കല്യാണം കഴിക്കണം, രണ്ട് കുട്ടികളുടെ അച്ഛനും അമ്മയും ആകണം; ആഗ്രഹങ്ങള്‍ പങ്കുവച്ച് ഗാഗയും പോളാന്‍സ്‌കിയും

Authored by: അശ്വിനി പി|Samayam Malayalam•15 Nov 2025, 9:20 pm

ലേഡി ഗാഗയും മൈക്കല്‍ പോളാന്‍സ്‌കിയും പ്രണയത്തിലായിട്ട് ആറ് വര്‍ഷം കഴിഞ്ഞു. കഴിഞ്ഞ വര്‍ഷം ഇരുവരുടെയും വിവാഹ നിശ്ചയവും കഴിഞ്ഞതാണ്. എന്നാല്‍ വിവാഹത്തെ കുറിച്ച് മാത്രം കാര്യമായ ചര്‍ച്ചകളൊന്നും ഉണ്ടായിട്ടില്ല. ഇപ്പോഴിതാ ഇരുവരും തങ്ങളുടെ വിവാഹത്തെ സംബന്ധിച്ച പ്ലാനുകളെ കുറിച്ച് പറയുന്നു. അത് മാത്രമല്ല, കുട്ടികളെ വരവേല്‍ക്കാന്‍ ഒരുങ്ങുന്നതും, കുടുംബമായി ജീവിക്കാന്‍ ആഗ്രഹിക്കുന്നതായ കാര്യങ്ങള്‍ ഒക്കെയും പങ്കുവയ്ക്കുന്നുണ്ട്.

എത്രയും പെട്ടന്ന് വിവാഹിതരാകാനാണ് ഇപ്പോള്‍ പ്ലാന്‍ ചെയ്യുന്നത്. ഇനി ആ വലിയ ദിവസം അധികം ദൂരെയല്ല. എല്ലാ തിരക്കുകളും ഷെഡ്യൂളുകളും എല്ലാം മാറ്റിവച്ച് ഇനി സ്വകാര്യ ജീവിതത്തിന് പ്രാധാന്യം നല്‍കാന്‍ തന്നെയാണ് ലേഡി ഗാഗയുടെയും മൈക്കല്‍ പോളാന്‍സ്‌കിയുടെയും തീരുമാനം. ഞങ്ങളിപ്പോള്‍ സംസാരിക്കുന്നതെല്ലാം വിവാഹത്തെ സംബന്ധിച്ച കാര്യങ്ങളാണ്, ശരിക്കും വിവാഹിതരാകാനുള്ള ത്വരയാണ് ഞങ്ങള്‍ക്കിപ്പോള്‍ എന്ന് മൈക്കല്‍ പറയുന്നു

Also Read: ഇതൊട്ടും ന്യായമല്ല! മഞ്ജു വാര്യരോട് അഭിരാമി; അതിനും മാത്രം എന്താണ് സംഭവിച്ചത്?

വലിയൊരു വിവാഹ ആഘോഷങ്ങളൊന്നും ഞങ്ങള്‍ക്ക് വേണ്ട, പക്ഷേ ഏറ്റവും നന്നായി അത് ആസ്വദിക്കാന്‍ കഴിയണം. പല കാരണങ്ങളാലും വിവാഹിതരായി എന്ന ഫീലിങ്‌സ് ആണ് പലപ്പോഴും ഞങ്ങള്‍ക്ക്. അതുകൊണ്ട് തന്നെ വിവാഹത്തിന് ശേഷം ഇരുവര്‍ക്കും പരസ്പരം വലിയ മാറ്റങ്ങളൊക്കെ സംഭവിക്കും എന്ന ചിന്തയൊന്നും ഇല്ല. ഇതുപോലെ തന്നെയായിരിക്കും അപ്പോഴും.

പിന്നെ തീര്‍ച്ചയായും അടുത്ത ഘട്ടം അച്ഛനും അമ്മയും ആകുക എന്നതാണല്ലോ. അതും ഞങ്ങളെ സംബന്ധിച്ച് വളരെ അധികം എക്‌സൈറ്റ്‌മെന്റുള്ള കാര്യമാണ്. എല്‍ട്ടണ്‍ ജോണിന്റെയും ഡേവിഡ് ഫര്‍ഷിന്റെയും പ്രണയം പോലെയും കുടുംബം പോലെയും ഞങ്ങള്‍ക്കും രണ്ട് കുട്ടികള്‍ വേണം. അവരുടെ മക്കള്‍ വളരെ സന്തോഷത്തോടെയാണ് വളരുന്നത്. ഏറ്റവും പ്രധാനം ഇത് നമ്മുടെ കുടുംബം എന്ന വികാരം ഉണ്ടാക്കിയെടുക്കുക എന്നതാണ്. അതിനാണ് ഞങ്ങള്‍ ശ്രമിക്കുന്നത്. എന്റെ ഭാര്യയായതുകൊണ്ടോ ഞങ്ങളുടെ കുഞ്ഞുങ്ങള്‍ക്ക് അമ്മയാവുന്നതുകൊണ്ടോ തന്റെ കലാപരമായ മേഖലയില്‍ നിന്ന് ഒരിക്കലും ലേഡി ഗംഗ വിട്ടു നില്‍ക്കില്ല എന്നും പോലാന്‍സ്‌കി പറയുന്നു
ഒരു അമ്മയാകുക എന്നത് തന്റെ സ്വപ്‌നമാണെന്നാണ് ലേഡി ഗാഗ പറയുന്നത്. തീര്‍ച്ചയായും മൈക്കല്‍ പോളാന്‍സ്‌കി നല്ലൊരു അച്ഛനായിരിക്കും എന്നും ഗാഗ പറയുന്നു. 2019 ല്‍ ആണ് ഇരുവരും പ്രണയത്തിലായത്. 2024 ഏപ്രിലില്‍ വിവാഹ നിശ്ചയവും കഴിഞ്ഞിരുന്നു