ഒരുകോടിയിൽ ഒതുങ്ങില്ല ഈ പ്രണയം! ഇത് ലേഖയുടെ പേരിൽ വാങ്ങിയത്, നമ്മുടെ ഇഷ്ടവണ്ടി; പുത്തൻ യാത്രകൾ വിശേഷങ്ങൾ

Authored by: ഋതു നായർ|Samayam Malayalam•30 Sept 2025, 8:05 am

എംജി ശ്രീകുമാറിന്റെ യാത്രകൾക്ക് എന്നും കൂട്ടായി ഉള്ളത് അദ്ദേഹത്തിന്റെ പ്രിയ പത്നി ലേഖ എംജി ശ്രീകുമാർ ആണ്. ഇരുവരുടെയും ബോണ്ടിങ് പ്രണയം, സുന്ദരമായ ജീവിതം ഒക്കെയും അസൂയയോടെ നോക്കുന്നവർ പോലും ഉണ്ട്. അറുപത് വയസ് കഴിഞ്ഞിട്ടും ഇവരുടെ പ്രണയത്തിനു തെല്ലൊരു കുറവും ഇല്ല ഇത് തന്നെയാണ് മാതൃക ആക്കേണ്ട മറ്റൊരു കാര്യം. ഒരു സമയത്ത് ഭാര്യയെ ഒപ്പം കൂട്ടി നടക്കുന്ന ആളെന്ന രീതിയിൽ പരിഹാസം പോലും ഇരുവരും നേടിയിട്ടുണ്ട്. എന്നാൽ ഇന്ന് ആ പരിഹസിച്ചവർ ഭാര്യമാരെ കൂട്ടിയാണ് പോകുന്നതെന്ന് ഒരിക്കൽ എംജി പറഞ്ഞിരുന്നു.

താൻ എവിടെ പോയാലും ഒപ്പം ഭാര്യയും വേണം എന്ന് കരുതുന്ന ആളാണ് എംജി. ആദ്യമായി കണ്ട നിമിഷം തന്നെ താൻ ഉറപ്പിച്ചു ഇത് എന്റെ പെണ്ണെന്ന്. പിന്നെ പല ആലോചനകൾ വന്നു. എന്നാൽ അപ്പോഴൊന്നും എംജിയുടെ മനസ്സിൽ പതിഞ്ഞ രേഖയുടെ രൂപം അവിടെ തന്നെ ഉണ്ടായിരുന്നു. എംജി ഈ ബന്ധത്തിൽ നിന്നും ഒഴിവാകാൻ വേണ്ടി താൻ ശ്രമിച്ചുവെന്നും എന്നാൽ അപ്പോഴൊന്നും എംജിയുടെ മനസ്സ് മാറിയില്ലെന്നും ലേഖ അടുത്തിടെ പറഞ്ഞിരുന്നു.

ഈ ദാമ്പത്യത്തിന്റെ ഏറ്റവും വലിയ അടിത്തറ തന്നെ പ്രണയവും പരസ്പരം അത്രയും മനസിലാക്കുന്ന ആളുകളും ആണെന്നതാണ്. ഇപ്പോഴിതാ താരത്തിന്റെ ഏറ്റവും ഒടുവിലത്തെ ഒരു വീഡിയോ ആണ് വൈറലായി മാറുന്നത്. Mercedes-Benz E-Class 2025 മോഡൽ തന്റെ പ്രണയിനിക്ക് വേണ്ടി സ്വന്തമാക്കിയതാണ് എംജി ശ്രീകുമാർ. ഇത് ലേഖയുടെ പേരിൽ വാങ്ങിയ വണ്ടിയാണ്, അങ്ങനെ വണ്ടി വേണം എന്നൊന്നും ആഗ്രഹം ഇല്ലായിരുന്നു, പക്ഷേ ബെൻസിനോട് ഒരു പ്രത്യേക ഇഷ്ടം ഉണ്ടായിരുന്നു. അങ്ങനെ ചില വണ്ടികൾ നമ്മുടേത് കൊടുത്തു. അങ്ങനെയാണ് ഈ പുതിയ വേരിയന്റ് സ്വന്തമാക്കിയത്.

ALSO READ: അങ്ങനെ കാത്തിരിപ്പ് അവസാനിച്ചു, പൂർവ്വാധികം ശക്തനായി, ആ ചെറിയ ഇടവേള ഒരു റീചാർജ് ഘട്ടം; മമ്മൂട്ടി വരുന്നുവെന്ന് ആന്റോ

ഒരുകോടിക്ക് മുകളിൽ വില വരുന്ന ഈ വണ്ടി പദ്മനാഭന്റെ മണ്ണിലാണ് എംജിയും ലേഖയും പൂജിച്ചത്. ഈ വീഡിയോയും ഇപ്പോൾ സമൂഹ മാധ്യമങ്ങളിൽ വൈറലാണ്. തന്നെ താൻ ആക്കിയ തിരുവനന്തപുരത്തേക്ക് എത്തി അനന്തന്റെ മണ്ണിൽ വണ്ടി പൂജിച്ച സന്തോഷവും എം ജി പങ്കുവച്ചിരുന്നു.

നീണ്ട പതിനാലു വർഷത്തെ ലിവ് ഇൻ റിലേഷൻ അവസാനിപ്പിച്ചുകൊണ്ടായിരുന്നു 2000 ൽ ഇരുവരും വിവാഹിതരായത്. തങ്ങളുടെ വിവാഹത്തില്‍ ഏറെയും എതിര്‍പ്പ് വീട്ടുകാര്‍ക്ക് ആയിരുന്നു. കൂട്ടുകാര്‍ക്കും എതിര്‍പ്പായിരുന്നു. പക്ഷേ അതിനെയെല്ലാം തരണം ചെയ്താണ് ഇരുവരും ഒന്നായതും ഇത്രയും വർഷങ്ങൾ നീണ്ട പ്രണയയാത്ര തുടരുന്നതും.