കാണാൻ പൂവ് പോലെയാണെങ്കിലും ദേവയാനി ഭയങ്കരിയാണ് എന്ന് ഭർത്താവ് രാജ്കുമാർ; വീടിനും മക്കൾക്കും തനിക്കും വേണ്ടി ഒതുങ്ങിയിരിക്കുന്നതാണ്

Authored by: അശ്വിനി പി|Samayam Malayalam•30 Sept 2025, 3:37 pm

സിങ്കം എന്ന ചിത്രത്തിൽ, ഓങ്കിയടിച്ചാൽ ഒൺട്രകിലോ വെയിറ്റ് ഡാ- എന്ന സൂര്യയുടെ ഡയലോഗ് വൻ ഹിറ്റാണ്. എന്നാൽ ആ ഡയലോഗ് ഇപ്പോൾ തിരുത്തി എഴുതുകയാണ് നടി ദേവയാനിയുടെ ഭർത്താവും സംവിധായകനും നടനുമായ രാജ്കുമരൻ . ദേവയാനി ആഞ്ഞടിച്ചാൽ ഒന്നും രണ്ടും ടൺ വെയിറ്റല്ല, മൂന്നും നാലും വെയിറ്റ് ആണെന്നാണ് രാജ്കുമരൻ പറയുന്നത്.

കാണുമ്പോൾ നിങ്ങൾക്ക് പുപ് പോലൊരു പെണ്ണാണ്. എന്നാൽ ദേവയാനി അത്രയധികം ആത്മവിശ്വാസവും ധൈര്യവുമുള്ള നടിയാണ്. ഒരേ അടിയിൽ ഒന്നല്ല, ഒരു രണ്ട് മൂന്ന് ടൺ വെയിറ്റുണ്ടാവും. അങ്ങനെ ഒരു ഭയങ്കരമായ പെണ്ണിനെ ഞാൻ അവളിൽ കണ്ടിട്ടുണ്ട്. ആത്മവിശ്വാസമുള്ള ദേവയാനി, കുടുംബത്തിന് വേണ്ടി, കുട്ടികൾക്ക് വേണ്ടി, ഭർത്താവിന് വേണ്ടി സൗമ്യമായി നമ്മളോട് പെരുമാറുകയാണ്- രാജ്കുമരൻ പറഞ്ഞു.

Also Read: എനിക്കെന്നും നീ കുഞ്ഞാണ്, 20 വർഷങ്ങൾ എങ്ങനെ പോയി എന്ന ദൈവത്തിനറിയാം; ഹൻസു ബേബിയ്ക്ക് പിറന്നാൾ ആശംസകളുമായി സിന്ധു

വീര തമിഴച്ചി എന്ന ചിത്രത്തിന്റെ ഓഡിയോ ലോഞ്ച് ചടങ്ങിൽ സംസാരിക്കുകയായിരുന്നു രാജ്കുമരൻ. സുരേഷ് ഭാരതി സംവിധാനം ചെയ്യുന്ന ചിത്രത്തിൽ ശക്തമായ സ്ത്രീ കഥാപാത്രങ്ങൾ എത്തുന്നുണ്ട്.

ദേവയാനിയും രാജ്കുമരനും തമ്മിലുള്ള വിവാഹം വലിയ രീതിയിൽ വിമർശനങ്ങൾ നേരിട്ടിരുന്നു. അച്ഛനെയും അമ്മയെയും അനുസരിച്ച് അടക്കത്തോടെയും ഒതുക്കത്തോടെയും നടക്കുന്ന പെൺകുട്ടി എന്ന ടാഗ് ലൈനായിരുന്നു അതുവരെ ദേവയാനിക്ക്. ആ ദേവയാനി കുടുംബത്തിന്റെ എതിർപ്പുകൾ അവഗണിച്ച് രാജ്കുമരിനൊപ്പം ഒളിച്ചോടിപ്പോയി വിവാഹം ചെയ്യും എന്നാരും പ്രതീക്ഷിച്ചിരുന്നില്ല. അച്ഛന്റെയും അമ്മയുടെയും എതിർത്ത് ഞാൻ ചെയ്ത ഒരേ ഒരു കാര്യമാണ് എന്റെ വിവാഹം. പക്ഷേ ആ തീരുമാനം തെറ്റിയില്ല എന്ന് ദേവയാനി പല ആവർത്തി പറഞ്ഞിട്ടുണ്ട്.

Also Read: അർജുൻ സാരഥി സാക്ഷാൽ കൃഷ്ണൻ തന്നെ! ഗർഭാവസ്ഥയിൽ തന്നെ തിരിച്ചറിഞ്ഞു; മൂന്നാം വയസിൽ അത്ഭുതമായ ബാലൻ


രാജ്കുമരനുമായുള്ള വിവാഹത്തിന് ശേഷവും ദേവയാനി അഭിനയത്തിൽ സജീവമായിരുന്നു. അഭിനേത്രി മാത്രമല്ല, ടീച്ചർ, കർഷക എന്നീ നിലകളിലും ദേവയാനി വിവാഹ ശേഷം തന്റെ കഴിവ് തെളിയിച്ചു. ഇപ്പോൾ സിനിമ സംവിധാനത്തിലാണ് ദേവയാനിയുടെ ശ്രദ്ധ. ആദ്യമായി സംവിധാനം ചെയ്ത കൈക്കൊട്ടയിൻ റാണി എന്ന ഹ്രസ്വ ചിത്രം പുരസ്കാരങ്ങളും അംഗീകാരങ്ങളും നേടിയതാണ്. എന്തും ചെയ്യാനുള്ള ധൈര്യവും പിന്തുണയും തനിക്ക് നൽകുന്നത് ഭർത്താവ് രാജ്കുമരൻ ആണെന്ന് ദേവയാനിയും പറഞ്ഞിട്ടുണ്ട്.