ഒരുപാട് മുറിവുകള്‍ നേരിട്ടു, പതുക്കെ അതില്‍ നിന്നെല്ലാം സുഖം പ്രാപിച്ചു വരികയാണ് എന്ന് റിമി ടോമി

എല്ലാവരുടെയും മുന്നില്‍ ചിരിച്ചും കളിച്ചും തമാശകള്‍ പറഞ്ഞും നിലനില്‍ക്കുന്ന റിമി ടോമി യുടെ ജീവിതം അത്ര എളുപ്പമായിരുന്നില്ല. ഒരുപാട് വേദനകള്‍ സഹിച്ചു തന്നെയാണ് റിമി ഇന്ന് കാണുന്ന രീതിയിലേക്ക് മാറി വന്നത്. ഇപ്പോഴും അതിന് ശ്രമിച്ചുകൊണ്ടിരിയ്ക്കുകയാണ് എന്ന് റിമി ടോമി.

വര്‍ക്കൗട്ട് ചെയ്യുന്ന ഒരു വീഡിയോയ്‌ക്കൊപ്പമാണ് റിമി ടോമിയുചെ പോസ്റ്റ്. മുന്‍പ് ഞാന്‍ ഒരുപാട് പരിക്കുകള്‍ നേരിട്ടു. പക്ഷേ ഇപ്പോള്‍ പതിയെ ഞാന്‍ അതില്‍ നിന്നെല്ലാം സുഖം പ്രാപിച്ച്, ഓരോ ദിവസവും കൂടുതല്‍ ശക്തയാകാന്‍ ശ്രമിക്കുകയാണ്. ഈ ഒരു പുരോഗതിക്കും, പാഠങ്ങള്‍ക്കും ഞാന്‍ നന്ദിയുള്ളവളാണ്. പ്രത്യേകിച്ചും എന്റെ കോച്ച് ലിബിന്‍ മാത്യുവിന്, എന്റെ പേടികളും ബലഹീനതകളും മറികടക്കാന്‍ എന്നെ സഹായിച്ചത് അദ്ദേഹമാണ്. യാത്ര തുടരുന്നു- എന്നാണ് റിമി ടോമി പങ്കുവച്ച പോസ്റ്റ്.

Also Read: ഞാന്‍ പ്രണയത്തിലാണ് എന്ന് പറഞ്ഞപ്പോള്‍ അച്ഛന്‍ അത് സെലിബ്രേറ്റ് ചെയ്തു; ഐശ്വര്യ അര്‍ജുന്‍ പറയുന്നു

റിി ടോമിയുടെ കരുത്തിനെയും ആത്മസമര്‍പ്പണത്തെയും അത് തുടര്‍ന്ന് കൊണ്ടു പോകുന്ന മനോധൈര്യത്തെയും പ്രശംസിച്ചുകൊണ്ടാണ് പോസ്റ്റിന് താഴെ കമന്റുകള്‍ വരുന്നത്. നിങ്ങള്‍ ശരിക്കുമൊപു പ്രചോദനമാണ് എന്ന് ആരാധകര്‍ പറയുന്നു.

വിവാഹ മോചനത്തിന് ശേഷമാണ് റിമി ടോമിയ്ക്ക് ഈ മാറ്റം സംഭവിച്ചത്. ആദ്യമൊക്കെ മാനസികമായുള്ള സ്ട്രസ്സ് കുറയ്ക്കാനുള്ള ഒരിടം മാത്രമായിരുന്നു റിമി ടോമിക്ക് ജിം . മുന്‍പൊക്കെ തടി കുറക്കാനുള്ള ശ്രമം നടത്തിയിരുന്നുവെങ്കിലും, അപ്പോഴൊക്കെ പാളിപ്പോയി. പക്ഷേ വര്‍ക്കൗട്ട് ചെയ്യുന്നത് തന്റെ ആത്മവിശ്വാസത്തിന് വലിയൊരു മാറ്റം കൊണ്ടുവരുന്നുണ്ട് എന്ന് മനസ്സിലാക്കിയപ്പോള്‍ റിമി ടോമി അതിന് അഡിക്ട് ആവുകയായിരുന്നു.

Also Read: അപ്പോ സംഗീത ഒരമ്മയല്ലേ? ഖുശ്ബുവിന്റെ ഇരട്ടത്താപ്പിനെതിരെ സോഷ്യല്‍ മീഡിയ; തൃഷയ്‌ക്കൊരു ന്യായവും ആര്‍തി രവിക്ക് മറ്റൊന്നുമാണോ?

Also Read: എന്റെ രൂപം മാറി, പ്രശ്‌നം ചോദിക്കുന്നവരോട് പറയാനാവാത്ത അവസ്ഥ; ജീവിതം മാറി മറിഞ്ഞ കോളിനെ കുറിച്ച് കൈലാഷ്

അനുഭവിച്ചാല്‍ മാത്രമേ ഈ മാറ്റവും പോസിറ്റീവിറ്റിയും നിങ്ങള്‍ക്ക് മനസ്സിലാക്കാന്‍ കഴിയൂ എന്നാണ് റിമിയുടെ പക്ഷം. ഇപ്പോള്‍ റിമി ടോമിയുടെ ഏറ്റവും വലിയ സ്ട്രസ്സ് റിലീഫും, ഹാപ്പി സ്‌പേസും ജിം ആണ്, എത്ര തിരക്കുകളാണെങ്കിലും വര്‍ക്കൗട്ട് ചെയ്യുന്നത് റിമി മുടക്കാറില്ല. സാദകം പോലെയാണ് വര്‍ക്കൗട്ട്.