കരീന കപൂറിന് മലയാളത്തിൽ പാർവതി തിരുവോത്തിന്റെ ശബ്ദം

മലയാളത്തിൽ ഏറെ ആരാധകരുള്ള നടിയാണ് പാർവതി തിരുവോത്ത്. തന്റേതായ അഭിനയ ശൈലിയിലൂടെ മലയാളി പ്രേക്ഷകരുടെ മനം കവർന്ന പാർവതി, കരിയറിലുടനീളം വ്യത്യസ്തവും മികച്ചതുമായ കഥാപാത്രങ്ങളെ അവതരിപ്പിച്ചാണ് ശ്രദ്ധ നേടിയത്. ശക്തമായ സ്ത്രീ കഥാപാത്രങ്ങളിലൂടെ പ്രേക്ഷക ശ്രദ്ധ നേടിയ താരം ഇപ്പോൾ പുതിയൊരു ചുവടുവെപ്പിന് ഒരുങ്ങുകയാണ്.

അഭിനയത്തിന് പുറമെ ശബ്ദത്തിലൂടെയും തന്റെ മികവ് പ്രേക്ഷകരിലേക്ക് എത്തിക്കാനൊരുങ്ങുകയാണ് പാർവതി. ബോളിവുഡ് താരം കരീന കപൂറിന് വേണ്ടി ശബ്ദം നൽകാനാണ് താരം ഒരുങ്ങുന്നത്. കരീന നായികയായി എത്തുന്ന ‘‘ദായ്റ’യുടെ മലയാളം പതിപ്പിലാണ് പാർവതി ശബ്ദം നൽകുക. മേഘ്ന ഗുൽസാർ സംവിധാനം ചെയ്യുന്ന ചിത്രമാണിത്.

ആദ്യമായാണ് പാർവതി മറ്റൊരു താരത്തിനായി ശബ്ദം നൽകുന്നത്. ശബ്ദാഭിനയ രംഗത്തേക്ക് കടക്കാനുള്ള താൽപര്യം നേരത്തെ തന്നെ പാർവതി പ്രകടിപ്പിച്ചിരുന്നു. ഇപ്പോഴിതാ കരീന കപൂറിനെപ്പോലൊരു താരത്തിനായി ശബ്ദം നൽകിക്കൊണ്ട് ആ മേഖലയിലേക്കുള്ള അരങ്ങേറ്റത്തിന് ഒരുങ്ങുകയാണ് താരം.

ഇത്തരമൊരു കഥാപാത്രത്തിന് ശബ്ദം നൽകാൻ സാധിച്ചതിൽ സന്തോഷമുണ്ടെന്ന് പാർവതി പ്രതികരിച്ചിരുന്നു. ചിത്രത്തിൽ കരീന കപൂർ അവതരിപ്പിക്കുന്നത് വളരെ ശക്തമായ കഥാപാത്രമാണെന്നും പാർവതി പറഞ്ഞു.

മേഘ്ന ഗുൽസാർ തന്നെ വിശ്വസിച്ച് ഈ അവസരം നൽകിയതിൽ സന്തോഷമുണ്ടെന്നും പാർവതി പ്രതികരിച്ചു. അഭിനയരംഗത്തെ മികവിന് പിന്നാലെ ശബ്ദാഭിനയത്തിലും തന്റെ സാന്നിധ്യം അറിയിക്കാനുള്ള ഒരുക്കത്തിലാണ് താരം.