കല്യാണത്തിനോട് താത്പര്യമില്ല! പ്രണയിക്കാൻ തയ്യാറാണ്, ലിവിങ് റിലേഷൻഷിപ്പും ഓകെയാണ് എന്ന് പറഞ്ഞ മൂന്ന് നായികമാർ

Samayam Malayalam•14 Jul 2025, 6:03 pm

മുപ്പത് കഴിഞ്ഞാൽ നടിമാർ നിരന്തരം നേരിടുന്ന ചോദ്യമാണ്, കല്യണമായില്ലേ എന്ന്. കല്യാണമേ വേണ്ട എന്ന് തീരുമാനച്ച നടിമാർ മലയാളത്തിൽ തന്നെ നിരവധിയുണ്ട്. ശോഭന, ലക്ഷ്മി നക്ഷത്ര എന്നിങ്ങനെ പോകുന്നു വിവാഹമേ വേണ്ട എന്ന നിലപാടുമായി മുന്നോട്ടു പോകുന്ന നടിമാർ. ഈ പുതിയ ജനറേഷനിലും അങ്ങനെ ചില നടിമാരുണ്ട്. മലയാളത്തിൽ മാത്രമല്ല, മറ്റ് ഇന്റസ്ട്രികളിലും ഉണ്ട്. പക്ഷേ പ്രണയവും ലിവിങ് റിലേഷൻഷിപ്പും ഇവർക്ക് പ്രശ്നമല്ല. കല്യാണത്തിന് താത്പര്യമില്ല, എന്നാൽ പ്രണയും ലിവിങ് റിലേഷൻ ഷിപ്പും ഓകെയാണ് എന്ന് പറഞ്ഞ മൂന്ന് നടിമാർ ആരൊക്കെയാണ് എന്നറിയാമോ

ഐശ്വര്യ ലക്ഷ്മി

മായാനദി എന്ന ചിത്രത്തിലൂടെ അഭിനയ ലോകത്തേക്ക് വന്ന്, ഇന്ന് മണിരത്നത്തിന്റെ ചിത്രത്തിലടക്കം അഭിനയിച്ചിട്ടുള്ള നടി ഐശ്വര്യ ലക്ഷ്മിയ്ക്ക് വിവാഹത്തോട് താത്പര്യമില്ല. ഞാൻ വിവാഹം കഴിക്കില്ല എന്ന് ഐശ്വര്യ ലക്ഷ്മി വ്യക്തമാക്കി കഴിഞ്ഞു. എന്നാൽ പ്രണയവും, ലിവിങ് റിലേഷൻഷിപ്പും ഉണ്ടാവുന്നതിൽ എതിർപ്പില്ല. വിവാഹം എന്ന സമ്പ്രദായത്തിൽ എനിക്ക് വിശ്വാസമില്ല, ഒരു നിയമത്തിന്റെ കെട്ടുറപ്പിൽ ബന്ധങ്ങൾ കെട്ടിയിയിടുന്നതിനോട് യോജിക്കുന്നില്ല. സ്വാതന്ത്ര്യത്തോടെ സ്നേഹിക്കാൻ കഴിയണം. അതുപോലെ ആ ബന്ധത്തിൽ നിന്ന് പുറത്ത് കടക്കണം എന്നാഗ്രഹിച്ചാലും നിയമത്തിന്റെ നൂലാമാലകൾ കടന്ന് പോകേണ്ട അവസ്ഥയുണ്ടാവരുത് എന്നാണ് ഐശ്വര്യ ലക്ഷ്മി പറഞ്ഞത്

ശ്രുതി ഹാസൻ

അതുപോലെ വിവാഹം എന്ന സമ്പ്രദായത്തെ വെറുക്കുന്ന മറ്റൊരു നടിയാണ് കമൽ ഹാസന്റെ മകൾ ശ്രുതി ഹാസൻ. അച്ഛനും അമ്മയും പ്രണയിച്ചിരുന്ന കാലത്തോളം നല്ല ദമ്പതികളായിരുന്നു എന്ന് ശ്രുതി പറഞ്ഞിട്ടുണ്ട്. ശ്രുതിയും സഹോദരി അക്ഷരയും പിറന്നതിന് ശേഷമാണ് അവർ വിവാഹത്തിലേക്ക് കടന്നത്. അച്ഛന്റെയും അമ്മയുടെയും ദാമ്പത്യം കണ്ടതുകൊണ്ട് തന്നെ വിവാഹത്തോട് താത്പര്യമില്ല എന്നാണ് ശ്രുതി പറഞ്ഞത്. അതേ സമയം ശ്രുതിയുടെ ജീവിതത്തിൽ ചില പ്രണയങ്ങളും ലിവിങ് റിലേഷനുമൊക്കെ സംഭവിച്ചിട്ടുണ്ട്.

ഇപ്പോൾ ശ്രുതി ഹാസന് കുട്ടിയെ ദത്ത് എടുക്കണം എന്ന ആഗ്രഹം പറഞ്ഞിരുന്നു. പക്ഷേ സിംഗിൾ പാരന്റ് ആവാൻ താത്പര്യമില്ല. അങ്ങനെ ജീവിച്ച ഒരാളെന്ന നിലയിൽ മറ്റൊരു കുഞ്ഞിന് ആ അവസ്ഥ വരരുത് എന്നാണ് ശ്രുതി ഹാസൻ പറഞ്ഞത്

റെജീന കസൻഡ്ര

തമിഴ് സിനിമകളിലൂടെ ഏറെ പരിചിതയാണ് റെജീന. നായികയായും സഹനായികയായും തന്റെ സ്ഥാനം ഉറപ്പിച്ച റെജീനയ്ക്കും വിവാഹത്തോട് താത്പര്യമില്ല. ഒരു ആണിനും എന്നെ സ്ഥിരമായി ഹാന്റിൽ ചെയ്യാൻ സാധിക്കില്ല. എനിക്ക് ഡേറ്റിങ് ചെയ്യാൻ താത്പര്യമുണ്ട്, പക്ഷേ ഒരു ലോങ് ടേം കമ്മിറ്റ്മെന്റിനോട് താത്പര്യമില്ല. അതുകൊണ്ട് തന്നെ ഇപ്പോൾ എന്റെ പേഴ്സണൽ ലൈഫിനെ കുറിച്ചുള്ള ചോദ്യങ്ങൾ ഞാൻ പൂർണമായും അവഗണിക്കുന്നു എന്നാണ് റെജീന പറഞ്ഞത്.