ഒഴിഞ്ഞ തിയേറ്ററിൽ ലിയാം നീസണിനൊപ്പം നേക്കഡ് ഗൺ കണ്ടതിനെ കുറിച്ച് പമേല ആൻഡേഴ്സൺ; നമ്മളെ തന്നെ കാണുന്നത് വളരെ ബുദ്ധിമുട്ടായിരുന്നു

Authored by: അശ്വിനി പി|Samayam Malayalam•1 Aug 2025, 3:08 pm

പമേല ആൻഡേഴ്സണും ലിയാം നീസണും പ്രണയത്തിലാണ് എന്ന വാർത്തകൾ കൂടുതൽ ശക്തിപ്രാപിച്ചത് നേക്കഡ് ഗൺ എന്ന ചിത്രത്തിൻറെ ഷൂട്ടിങ് സമയത്താണ്. ഇന്ന്, ആഗസ്റ്റ് 1 നാണ് ചിത്രം തിയേറ്ററുകളിലെത്തിയത്. നേക്കഡ് ഗണിൻറെ പ്രീമിയർ ഷോ താനും ലിയാം സീസണും ഒന്നിച്ച് കണ്ടതിനെ കുറിച്ച് തുറന്ന് പറഞ്ഞിരിയ്ക്കുകയാണ് ഇപ്പോൾ പമേല് ആൻഡേഴ്സൺ

ഒറ്റത്തവണ മാത്രമേ ഞാൻ നേക്കഡ് ഗൺ എന്ന ചിത്രം കണ്ടിട്ടുള്ളൂ, അതും ലിയാം നീസണിനൊപ്പമായിരുന്നു. ഒഴിഞ്ഞ തിയേറ്ററിലിരുന്നാണ് ഞങ്ങൾ രണ്ടുപേരും സിനിമ കണ്ടത്. സ്ക്രീനിൽ നമ്മളെ തന്നെ കാണുന്നത് വളരെ ബുദ്ധിമുട്ടുള്ള കാര്യമാണെന്നാണ് നടി പറഞ്ഞത്. ഇതോടെ പമേല - ലിയാം പ്രണയത്തെ കുറിച്ചുള്ള ആരാധകരുടെ മതിപ്പും കൂടുകയാണ്.

Also Read: ഡിസി യൂണിവേഴ്സിന്റെ ബാറ്റ്മാൻ വേറെ, പാറ്റിൻസന്റെ ബാറ്റ്മാന്റെ ബാനർ മാറി! നിരാശയോടെ ആരാധകർ

പമേലയും ലിയാമും തമ്മിൽ ആത്മാർത്ഥമായ പ്രണയമാണ്. പുതിയ സിനിമകളുടെ തിരക്കിലും ഇരുവരും തങ്ങളുടെ പ്രണയത്തിന് വേണ്ടിയുള്ള സമയം കണ്ടെത്തിയിരുന്നു എന്നൊക്കെയാണ് താരങ്ങളോട് അടുത്ത വൃത്തങ്ങൾ നൽകുന്ന വിവരം. 73 കാരനായ ലിയാം നീസണും 58 കാരിയായ പമേല ആൻഡേഴ്സിനും ഇടയിൽ ഈ വൈകിയ പ്രായത്തിൽ വന്ന പ്രണയം ഇതിനോടകം സോഷ്യൽ മീഡിയയിൽ നിറഞ്ഞു നിൽക്കുകയാണ്.

Also Read: ഭാമയുടെ രണ്ടാം തുടക്കം! അവസാനം വരെയും രഹസ്യമാക്കി വച്ചു, നീ എന്നാലും പറഞ്ഞില്ലല്ലോ എന്ന പരാതി; സുമതിവളവിലെ മാളു


1988 ൽ പുറത്തിറങ്ങിയ നേക്കഡ് ഗൺ എന്ന പേരിൽ പുറത്തിറങ്ങിയ ചിത്രത്തിൻറെ റീബൂട്ട് ആണ് ഇന്ന് അതേ പേരിൽ റിലീസ് ആയിരിക്കുന്ന ചിത്രം. ആദ്യ ചിത്രത്തിലെ കേന്ദ്ര കഥാപാത്രമായിരുന്ന ഫ്രാങ്ക് ഡ്രെബിൻ എന്ന കഥാപാത്രത്തിൻറെ മകൻ ജൂനിയർ ഫ്രാങ്ക് ഡ്രെബിൻ എന്ന കഥാപാത്രമായിട്ടാണ് ലിയാം നീസൺ എത്തുന്നത്. ഫ്രാങ്കിൻറെ കാമുകിയായ ബെത്ത് എന്ന നായികയായി പമേല ആൻഡേഴ്സും എത്തുന്നു. ഇവരെ കൂടാതെ കെവിൻ ഡ്യുറാൻഡ്, കോഡി റോഡ്സ്, പോൾ വാൾട്ടർ ഹൗസർ, ലിസ കോഷി എന്നിവരും ചിത്രത്തിൽ കഥാപാത്രങ്ങളായി എത്തുന്നുണ്ട്.