ഒരുമാസമായി ഞാൻ പക്കാ ക്‌ളീൻ ആണ്! കുർബാന കൂടും, ഒരു മണിക്കൂർ നീണ്ട കുമ്പസാരം; ഷൈനിന്റെ വാക്കുകൾ

Authored by: ഋതു നായർ|Samayam Malayalam•10 Jun 2025, 10:08 am

ഇക്കഴിഞ്ഞ ദിവസമായിരുന്നു ഷൈൻ ടോം ചാക്കോയുടെ പിതാവിന്റെ വിടവാങ്ങൽ. ഷൈനിന്റെ ചികിത്സയുമായി ബന്ധപ്പെട്ടുകൊണ്ട് ഉള്ള യാത്രക്കിടയിൽ ആണ് അപകടം. ഷൈനിന്റെ തിരക്കുകൾ മുതൽ സിനിമ സെലെക്ഷൻ വരെയുള്ള കാര്യങ്ങളിൽ അച്ഛന്റെ ഇടപെടൽ അത്രയും ഉണ്ടായിരുന്നു. ഏറ്റവും ഒടുവിലത്തെ മൂവിയുടെ ഷൈനിന്റെ പ്രമോഷൻ ടൈം പോലും അദ്ദേഹത്തിന്റെ നിർദ്ദേശത്തിലായിരുന്നു,

ദി പ്രൊട്ടക്ട് മൂവി പ്രമോഷൻ ടൈമിൽ ഷൈൻ പറഞ്ഞ വാക്കുകൾ ആണ് ഇപ്പോൾ സോഷ്യൽ മീഡിയയിൽ നിറയുന്നത്.

ഷൈനിന്റെ വാക്കുകൾ

ഞാൻ ഇപ്പോൾ എല്ലാ ഞായറാഴ്ചയും കുർബാന കൂടാൻ പോകും. കുര്ബാന മാത്രമല്ല കുമ്പസാരവും നടത്തും. ഞാൻ ഇപ്പോൾ ഭയങ്കര ക്‌ളീൻ ആണ്. നിങ്ങൾക്ക് ഒക്കെ വിചാരിക്കാൻ പറ്റാത്ത അത്രയും ക്ലീൻ ആണ് ഞാൻ, നമ്മൾ ക്ലീൻ ആകുവാണെങ്കിൽ പക്കാ അങ്ങ് ക്ലീൻ ആകും. ഒരു മണിക്കൂർ ആണ് ഞാൻ കുമ്പസാരിക്കുന്നത്. കുർബാന സ്വീകരണം നടന്നു കൊണ്ടിരിക്കുന്നു. എല്ലാ ദിവസവും പോകാറില്ല പള്ളിയിൽ ഞായറാഴ്ച ദിവസം മാത്രമാണ് പോകാറ്. ശരിക്കും വിശ്വാസം ഉണ്ടോ എന്ന് ചോദിച്ചാൽ എന്റെ മമ്മിക്ക് ഭയങ്കര വിശ്വാസം ആണ്. ഞാൻ പോയാൽ മമ്മിക്ക് ഭയങ്കര സമാധാനം ആകും. പിന്നെ ഇതൊരു റുട്ടീൻ ആണ്. നമ്മളുടെ സംസ്കാരത്തിന്റെ ഭാഗം.

ALSO READ: അച്ഛനില്ലാതെ മുപ്പതുവർഷത്തോളം മക്കൾക്ക് വേണ്ടി ജീവിച്ച അമ്മ! അയൺ ലേഡി; അറിയപ്പെടുന്ന കഥകളി കലാകാരനായ അച്ഛൻ; യുവ- മൃദുല ചിത്രങ്ങൾ

രാവിലെ നമ്മൾ ഏണീറ്റ് നമ്മൾ നമ്മുടെ പാപങ്ങൾ ഒക്കെ ഓർക്കുന്നു. നമ്മുടെ പാപങ്ങൾ എന്ന് പറയുമ്പോൾ നമ്മൾ ചെയ്ത നെഗറ്റീവ്സിനെ ഒക്കെ ഓർക്കുന്നു. ചെയ്ത പാപങ്ങൾ ഒക്കെ ഓർക്കുന്നു. അതിനെ ഒന്ന് ഓർത്തെടുത്തു ഒരാളുടെ മുൻപിൽ ഏറ്റുപറയുന്നു. അതാണ് കുമ്പസാരം. അപ്പോൾ മാനസികമായി നമ്മൾ ഒന്ന് റിഫൈൻഡ് ആകും. അപ്പോൾ നമ്മുടെ ഉള്ളിലുള്ള ബുദ്ധിമുട്ടുകൾ കുറെ മാറും.

നമ്മൾക്ക് ഇപ്പോൾ ഒരാളോട് മാനസികമായി ഒരു ദേഷ്യം വന്നു അവർ മുടിഞ്ഞു പോട്ടെ എന്നൊക്കെ ചിന്തിച്ചാൽ നമ്മൾ പക്ഷെ അത് മാനസികമായി അങ്ങ് ക്ഷമിക്കും. ഈ ഭൂമി തന്നെ സ്പിരിച്വൽ ആണ്. ഭൂമി സൂര്യനെ വലം വയ്ക്കുന്നു ഭൂമി കറങ്ങുന്നു മഴ ഉണ്ടാകുന്നു കാറ്റുണ്ടാകുന്നു. മനുഷ്യരുടെ ഉത്ഭവം. നമ്മുടെ ആദ്യത്തെ ജനനം മുതൽ അവസാനം വരെ സ്പിരിച്വലും ശാസ്ത്രീയ വശങ്ങളുടെയും അടിസ്ഥാനത്തിൽ ആണ്- ഷൈൻ പറയുന്നു.