ഒരുപാട് കളിയാക്കിയതാണ്, എന്നാല്‍ 2025 അനുപമ പരമേശ്വരന്‍ തൂക്കി! മൂന്ന് ഭാഷകളിലായി റിലീസായത് 7 സിനിമകള്‍

2025 ല്‍ പ്രേമം എന്ന സിനിമ റിലീസ് ആയിട്ട് പത്ത് വര്‍ഷം പൂര്‍ത്തിയായിരുന്നു. പത്ത് വര്‍ഷത്തിനിപ്പുറം ആ സിനിമകളിലെ നായികമാര്‍ എല്ലാം തങ്ങളുടേതായ വിജയം ഇന്റസ്ട്രിയില്‍ നേടിക്കഴിഞ്ഞു. സായി പല്ലവി, മഡോണ സെബാസ്റ്റിന്‍, അനുപമ പരമേശ്വരന്‍ എന്നീ മൂന്ന് നായികമാരില്‍ ഏറ്റവും അധികം കളിയാക്കലുകളും വിമര്‍ശനങ്ങളും നേടിയത് അനുമപരമ പരമേശ്വരനാണ്. അവസാനം അതൊന്നും സഹിക്കാനാവാതെ മലയാളം ഇന്റസ്ട്രി വിട്ട് താന്‍ ഒളിച്ചോടിപ്പോകുകയായിരുന്നു എന്ന് ഈ വര്‍ഷം നല്‍കിയ അഭിമുഖത്തില്‍ അനുപമ തന്നെ പറഞ്ഞിട്ടുണ്ട്.

എന്നാല്‍ 2025 എന്ന വര്‍ഷം അനുപമയുടേതായിരുന്നു. മലയാളത്തിലുള്‍പ്പടെ ഏഴ് സിനിമകളാണ് ഈ വര്‍ഷം അനുപരമയുടേതായി റിലീസായത്. ഏഴും അത്യാവശ്യം ശ്രദ്ധ നേടിയ സിനിമ തന്നെയാണ്. ഡ്രാഗണ്‍ എന്ന തമിഴ് ചിത്രത്തിലൂടെയായിരുന്നു ഈ വര്‍ഷം ആരംഭിച്ചത്. പ്രദീപ് രംഗനാഥന്‍ നായകനായ ചിത്രം മികച്ച വിജയം നേടി. തമഇഴില്‍ അനുപമയ്‌ക്കൊരു ബ്രേക്ക് തന്നെയായിരുന്നു അത്. മാരി സെല്‍വരാജ് സംവിധാനം ചെയ്ത ബൈസണ്‍ എന്ന ചിത്രത്തിലെ അഭിനയവും തമിഴില്‍ അനുപമയ്ക്ക് പ്രശംസകള്‍ നേടിക്കൊടുത്തു. ലൈക്ക പ്രൊഡക്ഷന്‍സിനെ ലോക്ക് ഡൗണ്‍ എന്ന ചിത്രം അനുപമയെ കേന്ദ്ര കഥാപാത്രമാക്കിയെടുത്ത സ്ത്രീപക്ഷ ചിത്രമാണ്.

Also Read: വയസ്സ് 20! അഭിനേത്രി, നിര്‍മാതാതാവ്; സര്‍വ്വം മായയില്‍ നിവിനൊപ്പം കൈയ്യടി നേടിയ റിയ ഷിബു ആരാണെന്ന് അറിയാമോ?

തെലുങ്കില്‍ ഇത്തവണ രണ്ട് സിനിമയാണ് അനുപമയ്ക്ക് റിലീസായത്. ഒന്ന് പാന്‍ ഇന്ത്യന്‍ തലത്തില്‍ റിലീസായ പര്‍ദ്ദ എന്ന ചിത്രമാണ്. അനുപമയെ കേന്ദ്ര കഥാപത്രമായിക്ക് തമിഴ്, തെലുങ്ക്, കന്നട, മലയാളം, ഹിന്ദി ഭാഷകളിലായി പുറത്തിറങ്ങിയ ചിത്രം നടിയെ ശരിക്കും ആഘോഷിച്ചു. കിഷ്‌കിന്ധാപുരി എന്ന ചിത്രമാണ് ഈ വര്‍ഷം റിലീസായ അനുപമയുടെ മറ്റൊരു തെലുങ്ക് ചിത്രം.


മലയാളത്തിലേക്ക് വരുമ്പോള്‍ അനുപമ പരമേശ്വരന്‍ വളരെ അധികം സെലക്ടീവാണ്. വെറുതേ വന്ന് പോകുന്ന വേഷം മലയാളത്തില്‍ ചെയ്യില്ല എന്നത് നടിയുടെ തീരുമാനമായിരുന്നു. വാസ്തവത്തില്‍ പ്രേമം മുതല്‍ അനുപമയ്ക്ക് കിട്ടിയ എല്ലാ മലയാള സിനിമകളിലും നടി ഒരു അതിഥി വേഷം മാത്രമാണ് ചെയ്തത്, ഒരു മുഴുനീള നായിക വേഷം കിട്ടിയത് ഈ വര്‍ഷമാണ്. അതും ജെഎസ്‌കെ പോലൊരു അഭിനയ പ്രാധാന്യമുള്ള ചിത്രത്തില്‍. അവാര്‍ഡ് വിന്നിങ് പെര്‍ഫോമന്‍സ് ആയിരുന്നു ചിത്രത്തില്‍ അനുപമയുടേത് എന്ന് സാക്ഷാല്‍ സുരേഷ് ഗോപി പറഞ്ഞിട്ടുണ്ട്. സാമ്പത്തികമായി ചിത്രം വിജയിച്ചിട്ടില്ല എങ്കിലും, അനുപമയുടെ അഭിനയം പ്രശംസ നേടി. ഷറഫുദ്ദീന്റെ പെറ്റ് ഡിക്ടറ്റീവിലും നായിക അനുപമയായിരുന്നു. മികച്ച വിജയം നേടിയ ചിത്രത്തിലെ അനുപമയുടെ അഭിനയം ശ്രദ്ധ നേടുകയും ചെയ്തു