ഒരു മാസത്തെ ദാനപത്യ ജീവിതം ആഘോഷിച്ച് സെലീന ​ഗോമസും ബെന്നി ബ്ലാങ്കോയും, ബീച്ച് ഫോട്ടോ വൈറലാവുന്നു

Authored by: അശ്വിനി പി|Samayam Malayalam•29 Oct 2025, 4:15 pm

വിവാഹ നിശ്ചയം കഴിഞ്ഞ് ഏതാണ്ട് ഒരു വർഷത്തിന് ശേഷമാണ് ഗായികയും നടിയുമായ സെലീന ഗോമസും മ്യൂസിക് പ്രൊഡ്യൂസർ ബെന്നി ബ്ലാങ്കോയും വിവാഹിതരായത്. ഇക്കഴി‍ഞ്ഞ സെപ്റ്റംബർ 27 ന് നടന്ന വിവാഹത്തിന്റെ മനോഹരമായ ചിത്രങ്ങൾ സോഷ്യൽ മീഡിയയിൽ വൈറലായിരുന്നു. ഇപ്പോഴിതാ വിവാഹം കഴിഞ്ഞതിന്റെ ഒരു മാസം ആഘോഷിച്ച് താര ദമ്പതികൾ.

സെലീന ഗോമസിനൊപ്പം കൈ കോർത്തു പിടിച്ച് ബീച്ചിലൂടെ നടക്കുന്ന ചിത്രങ്ങളാണ് സോഷ്യൽ മീഡിയയിൽ പങ്കുവച്ചിരിയ്ക്കുന്നത്. ഫോട്ടോ ഏറ്റെടുത്ത ആരാധകർ ഇരുവരെയും പ്രശംസിക്കുകയാണ്. സെലീന ഗോമസ് എടുത്തത് തീർത്തും നല്ല ഒരു തീരുമാനമായിരുന്നു, ബെന്നി ബ്ലാങ്കോ ഒരു മികച്ച ഭർത്താവാണ് എന്ന് പറഞ്ഞുകൊണ്ടാണ് കമന്റുകൾ വരുന്നത്.

Also Read: ഒരുപാട് കഷ്ടപ്പെട്ടു എന്ന് ഈ ചിത്രങ്ങൾ കണ്ടാൽ അറിയാം, വെയിലുകൊണ്ട് കറുത്ത് കരിവാളിച്ച അനുപമ

ഇരുവരും കൈ ചേർത്ത് പിടിച്ച് നടക്കുന്ന ബാക്ക് ഷോട്ട് ഫോട്ടോ ആണ് പങ്കുവച്ചിരിയ്ക്കുന്നത്. ലോകത്ത് നടക്കുന്ന മറ്റൊന്നിനെ കുറിച്ചും ആവലാതികളില്ലാതെ, എത്രത്തോളം ശാന്തവും സുന്ദരവുമായ ജീവിതമാണ് ഇരുവരും നയിക്കുന്നതിന്റെ സൂചനയാണ് ഈ ചിത്രം, അല്ലെങ്കിൽ തന്റെ പ്രണയിനിക്കൊപ്പമുള്ള ഓരോ നിമിഷവും എത്രത്തോളം ആസ്വദിയ്ക്കുന്നു എന്ന് ഗാനരചയിതാവ് കൂടെയായ ബെന്നി ബ്ലാങ്കോ ഒരു ചിത്രത്തിലൂടെ പങ്കുവച്ചതാവാം എന്നും ആരാധകർ പറയുന്നു

സെപ്റ്റംബർ 27 ന് കാലിഫോർണിയയിലെ സാന്താ ബാർബറയിലുള്ള സീ ക്രെസ്റ്റ് നഴ്‌സറിയിൽ നടന്ന ഒരു സ്വകാര്യ ചടങ്ങിലാണ് സെലീന ഗോമസും ബെന്നി ബ്ലാങ്കോയും വിവാഹിതരായത്. ഹോളിവുഡ് ഇന്റസ്ട്രിയിലെ അടുത്ത സുഹൃത്തുക്കളും പ്രമുഖ സെലിബ്രേറ്റികളും എല്ലാം വിവാഹത്തിൽ പങ്കെടുത്തിരുന്നു. വിവാഹത്തിന് ശേഷം ബിടിഎസ് ചിത്രങ്ങളും മറ്റു വിശേഷങ്ങളുമായി സെലീന ഗോമസും ബെന്നി ബ്ലങ്കോയും നിരന്തരം ചിത്രങ്ങൾ പങ്കുവയ്ക്കുന്നുണ്ടായിരുന്നു. ‌
2024 ൽ ഡിസംബറിലായിരുന്നു ഇരുവരുടെയും വിവാഹ നിശ്ചയം കഴിഞ്ഞത്. എന്നാൽ തിരക്കുകള്‌‍ കാരണം വിവാഹത്തെ കുറിച്ച് പ്ലാൻ ചെയ്യാൻ സമയം കിട്ടിയില്ല, അതുകൊണ്ടു തന്നെ അത് നീണ്ടു പോകുകയായിരുന്നു.