ഓസി വീണ്ടും ഗര്‍ഭിണിയാണോ, ജീവിതത്തില്‍ പുതിയ ഒരു അധ്യായം കൂടെ തുറക്കുന്നു എന്ന് അശ്വിന്‍

തന്റെ ബിസിനസ് കാര്യങ്ങളും കുടുംബ കാര്യങ്ങളും തന്നെയാണ് ദിയ കൃഷ്ണയുടെ യൂട്യൂബ് വ്‌ളോഗിലെ വിശേഷങ്ങള്‍. യാത്രകള്‍, വീട്ടിലെ വിശേഷങ്ങള്‍, ബിസിനസ്സിലെ മാറ്റങ്ങള്‍ അങ്ങനെ വെറുതേയുള്ള ഒരു ദിവസം പോലും ദിയയ്ക്കും അശ്വിനും വിശേഷങ്ങളാണ്. ഏറ്റവും ഒടുവില്‍ അവധി ആഘോഷിക്കാന്‍ മാലിദ്വീപില്‍ പോയ വിശേഷങ്ങളാണ് പങ്കുവച്ചിരിയ്ക്കുന്നത്.

ദിയയുടെ ബര്‍ത്ത് ഡേ ആഘോഷത്തിന്റെ ഭാഗമായിട്ടാണ് ഇത്തവണ മാലിയിലേക്ക് പോയത്. പോയി തിരിച്ചെത്തിയിട്ട് ദിവസങ്ങളായി എങ്കിലും, മാലിദ്വീപിലെ അവസാന നാളിലെ വിശേഷങ്ങള്‍ പങ്കുവച്ചുകൊണ്ടുള്ള വീഡിയോ ഇപ്പോഴാണ് പുറത്തുവന്നിരിയ്ക്കുന്നത്. ഇനി ജീവിതത്തില്‍ ഒരുപാട് മാറ്റങ്ങള്‍ വരാന്‍ പോകുകയാണ്, ഒരു പുതിയ അധ്യായം കൂടെ തുറക്കാന്‍ പോകുന്നു എന്ന് അശ്വിന്‍ പറയുന്നുണ്ട്.

Also Read: എവിടെയായിരുന്നു ഇത്രയും കാലം, പഴയ വൈബില്‍ തിരിച്ചെത്തി നസ്‌റിയ നസീം; പ്രിറ്റി ലുക്ക് എന്ന് പേളി മാണി

പെട്ടന്ന് അശ്വിന്‍ പുതിയ അധ്യായത്തെ കുറിച്ച് പറഞ്ഞപ്പോള്‍ ദിയയ്ക്ക് എന്താണ് എന്ന് മനസ്സിലായില്ല, ആളുകള്‍ കരുതും ഞാന്‍ വീണ്ടും ഗര്‍ഭിണിയാണ് എന്നെന്ന് ദിയ കൃഷ്ണ പറയുന്നുണ്ട്. ചിലപ്പോള്‍ അതും ആവാം, അടുത്ത ബേബി ഉടനെ വന്നേക്കാം എന്ന് അശ്വിന്‍ പറയുന്നു. എന്നാല്‍ ഇപ്പോള്‍ താന്‍ അതിന് തയ്യാറല്ല, വേണ്ട എന്നായിരുന്നു ദിയയുടെ പ്രതികരണം. പക്ഷേ അതൊന്നുമല്ല, ബിസിനസ്സ് സംബന്ധമായ പുതിയ ഒരു തുടക്കത്തിന്റെ ഒരുക്കത്തിലാണ് ഞങ്ങള്‍ എന്ന് ദിയയും അശ്വിനും പറയുന്നു.

Also Read: കൊച്ചുമക്കളൊക്കെയുള്ള കിളവനാണ്, കയറിപ്പിടിച്ച ആള്‍ക്ക് ഭാര്യയുടെ മുന്നിലിട്ട് കണക്കിന് കൊടുത്തു എന്ന് ജാന്‍മൊണി

നിലവില്‍ യൂട്യൂബ് വരുമാനങ്ങള്‍ക്ക് പുറമെ ഓ ബൈ ഓസി എന്ന ബിസിനസ് സംരംഭത്തിലൂടെയും ദിയ കൃഷ്ണ ഒറുപാട് സമ്പാദിക്കുന്നുണ്ട്. എന്നാല്‍ ഓസിയുടെ യൂട്യൂബ് വരുമാനമോ ബിസിനസോ ഒന്നും ആശ്രയിച്ചല്ല അശ്വിന്‍ മുന്നോട്ടു പോകുന്നത്. കഷ്ടപ്പെട്ടു നേടിയ ജോലിയില്‍ ഇപ്പോഴും തുടരുകയാണ്. മീനമ്മാസ് കിച്ചണ്‍ എന്ന അശ്വിന്റെ അമ്മയുടെ ബിസിനസ്സിനും ഓസിയുടെ യൂട്യൂബ് ചാനലിലൂടെ ആവശ്യത്തിന് പ്രമോഷന്‍ നല്‍കാറുണ്ട്. ഇതിന് പുറമെയാണ് ഇപ്പോള്‍ പുതിയ ബിസിനസ്സിനെ കുറിച്ചും ദമ്പതികള്‍ സംസാരിക്കുന്നത്. വൈകാതെ അത് സംബന്ധിച്ച വിവരങ്ങള്‍ പുറത്തുവിടും എന്നാണ് പറഞ്ഞിരിയ്ക്കുന്നത്.