ഒറ്റയ്ക്കായിരിക്കുമ്പോൾ കൂടെയുള്ള മറ്റ് ആറ് പേരെയും വല്ലാതെ മിസ്സ് ചെയ്യും, ഓർത്തു പോയി എന്ന് ജിൻ; കൂടെ എന്തിനും അവരുണ്ട്

Authored by: അശ്വിനി പി|Samayam Malayalam•25 Jul 2025, 12:30 pm

കെ-പോപ് മ്യൂസിക് ബാന്റ് ആയ ബിടിഎസ്സിന്റെ പാട്ടുകളും ലൈപ് പെർഫോമൻസുകളും മാത്രമല്ല, അവർ ഏഴ് പേരും തമ്മിലുള്ള സൗഹൃദവും ആരാധകർക്ക് അത്രയേറെ ഇഷ്ടമാണ്. പരസ്പരം സ്നേഹിച്ചും പ്രോത്സാഹിപ്പിച്ചും പിന്തുണച്ചും അവർ പരസ്പരം ഒന്നിച്ചു വളരുകയാണ്. ജിന്നിന്റെ ഏറ്റവുമൊടുവിലത്തെ സോളോ കച്ചേരിയിലും അത് കാണാമായിരുന്നു.

"റൺ സിയോക് ജിൻ എപി ടൂറി"ന്റെ അവസാന ഘട്ടങ്ങളിലാണ് ജിൻ. പുതിയ BANGTANTV വീഡിയോയിൽ, ഗായകൻ തന്റെ ആദ്യത്തെ പരിപാടിയുടെ അണിയറ വിശേഷങ്ങൾ പങ്കുവയ്ക്കുന്നുണ്ട്. രണ്ട് ദിവസങ്ങളിലായി നടന്ന ഈ ടൂറിന് ഗോയാങ്ങിലെ കച്ചേരികളോടെയായിരുന്നു തുടക്കം. ഈ രണ്ട് ദിവസങ്ങളിലും ബിടിഎസ്സിന്റെ മറ്റ് ആറ് താരങ്ങളും ജിന്നിനൊപ്പം ചേർന്നു, ആദ്യത്തെ ദിവസം മൂന്ന് പേരും, രണ്ടാമത്തെ ദിവസം മൂന്ന് പേരും വന്നു തങ്ങളുടെ ഉറ്റ സുഹൃത്തിന് ആവേശം നൽകി.

Also Read: മോഹൻലാലിന്റെയും മമ്മൂട്ടിയുടെയും തോളിൽ കൈയ്യിട്ട് നിൽക്കുന്ന സംവൃത സുനിൽ; മുണ്ട് മടക്കി സൂപ്പർ താരങ്ങൾ, ഇത് പൊളിച്ചെന്ന് ആരാധകർ

ബിടിഎസിന്റെ യൂട്യൂബ് ചാനലിലെ പുതിയ വിശേഷങ്ങൾ ജിന്നിന്റെ ഈ കച്ചേരിയുമായി ബന്ധപ്പെട്ടത് തന്നെയായിരുന്നു. ഒരുപാട് നേരം നീണ്ടു നിന്ന റിഹേഴ്സലും, പിയാനോ സെക്ഷനിൽ തെറ്റുകൾ വരാതെ ശ്രദ്ധിക്കുന്നതും, പ്രാർത്ഥനയുമൊക്കെയായി ജിൻ പൂർണമായും തയ്യാറെടുക്കുന്നത് കാണാം.

സ്റ്റേജിൽ കയറുന്നതിന് മുൻപേ പൊതുവെ ബിടിഎസ് താരങ്ങൾ ഒരു മീറ്റിങ് നടത്താറുണ്ട്. എന്നാൽ ഇത് തന്റെ സോളോ പെർഫോമൻസ് ആയതിനാൽ അത് മിസ്സായി. അതുകൊണ്ട് തന്നെ സ്റ്റേജിൽ കയറുമ്പോൾ അവരെ വല്ലാതെ ഓർത്തുപോകുന്നു, മിച്ച് ചെയ്യുന്നു എന്നാണ് ജിൻ പറഞ്ഞത്.


ഒറ്റയ്ക്ക് കാര്യങ്ങൾ ചെയ്യുന്നത് ഒരുപാട് ബുദ്ധിമുട്ടാണ് എന്ന് പറഞ്ഞിട്ടുള്ള ആളാണ് ജിൻ. അതുകൊണ്ട് തന്നെ ജിൻ സ്റ്റേജിലേക്ക് കയറുമ്പോൾ കൂടെ തന്നെ ജെ ഹോപ്പും ഉണ്ടായിരുന്നു, അടുത്ത് നിന്ന് മാറാതെ. ആർപ്പുവിളികളും ഘരഘോഷങ്ങളും ആയതോടെ ജിന്നിന്റെ ആശങ്കയെല്ലാം മാറി. ആദ്യത്തെ ദിവസവും വിയും ആർ എമ്മും ജെ ഹോപ്പുമാണ് ജിന്നിനെ പിന്തുണയ്ക്കാൻ എത്തിയത്.