കല്യാണം കഴിക്കണം, കുട്ടികളുണ്ടാവണം; നിങ്ങൾ ഹാപ്പിയായി ജീവിക്കുന്നതാണ് ഞങ്ങളുടെ സന്തോഷം എന്ന് ഹോഷിയോട് ആരാധകൻ

Authored by: അശ്വിനി പി|Samayam Malayalam•7 Aug 2025, 3:47 pm

കെ പോപ് മ്യൂസിക് ബാന്റായ സെവന്റീൻ താരമായ ക്വോൺ സൂൺ യംഗ് എന്ന ഹോഷിയ്ക്ക് 29 വയസ്സായി. പൊതുവെ ഇത് കല്യാണ പ്രായമായിട്ടാണ് എല്ലാവരും കണക്കാക്കുന്നത്. എന്നാൽ കെ പോപ് രംഗത്ത് സജീവമായി നിൽക്കുന്നവരെ സംബന്ധിച്ച്, തങ്ങളുടെ പ്രിയപ്പെട്ട താരങ്ങൾ വിവാഹിതരാകുന്നു, കുട്ടികളാകുന്നു എന്നൊക്കെ കേട്ടാൽ ചിലർ വളരെ ഭ്രാന്തമായി പെരുമാറും. വലിയ പ്രതിഷേധങ്ങളൊക്കെ ഉണ്ടാക്കിയവരുണ്ട്.

അതുകൊണ്ട് തന്നെ തന്റെ വിവാഹത്തെ സംബന്ധിച്ച ചോദ്യങ്ങൾക്ക് വളരെ അധികം ഡിപ്രോമാറ്റിക് ആയിട്ടുള്ള മറുപടിയാണ് ഹോഷി നൽകിയിരുന്നത്. ഒൻപത് മാസങ്ങൾക്ക് മുൻപ് ടിവി താരവും കൊമേഡിയനുമായ ലീ യംഗ് ജിന്നിന്റെ യൂട്യൂബ് ചാനലിന് നൽകിയ അഭിമുഖത്തിലാണ് വിവാഹത്തെ സംബന്ധിച്ച ചോദ്യത്തിന് ഹോഷി മറുപടി നൽകിയിരുന്നത്.

Also Read: കല്യാണം കഴിച്ചത് 2 വയസ്സ് മൂത്ത ആളെ, ഇപ്പോൾ പ്രണയിക്കുന്ന ആളുടെ വയസ്സോ? ധനുഷും മൃണാളും തമ്മിലുള്ള പ്രായ വ്യത്യാസം?

29 വയസ്സായില്ലേ, കല്യാണത്തെ കുറിച്ചുള്ള പ്ലാൻ എന്താണ് എന്ന് ചോദിച്ചപ്പോൾ, എന്റെ ആരാധകർക്ക് എപ്പോഴാണോ ഞാൻ കല്യാണം കഴിച്ച്, എന്റെ ഭാര്യയുമൊത്ത് ട്രിപ്പിനൊക്കെ പോകുന്നത് ഇഷ്ടമാണ് എന്ന് മനസ്സിലാക്കുന്നത്, അപ്പോൾ ആലോചിക്കാം എന്നായിരുന്നു ഹോഷിയുടെ മറുടി.

ഒൻപത് മാസങ്ങൾക്കിപ്പുറം ഇതാ ആ വീഡിയോയ്ക്ക് പ്രതികരണവുമായി ഒരു ആരാധകൻ എത്തിയിരിക്കുന്നു. നല്ല ആരാധകർ എപ്പോഴും നിങ്ങൾക്ക് നല്ലത് സംഭവിക്കാൻ ആഗ്രഹിക്കും. നിങ്ങൾ സന്തോഷത്തോടെ ഇരുന്നാൽ ഞങ്ങളും ഹാപ്പിയാണ്. വൈകാതെ നിങ്ങളൊരാളെ പ്രണയിക്കുമെന്നും, വിവാഹിതനാകും എന്നും പ്രതീക്ഷിക്കുന്നു. എപ്പോഴാണ് എന്നതോ ആരാണ് എന്നതോ വിഷയമേ അല്ല- എന്നാണ് ആരാധകൻ സോഷ്യൽ മീഡിയയിൽ കുറിച്ചത്. അതിന് താഴെ നന്ദി പറഞ്ഞ്, ഹാർട്ടിന്റെ ഇമോജിയും പങ്കുവച്ച് ഹോഷിയും എത്തി.

അതേ സമയം ഹോഷി ദക്ഷിണ കൊറിയയിലെ നിർബന്ധിത സൈനിക സേവനത്തിന് ചേരാനായി പോകുകയാണ്. സെപ്റ്റംബർ 16 നാണ് സൈന്യത്തിൽ ജോയിൻ ചെയ്യുന്നത്.