കാണില്ല ഞാൻ ഒരാൾ കണ്ടില്ലേലും ഒരു ചുക്കും ഇല്ല എന്നറിയാം എങ്കിലും കാണില്ല! മോഹൻലാലിൻറെ കമന്റ് ബോക്സ് നിറയെ പരാതികൾ

ദിലീപ് ചിത്രം ഭ ഭ ബ യുടെ ട്രെയ്‌ലർ സ്വീകരിച്ചുകൊണ്ട് സോഷ്യൽ മീഡിയ. സമ്മിശ്ര അഭിപ്രായം ആണ് സോഷ്യൽ മീഡിയ വഴി നടക്കുന്നത്. ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ ആണ് ചിത്രത്തിന്റെ നിർമ്മാണം.

നവാഗതനായ ധനഞ്ജയ് ശങ്കർ സംവിധാനം ചെയ്ത ചിത്രം 2025 ഡിസംബർ 18 നാണ് റിലീസ്. കാമിയോ റോളിൽ മോഹൻലാൽ ആണ് ദിലീപിനൊപ്പം എത്തുന്നത്. വിനീത് ശ്രീനിവാസൻ, ധ്യാൻ ശ്രീനിവാസൻ എന്നിവരും എത്തുന്ന ഭ ഭ ബ മാസ് കോമഡി ആക്‌ഷൻ എന്റർടെയ്നർ ജോണറിൽ ആണ് ഒരുക്കിയിരിക്കുന്നത്. ഫാഹിം സഫർ, നൂറിൻ ഷെരീഫ് എന്നിവർ ചേർന്നാണ് ചിത്രത്തിന്റെ രചന. ചിത്രത്തിന്റെ ടീസറും സമൂഹ മാധ്യമങ്ങളിൽ സൂപ്പർ ഹിറ്റായി മാറിയിരുന്നു. പിന്നാലെയാണ് ട്രെയ്‌ലർ എത്തിയത്.

മോഹൻലാലും ചിത്രത്തിന്റെ വിശേഷങ്ങൾ പങ്കിട്ട് എത്തിയിരുന്നു, അതോടെയാണ് പരാതി പെരുമഴ ലാലേട്ടന്റെ കമന്റ് ബോക്സിൽ നിറയുന്നത്. ദിലീപ് പ്രതി ആയ കേസിന്റെ വിധി ഇക്കഴിഞ്ഞ ദിവസം ആണ് പുറത്തുവന്നത്. അതിജീവിതയ്ക്ക് നീതി കിട്ടിയില്ലെന്ന വാദം ശക്തമാക്കുന്നതിന്റെ ഇടയിലാണ് ഫാൻസിന്റെ പ്രതികരണം ശക്തം ആകുന്നത്. കാണില്ല. ഞാൻ ഒരാൾ കണ്ടില്ലേലും ഒരു ചുക്കും ഇല്ല എന്നറിയാം. എങ്കിലും കാണില്ല.

ലാലേട്ടൻ്റെ പഴയ സിനിമകൾ വീണ്ടും വീണ്ടും കാണുന്നതും . പുതിയ സിനിമകൾക്കു വേണ്ടി കാത്തിരിക്കുന്നതും, ആദ്യ ദിവസം തന്നേ തീയേറ്ററിൽ കാണുന്നതുമൊക്കെ ,എൻ്റെ ജീവിതത്തിൽ ഞാൻ ഏറ്റവും ആസ്വദിച്ചിട്ടുള്ള കാര്യങ്ങളാണ്. മാമാട്ടിക്കുട്ടിയമ്മ മുതൽ ഹൃദയപൂർവ്വം വരെ ഒരോ സിനിമകളും കാണാൻ പോയപ്പോഴുമുള്ള ഓർമ്മകൾ പോലും മനസിലുണ്ട്. പക്ഷെ ഇത് കാണില്ല എന്നുള്ള കമന്റ്സുകൾ ആണ് അധികവും.

ക്രിസ്മസിന് തിയറ്ററുകളെ ജനസാഗരമാക്കും ഈ ചിത്രമെന്നാണ് അണിയറപ്രവർത്തകരുടെ പ്രതീക്ഷ.

ചിത്രത്തിന്റെ കോ പ്രൊഡ്യൂസേർസ്- ബൈജു ഗോപാലൻ, വി.സി. പ്രവീൺ, എക്സിക്യൂട്ടീവ് പ്രൊഡ്യൂസർ കൃഷ്ണമൂർത്തി എന്നിവർ ആണ്. ഡ്രീം ബിഗ് ഫിലിംസ് ആണ് ചിത്രത്തിന്റെ കേരളത്തിലെ ഡിസ്ട്രിബൂഷൻ പാർട്ണർ.