കഴുത്തില്‍ പൂമാലകളുമായി രവി മോഹനും കെനിഷയും! പുതിയ തുടക്കത്തിന് അനുഗ്രഹം തേടി മുരുകന് മുന്നില്‍! വരാനിരിക്കുന്ന ഹാപ്പി ന്യൂസ് ഇതോ!

Authored by: നിമിഷ|Samayam Malayalam•6 Jun 2025, 11:48 am

രവി മോഹനും കെനിഷ ഫ്രാന്‍സിസും തമ്മിലുള്ള ബന്ധത്തെക്കുറിച്ചുള്ള ചര്‍ച്ചകള്‍ സൈബര്‍ ലോകത്ത് സജീവമായി തുടരുകയാണ്. ആര്‍തിയുമായുള്ള വിവാഹമോചനം പരസ്യമാക്കിയപ്പോള്‍ മുതല്‍ സംശയങ്ങളും ചോദ്യങ്ങളുമെല്ലാം കെനിഷയുടെ ഇടപെടലിനെക്കുറിച്ചായിരുന്നു. ഡിവോഴ്‌സിനുള്ള കാര്യങ്ങളൊക്കെ നേരത്തെ തന്നെ അദ്ദേഹം നോക്കുന്നുണ്ടായിരുന്നു. പരിചയപ്പെട്ട സമയത്ത് തന്നെ അതേക്കുറിച്ച് പറഞ്ഞിരുന്നു. മാനസികമായി അങ്ങേയറ്റം തളര്‍ന്ന അവസ്ഥയിലായിരുന്നു അന്ന് രവി. തെറാപ്പിസ്റ്റ് കൂടിയായ കെനിഷ തന്റെ അടുത്ത സുഹൃത്താണെന്നായിരുന്നു രവി പറഞ്ഞത്. താനുമായി ബന്ധപ്പെട്ട് കെനിഷയ്ക്കും വിമര്‍ശനങ്ങള്‍ നേരിടേണ്ടി വരുന്നത് ദു:ഖകരമാണെന്നും അദ്ദേഹം പറഞ്ഞിരുന്നു.

സോഷ്യല്‍മീഡിയയിലൂടെയായി തന്റെ വിശേഷങ്ങളെല്ലാം പങ്കിടുന്നുണ്ട് രവി മോഹന്‍. കഴിഞ്ഞ ദിവസമായിരുന്നു പ്രൊഡക്ഷന്‍ ഹൗസിന്റെ ലോഗോ പുറത്തുവിട്ടത്. സന്തോഷകരമായ കുറച്ച് അപ്‌ഡേറ്റുകള്‍ കൂടി വരുന്നുണ്ടെന്നും അദ്ദേഹം പറഞ്ഞിരുന്നു. ക്ഷണനേരം കൊണ്ടായിരുന്നു പോസ്റ്റ് വൈറലായി മാറിയത്. ഇന്‍സ്റ്റഗ്രാം സ്‌റ്റോറിയിലൂടെയായി കെനിഷയും രവിയുടെ പോസ്റ്റ് പങ്കിട്ടിരുന്നു. രവിയും കെനിഷയും ഒന്നിച്ചുള്ള ചിത്രവും, ക്ഷേത്ര സന്ദര്‍ശനത്തിലെ വിശേഷങ്ങളുമാണ് ഇപ്പോള്‍ വൈറലായിക്കൊണ്ടിരിക്കുന്നത്.

Also Read: ഇതെല്ലാം നേരത്തെ തീരുമാനിച്ചതാണ്! പുത്തന്‍ സന്തോഷം പങ്കിട്ട് രവി മോഹന്‍! ഞാന്‍ ത്രില്ലിലാണെന്ന് റിപ്ലേയും!

കരിയറിലും പ്രൊഫഷനിലും ഒട്ടേറെ മാറ്റങ്ങള്‍ സംഭവിച്ചുകൊണ്ടിരിക്കുന്ന സമയമാണ്. അതുമായി ബന്ധപ്പെട്ടാണോ ക്ഷേത്ര സന്ദര്‍ശനം എന്നാണ് ചോദ്യങ്ങള്‍. തമിഴ്‌നാട്ടിലെ കുന്ദ്രകുടി മുരുകന്‍ ടെംപിളിലേക്കായിരുന്നു ഇരുവരും ഒന്നിച്ചെത്തിയത്. ക്ഷേത്രത്തിലെ പൂജാരികളോടൊപ്പം നില്‍ക്കുന്ന ഇവരുടെ ഫോട്ടോ ഇതിനകം വൈറലായിക്കഴിഞ്ഞിട്ടുണ്ട്.

കഴുത്തില്‍ മാലയണിഞ്ഞുള്ള ചിത്രങ്ങള്‍ കണ്ടതോടെ ആശംസകള്‍ അറിയിച്ചവരുമുണ്ട്. പുതുജീവിതത്തിലേക്ക് പ്രവേശിക്കാനുള്ള തയ്യാറെടുപ്പിലാണോ ഇവരെന്നുള്ള ചോദ്യങ്ങളുമുണ്ട്. ജീന്‍സും ഷര്‍ട്ടുമായിരുന്നു രവിയുടെ വേഷം. സിംപിള്‍ കുര്‍ത്തിയിലായിരുന്നു കെനിഷ. ട്വിറ്ററിലും ഇന്സ്റ്റഗ്രാമിലൂടെയുമായാണ് ചിത്രങ്ങളെല്ലാം പുറത്തുവന്നത്. ഞങ്ങളാഗ്രഹിച്ചത് സംഭവിക്കുകയാണോ എന്നായിരുന്നു ആരാധകുടെ ചോദ്യങ്ങള്. നെഗറ്റീവുകളെല്ലാമുള്ളപ്പോഴും ശക്തമായ പിന്തുണയുമായി പ്രിയപ്പെട്ടവരെല്ലാം ഇവരോടൊപ്പമുണ്ട്.

വിമര്‍ശനങ്ങള്‍ പരിധി വിട്ട് തുടങ്ങിയതോടെയായിരുന്നു കെനിഷ നിയമപരമായി നീങ്ങിയത്. ഗായികയ്‌ക്കെതിരെ വധഭീഷണി വരെ ഉയര്‍ന്നിരുന്നു. നല്ലൊരു കുടുംബത്തിലാണ് ഞാന്‍ ജനിച്ചത്. യാഥാര്‍ത്ഥ്യം എന്താണെന്ന് അറിയാതെയാണ് പലരും എന്നെക്കുറിച്ച് മോശം പറയുന്നത്. സത്യങ്ങള്‍ അറിയുമ്പോള്‍ നിങ്ങള്‍ പശ്ചാത്തപിക്കും എന്നുമായിരുന്നു കെനിഷ ഇടയ്ക്ക് പ്രതികരിച്ചത്. അടുത്ത സുഹൃത്തുക്കളാണ് അവര്‍. ഒന്നിച്ച് വലിയൊരു പ്രൊജക്ട് തുടങ്ങാനുള്ള പ്ലാനുകളുമുണ്ട്. അതേക്കുറിച്ചൊന്നും അറിയാത്തവരാണ് കെനിഷയെ വിമര്‍ശിക്കുന്നതെന്നായിരുന്നു അടുത്ത സുഹൃത്ത് പറഞ്ഞത്. കെനിഷയെ പിന്തുണച്ചുള്ള പോസ്റ്റുകളെല്ലാം സോഷ്യല് മീഡിയയിലൂടെ വൈറലായിരുന്നു.