കല്യാണം കഴിഞ്ഞ് നാലാം മാസം തകരുമായിരുന്ന വിവാഹ ബന്ധം; 19 വർഷങ്ങൾക്ക് ശേഷം വേർപിരിയുന്നു, അന്ന് കീത്ത് പറഞ്ഞ വാക്കുകൾ

Authored by: അശ്വിനി പി|Samayam Malayalam•2 Oct 2025, 12:44 pm

ഹോളിവുഡ് സിനിമാ ലോകത്ത് മാതൃകാ ദമ്പതിമാർ എന്നായിരുന്നു നിക്കോള കിഡ്മാനും കീത്ത് അർബനും അറിയപ്പെട്ടിരുന്നത്. എന്നാൽ ഇനി ആ ബന്ധം ഇല്ല. 19 വർഷത്തെ വിവാഹ ബന്ധത്തിന് ശേഷം ഇരുവരും വേർപിരിയുന്നു എന്ന വാർത്തകളാണ് കഴിഞ്ഞ രണ്ട് ദിവസങ്ങളായി പുറത്തുവരുന്നത്. വേർപിരിയുന്നതിൽ വിഷമം ഉണ്ടെങ്കിലും, രണ്ടു പേരുടെയും തീരുമാനത്തെ ബഹുമാനിക്കുന്നു എന്ന് ആരാധകർ പറയുന്നു.

ഈ അവസരത്തിൽ 2024 ൽ ഒരു പൊതു ചടങ്ങിൽ കീത്ത് അർബൻ പറഞ്ഞിരുന്ന കാര്യങ്ങളാണ് വൈറലാവുന്നത്. കല്യാണം കഴിഞ്ഞ തുടക്കകാലത്ത് തന്നെ അവസാനിക്കേണ്ടതായിരുന്നു തങ്ങളുടെ ദാമ്പത്യം. എന്നാൽ നിക്കോള കിഡ്മാൻ അതിനെ സ്നേഹം കൊണ്ട് തിരിച്ചു പിടിക്കുകയായിരുന്നു എന്നാണ് ഗായകൻ പറഞ്ഞത്.

Also Read: ഇമോഷണലി തകർന്ന അവസ്ഥയിൽ നിന്ന് തിരിച്ചുവന്ന് നസ്റിയ നസീം; നച്ചുവിനെ ചേർത്തുപിടിച്ച് ഫഹദ്!

എഎഫ്‌ഐ ലൈഫ് അച്ചീവ്‌മെന്റ് അവാർഡ് ഗാലയിലായിരുന്നു അത്, നിക്കോള കിഡ്മാന് ട്രിബ്യൂട്ട് നൽകി സംസാരിക്കാൻ കീത്ത് അർബനും എത്തിയിരുന്നു. നിക്കോളയുടെ കരിയറിനെ കുറിച്ച് പറഞ്ഞതിന് ശേഷം അദ്ദേഹം തങ്ങളുടെ സ്വകാര്യ ജീവിതത്തെ കുറിച്ചും, രണ്ട് പതിറ്റാനടുത്തായി തുടർന്ന് വരുന്ന ദാമ്പത്യ ജീവിതത്തെ കുറിച്ചും സംസാരിക്കുകയായിരുന്നു.

2006 ജൂണിലായിരുന്നു ഞങ്ങളുടെ വിവാഹം. വിവാഹം കഴിഞ്ഞ് നാല് മാസം പിന്നിട്ടുകാണും, എന്റെ ചില മോശം അഡിക്ഷൻ ഞങ്ങളുടെ ദാമ്പത്യ ജീവിതം അന്നേ തകർക്കേണ്ടതായിരുന്നു. അതിന് ശേഷം മൂന്ന് മാസങ്ങളെടുത്തു, മൂന്ന് മാസം ബെറ്റി ഫോർഡ് സെന്ററിൽ എന്ന റീഹാബ് സെന്ററിലായിരുന്നു ഞാൻ. എന്താണ് സംഭവിക്കുന്നത് എന്നതിനെ കുറിച്ച് എനിക്കൊരു ഐഡിയയും ഉണ്ടായിരുന്നില്ല.

Also Read: ആ പ്രണയം തുറന്ന് പറഞ്ഞ് മഞ്ജു വാര്യർ, ജീവിതത്തിലെ ഇപ്പോഴത്തെ സന്തോഷം ഇതാണ്, മതിവരാത്ത പ്രണയം!

എന്താണ് അവിടെ പ്രണയത്തിന് ചെയ്യാൻ സാധിക്കുക എന്ന് ഞാൻ തിരിച്ചറിഞ്ഞു. ഒരുപാട് നെഗറ്റീവുകൾ എനിക്ക് കേൾക്കേണ്ടി വന്നു, എനിക്കുറപ്പുണ്ട്, നിക്കിനും അത് കേൾക്കേണ്ടി വന്നിരിക്കും. എന്നിട്ടും അവൾ എന്നെ പ്രണയിക്കുകയായിരുന്നു. എല്ലാ പ്രതിസന്ധികളും കടന്ന് 18 വർഷങ്ങൾക്ക് ശേഷം, ഇതാ ഞങ്ങൾ ഒരുമിച്ച് ഈ രാത്രി നിങ്ങൾക്കൊപ്പം നിൽക്കുന്നു- എന്നായിരുന്നു അന്ന് കീത്ത് അർബൻ പറഞ്ഞ വാക്കുകൾ.


പക്ഷേ ഇന്ന് ആ പ്രണയം ഇല്ല. ഭർത്താവിനും രണ്ട് മക്കൾക്കുമൊപ്പം ജീവിക്കാൻ ഇപ്പോഴും നിക്കോൾ കിഡ്മാൻ ഒരുപാട് ശ്രമിച്ചിരുന്നുവത്രെ. ഈ വേർപിരിയൽ ഒഴിവാക്കാനുള്ള നിക്കോളയുടെ ശ്രമങ്ങളൊന്നും വിജയിച്ചില്ല. കീത്ത് നേരത്തെ തന്നെ മാറി താമസിച്ചിരുന്നു. ഉഭയസമ്മതത്തോടെ നടക്കുന്ന വിവാഹ മോചനം അല്ല ഇത് എന്നാണ് റിപ്പോർട്ടുകൾ.