്നിരുന്നു എന്നാൽ ഇതിനെതിരെ ആണ് ഇപ്പോൾ സദാചാരവാദികളുടെ ആക്രമണം. ഒരു മാസം പഠിച്ചവർ ഇതിലും നന്നായി ഡാൻസ് കളിക്കുമെന്നൊക്കെയാണ് സംസാരം. എന്നാൽ ദിവ്യക്ക് പിന്തുണയും ആയി നിരവധിപേരാണ് എത്തുന്നത്.

"മാനുഷികമായി പെരുമാറേണ്ട ഒരു കുഞ്ഞിനോടാണ് ഇങ്ങനെയൊക്കെ. പ്രിയപ്പെട്ടവരെ, അഞ്ചോ ആറോ വയസ്സുള്ള ഒരു കുഞ്ഞ് അത്ര ചെറുപ്രായത്തിൽ തന്നെ നൃത്തം കളിക്കുന്നത് പ്രകടനമല്ല, പരിചയമാണ് എന്നാദ്യം മനസിലാക്കണം"എന്നാണ് സൈബർ ഇടത്തിൽ ദിവ്യയെ പിന്തുണച്ചുകൊണ്ട് അനു എഴുതിയത്.

കുട്ടികളെ പോലും വെറുതെ വിടരുത് 6 വയസ്സ് പോലുമാകാത്ത ദിവ്യ ഉണ്ണിയുടെ മകൾ ഐശ്വര്യ ഗുരുവായൂർ ക്ഷേത്രത്തിൽ നൃത്താർച്ചന നടത്തുന്ന വീഡിയോ കണ്ടു. കുഞ്ഞാണ്. കാഴ്ചക്കത്ര ഫ്ളക്സിബിൾ അല്ല നൃത്തമെന്നാണ് ഭൂരിപക്ഷ അഭിപ്രായം. എന്ന് കരുതി, ആ പേരിലാ കൊച്ചിനെ കുറ്റപ്പെടുത്തണോ ? ആ കുഞ്ഞിനെ സൈബർ ഇടങ്ങളിലിട്ട് ഇങ്ങനെ പരിഹസിക്കണോ ? അതിനു മാത്രം ആ കൊച്ചു വല്ല തെറ്റും ചെയ്തിട്ടുണ്ടോ എന്ന് ചോദിച്ചാൽ 101% ഉറപ്പിച്ചു പറയും ; ഇല്ലെന്ന്.

ALSO READ: 6 രൂപ ശമ്പളത്തിൽ നിന്നും ഹരിശ്രീ കുറിച്ച ബാബു! 15 വയസിൽ പിക്കാസും എടുത്ത് റോഡ് പണിക്കിറങ്ങി; ഹാസ്യസാമ്രാട്ട് ലേബലിലേക്ക് വന്ന താരം

മാനുഷികമായി പെരുമാറേണ്ട ഒരു കുഞ്ഞിനോടാണ് ഇങ്ങനെയൊക്കെ. പ്രിയപ്പെട്ടവരെ, അഞ്ചോ ആറോ വയസ്സുള്ള ഒരു കുഞ്ഞ് അത്ര ചെറുപ്രായത്തിൽ തന്നെ നൃത്തം കളിക്കുന്നത് പ്രകടനമല്ല, പരിചയമാണ് എന്നാദ്യം മനസിലാക്കണം. അതായത് ഫ്ലെക്സിബിലിറ്റി എന്നത് അഭ്യാസത്തിലൂടെ വർഷങ്ങൾ കൊണ്ടു വരുന്ന ഒന്നാണ്. അഞ്ചു വയസ്സിൽ അളക്കാനുള്ള മാപകമല്ല അത്. നോക്കൂ, ആ കുട്ടി വേദിയിൽ കയറാനുള്ള ധൈര്യം കാണിച്ചു. സംഗീതത്തോട് പ്രതികരിച്ചു. സംസ്കാരപരിചയം കാണിച്ചു. തീർച്ചയായും ഇതെല്ലാം ശരിയായ വളർച്ചയുടെ ഭാഗം ആണ്. പിന്നെ ദിവ്യ ഉണ്ണി ഒരു ഡാൻസർ ആയത് അവരുടെ കുറ്റമല്ല - സ്വന്തം അറിവ് കുട്ടിയോട് പങ്കുവെക്കുന്നതും കുറ്റമല്ല. യഥാർത്ഥ പ്രശ്നം കുട്ടിയിലോ അമ്മയിലോ അല്ല. മറിച്ച് നമ്മുടെ പ്രേക്ഷക മനോഭാവത്തിലാണ്. എന്നും അനു കൂട്ടിച്ചേർത്തു .