ഒലിവിയ റോഡ്രി​ഗോയും ലൂയിസ് പാർട്രിഡ്ജുമായുള്ള വിവാഹ നിശ്ചയം കഴിഞ്ഞോ? രണ്ട് വർഷത്തെ പ്രണയം, ഇത് സർപ്രൈസ് ആണല്ലോ?

Authored by: അശ്വിനി പി|Samayam Malayalam•13 Aug 2025, 4:05 pm

പോപ് ഗായിക ഒലിവിയ റോഡ്രിഗോയും അമേരിക്കൻ നടൻ ലൂയിസ് പാർട്രിഡ്ജും തമ്മിൽ പ്രണയത്തിലാണ് എന്ന് രണ്ട് വർഷത്തോളമായി പ്രചരിയ്ക്കുന്ന പ്രണയ ഗോസിപ്പുകളാണ്. ഇരുവരും ആ ബന്ധം അടുത്ത ഘട്ടത്തിലേക്ക് കൊണ്ടു പോയി എന്ന തരത്തിലുള്ള വാർത്തകളാണ് ഇപ്പോൾ പുറത്തുവരുന്നത്.

കഴിഞ്ഞ ദിവസം ലോസ് അഞ്ചൽസിൽ ഇരുവരെയും ഒരുമിച്ച് കണ്ട ആരാധകർ ഫോട്ടോകൾ എടുത്ത് സോഷ്യൽ മീഡിയയിൽ പോസ്റ്റ് ചെയ്തിരുന്നു. അതിൽ ഒലിവിയ റോഡ്രിഗോയുടെ മോതിര വിരലിലെ വലിയ ഡയമണ്ട് മോതിരത്തിലേക്കാണ് ആരാധകരുടെ ശ്രദ്ധ പതിഞ്ഞത്. ഇതോടെയാണ് ഒലിവിയയുടെയും ലൂയിസിന്റെയും വിവാഹ നിശ്ചയം കഴിഞ്ഞു എന്ന തരത്തിലുള്ള ഗോസിപ്പുകൾ വന്നത്.

Also Read: വിവാഹ മോചനത്തെ കുറിച്ചും, കാൻസർ രോഗത്തെ അതിജീവിച്ചതിനെ കുറിച്ചും ഇപ്പോൾ തുറന്ന് പറയാനുള്ള കാരണം; ജ്യുവൽ മേരി വ്യക്തമാക്കുന്നു

ഇരുവർക്കും ആശംസകൾ അറിയിച്ചുകൊണ്ടാണ് ചിത്രങ്ങൾ പ്രചരിയ്ക്കുന്നത്. എന്നാൽ ഇതുവരെ ഗായികയോ നടനോ വാർത്തകളോട് പ്രതികരിച്ചിട്ടില്ല. വൈകാതെ വിവാഹക്കാര്യത്തിൽ ഒരു ഔദ്യോഗിക അറിയിപ്പുണ്ടാവും എന്ന പ്രതീക്ഷയിലാണ് ആരാധകർ.

2023 ൽ ലൂയിസ് പാർട്രിഡ്ജന്റെ ജന്മനാടായ ലണ്ടനിൽ ഇരുവരെയും ഒന്നിച്ച് കണ്ടതോടെയാണ് പ്രണയ ഗോസിപ്പുകൾ പ്രചരിച്ചത്. പിന്നീട് അത് ശരി വയ്ക്കും വിധമുള്ള ചിത്രങ്ങൾ പല ഇടങ്ങളിൽ നിന്നായി പുറത്തുവന്നു. അറുപത്തിയേഴാം ആനുവൽ ഗ്രാമി അവാർഡ് ഷോയിലും , 2025 ലെ വാനിറ്റി ഫെയർ ഓസ്കാർ പാർട്ടിയിലും എല്ലാം ഇരുവരുടെയും ഒരുമിച്ചുള്ള സാന്നിധ്യം പ്രേക്ഷക ശ്രദ്ധ നേടിയിരുന്നു.

Also Read: ഒന്നും രണ്ടുമല്ല കോടികൾ! ഈ സീസണിൽ ലാലേട്ടന് സാലറി കൂടിയത് ആറ്കോടി; സൽമാനും നാഗചൈതന്യക്കും അതുക്കും മേലെ!

വിംബിൾട്ടൺ ടെന്നീസ് ടൂർണമെന്റിൽ നിന്നാണ് ഇരുവരും ഒരുമിച്ചുള്ള ചിത്രങ്ങൾ സോഷ്യൽ മീഡിയയിൽ പ്രചരിച്ചത്. ഇരുവരും ചുംബിക്കുന്നതായ ചിത്രങ്ങൾ വളരെ പെട്ടന്ന് വൈറലാവുകയും ചെയ്തു.


എഫ്എക്സ് പരമ്പരയായ പിസ്റ്റളിന് ശേഷമാണ് ലൂയിസ് പാർട്രിഡ്ജ് ശ്രദ്ധ നേടിയത്. നടി സിഡ്നി ചാൻഡലറുമായി നേരത്തെ നടൻ ഡേറ്റിങിൽ ആയിരുന്നു. റെക്കോർഡ് പ്രൊഡ്യൂസർ ആയ സാക്ക് ബിയയും പിന്നീട്, നടൻ ഏഥൻ വാക്കറുമായും ഉണ്ടായിരുന്ന പ്രണയത്തിന്റെ പേരിൽ ഒലിവിയ റോഡ്രിഗോയും വാർത്തകളിൽ നിറഞ്ഞിരുന്നു.