കഴിഞ്ഞതിനെ കുറിച്ച് ആലോചിച്ചാൽ മുന്നോട്ട് ജീവിക്കാൻ കഴിയില്ല; എന്തുകൊണ്ട് കമൽ ഹാസനൊപ്പം അഭിനയിച്ചില്ല എന്ന ചോദ്യത്തിന് സുഹാസിനിയുടെ മറുപടി

Authored byഅശ്വിനി പി | Samayam Malayalam | Updated: 15 May 2025, 1:14 pm

സുഹാസിനി സിനിമയിലേക്ക് വരാൻ തന്നെ കാരണമായത് കമൽ ഹാസനാണ് എന്ന് നടി സമ്മതിച്ചതാണ്. സുഹാസിനിയുടെ അച്ഛന്റെ സഹോദരനാണ് കമൽ, സ്വന്തം ചിറ്റപ്പൻ. അഭിനയിക്കാനുള്ള സുഹാസിനിയുടെ ആഗ്രഹം മനസ്സിലാക്കി, ഓഡിഷനൊക്കെ പോകുമ്പോൾ ഫുൾ സപ്പോർട്ട് നൽകിയ ആളാണ് കമൽ. ഒരു ജീൻസ് പാന്റ്സ് വാങ്ങിക്കൊടുത്ത്, ഇത് ധരിച്ച് പോകണം, കാണുമ്പോൾ യങ് മോഡേൺ ഗേൾ ആയി തോന്നണം എന്ന് പറ‍ഞ്ഞ് ഓഡിഷന് വിട്ടത് കമലാണ്. അത് രാശിയായിരുന്നു, അങ്ങനെയാണ് ആദ്യ ചിത്രത്തിൽ സെലക്ട് ആയത് എന്ന് സുഹാസിനി പറയുന്നു.

പക്ഷേ ഇതുവരെ കമൽ ഹാസനൊപ്പം ഒരു സിനിമ സുഹാസിനി ചെയ്തിട്ടില്ല. തീർച്ചയായും കമിതാക്കളായി ഞങ്ങൾക്ക് അഭിനയിക്കാൻ കഴിയില്ല. പക്ഷേ അദ്ദേഹത്തിന്റെ സിനിമയിൽ മകളായോ, സഹോദരിയായോ, അടുത്ത വീട്ടിലെ സ്ത്രീയായോ, മറ്റേതെങ്കിലും കഥാപാത്രമായോ അഭിനയിക്കാനുള്ള അവസരം പോലും ഉണ്ടായിട്ടില്ല. എന്താണ് എന്ന് ചോദിച്ചാൽ, അത് സംഭവിച്ചില്ല എന്ന് മാത്രമേ പറയാൻ സാധിക്കൂ. അത് പോലെ ഭർത്താവ് മണി രത്നത്തിന്റെ സിനിമകളിലും തനിക്ക് നായികയായുള്ള അവസരം വന്നിട്ടില്ല എന്ന് സുഹാസിനി പറയുന്നു

Also Read: 23 വർഷം പഴക്കമുണ്ട് ഈ ഫോട്ടോയ്ക്ക്, കലാഭവൻ മണിയുടെ ആദ്യത്തെ യുഎഇ ഷോ; ഇമോഷണലായി ബീന ആന്റണി

മണിരത്നം സംവിധാനം ചെയ്ത് കമൽ ഹാസൻ അഭിനയിച്ച നായകൻ എന്ന ചിത്രത്തിൽ കാർത്തിക അഭിനയിച്ച റോളിന് പകരം ആദ്യം പരിഗണിച്ചത് എന്നെയായിരുന്നു എന്ന് മണി സർ (ഭർത്താവ് മണിരത്നത്തെ അങ്ങനെയാണ് സുഹാസിനി വിളിക്കുന്നത്) പറഞ്ഞിട്ടുണ്ട്. പക്ഷേ പിന്നീട് ഒരു ന്യൂ കമർ വേണം എന്ന ആലോചനയിൽ എന്നെ മാറ്റി. അത് ഞാൻ അറിഞ്ഞിട്ടില്ല, പിന്നീടാണ് അദ്ദേഹം പറഞ്ഞത്. അന്ന് ഞങ്ങൾ വിവാഹിതരും അല്ല. അങ്ങനെ പല സിനിമകൾ കൈവിട്ടു പോയിട്ടുണ്ട്. കഴി‍ഞ്ഞതിനെ കുറിച്ച് ആലോചിച്ചാൽ ജീവിക്കാൻ കഴിയില്ല. മുന്നോട്ട് നോക്കി നടക്കണം എന്നാണല്ലോ.

പക്ഷേ ഇവിടെ നഷ്ടപ്പെട്ടത് എനിക്ക് മറ്റ് പല ഇന്റസ്ട്രിയിലും കിട്ടിയിട്ടുണ്ട്. മമ്മൂട്ടി സാറിനൊപ്പവും, മോഹൻലാൽ സാരിനൊപ്പവും, ചിരജ്ജീവി സാറിനൊപ്പവും നസറുദ്ദീൻ ഷാ സാറിനൊപ്പവുമൊക്കെ അഭിനയിക്കാനുള്ള അവസരം ലഭിച്ചത് കരിയറിലെ വലിയ ഭാഗ്യമായിട്ടാണ് ഞാൻ കാണുന്നത്.- സുഹാസിനി പറഞ്ഞു