കാലങ്ങള്‍ക്ക് ശേഷം മഞ്ജുവിനെ കണ്ടുമുട്ടി! ആ സന്തോഷം ഫോട്ടോയില്‍ പകര്‍ത്തിയത് ബിനീഷ്, ചിത്രം വൈറലാവുന്നു

Authored by: നിമിഷ|Samayam Malayalam•25 Jun 2025, 2:46 pm

സംവിധാനവും ഡബ്ബിംഗും പരസ്യ ചിത്രങ്ങളുമൊക്കെയായി സജീവമാണ് ജിസ് ജോയ്. താരങ്ങളെല്ലാമായി അടുത്ത സൗഹൃദം നിലനിര്‍ത്തുന്നുണ്ട് അദ്ദേഹം. സോഷ്യല്‍മീഡിയയിലൂടെയായും വിശേഷങ്ങള്‍ പങ്കുവെക്കാറുണ്ട്. ഇപ്പോഴിതാ മഞ്ജു വാര്യര്‍ക്കൊപ്പമുള്ള ചിത്രം പങ്കിട്ടിരിക്കുകയാണ് ജിസ്. നീല തൊപ്പി പച്ച കണ്ണട, ചുവന്ന ഫ്‌ളോര്‍ എന്ന ക്യാപ്ഷനോടെയായിരുന്നു ചിത്രം പങ്കുവെച്ചത്. കുറേക്കാലത്തിന് ശേഷമാണ് മഞ്ജുവിനെ കണ്ടത്, ആ നിമിഷം ഫോട്ടോയിലുമാക്കി. ബിനീഷ് ചന്ദ്രനാണ് ചിത്രം പകര്‍ത്തിയതെന്നുമായിരുന്നു ജിസ് കുറിച്ചത്. നിമിഷനേരം കൊണ്ടായിരുന്നു ചിത്രം വൈറലായി മാറിയത്.

കഴിഞ്ഞ ദിവസം മഞ്ജുവും ഈ സന്തോഷം പങ്കുവെച്ച് എത്തിയിരുന്നു. സ്വന്തം ചിത്രങ്ങളായിരുന്നു താരം പോസ്റ്റ് ചെയ്തത്. പ്രായം റിവേഴ്സ് ഗിയറിലാണോ എന്നായിരുന്നു ചോദ്യം. മകളായ മീനാക്ഷിക്ക് അമ്മ വെല്ലുവിളിയാവുമെന്ന കാര്യത്തില് സംശയമില്ലെന്ന് പറഞ്ഞവരുമുണ്ടായിരുന്നു. ലുക്കിലും ഫാഷനിലുമെല്ലാം നടത്തുന്ന പരീക്ഷണങ്ങളെല്ലാം വിജയമാണ്. ഇതെങ്ങനെയാണ് ഈ പ്രായത്തിലും ഇത് സാധിക്കുന്നതെന്ന് അത്ഭുതത്തോടെ ചോദിക്കുന്നവരുമുണ്ട്.

Also Read: അന്ന് ഞാനൊരു പ്രേമരോഗി! ആദ്യം കണ്ടപ്പോഴേ ആളെ ഇഷ്ടമായി!ശ്രീവിദ്യയുമായി പ്രണയത്തിലായതിനെക്കുറിച്ച് രാഹുല്‍

സൗഹൃദത്തിന് അങ്ങേയറ്റത്തെ പ്രാധാന്യം കൊടുക്കുന്ന ആളാണ് മഞ്ജു. പ്രതിസന്ധി ഘട്ടങ്ങളിലെല്ലാം കരുത്തായത് അവരുടെ സാന്നിധ്യവുമാണ്. ആരാധകരും മഞ്ജുവിനൊപ്പം തന്നെയുണ്ടായിരുന്നു. സിനിമാലോകവും പ്രേക്ഷകരും ഒരുപോലെ ആഗ്രഹിച്ചതായിരുന്നു മഞ്ജുവിന്റെ തിരിച്ചുവരവ്. ഗുരുവായൂരിലെ ഡാന്‍സ് പരിപാടി കാണാനായി സിനിമാലോകത്തുള്ളവരും എത്തിയിരുന്നു. ആ സമയത്ത് തന്നെ പുതിയ സിനിമകളില്‍ നിന്നുള്ള അവസരങ്ങളും ലഭിച്ചിരുന്നു.

റോഷന്‍ ആന്‍ഡ്രൂസ് ചിത്രമായ ഹൗ ഓള്‍ഡ് ആര്‍ യൂവിലൂടെയായിരുന്നു മഞ്ജു തിരിച്ചെത്തിയത്. നിരുപമയായുള്ള വരവിന് ഗംഭീര സ്വീകരണമായിരുന്നു ലഭിച്ചത്. കുഞ്ചാക്കോ ബോബനും ചിത്രത്തില്‍ അഭിനയിച്ചിരുന്നു. ഈ ചിത്രവുമായി സഹകരിക്കരുതെന്ന തരത്തില്‍ തനിക്ക് ഭീഷണികളൊക്കെ വന്നിരുന്നു. അതൊന്നും വകവെക്കാതെയാണ് താന്‍ തീരുമാനമെടുത്തതെന്ന് അദ്ദേഹം പറഞ്ഞിരുന്നു.

അന്ന് തുടങ്ങിയ സൗഹൃദം മഞ്ജുവും ചാക്കോച്ചനും ഇന്നും തുടരുന്നുണ്ട്. ഇവരുടെ കുടുംബാംഗങ്ങളും സൗഹൃദം നിലനിര്‍ത്തുന്നുണ്ട്. ഇടയ്ക്കിടയ്ക്ക് ഒന്നിച്ച് യാത്രകളൊക്കെ നടത്താറുണ്ട്. ചാക്കോച്ചന്‍ എനിക്ക് വളരെയധികം വേണ്ടപ്പെട്ടൊരാളാണ്, എന്റെ കുടുംബത്തിലെ ഒരാള്‍ എന്ന് തന്നെ പറയാം എന്നായിരുന്നു മഞ്ജു പറഞ്ഞത്. ചാക്കോച്ചന്റെ സിനിമയുടെ റിലീസിന് മഞ്ജുവും തിയേറ്ററുകളിലേക്ക് എത്താറുണ്ട്.

സന്തതസഹചാരിയും മാനേജറുമായ ബിനീഷ് ചന്ദ്രയും പ്രേക്ഷകര്‍ക്ക് പരിചിതനാണ്. യാത്രകളില്‍ അദ്ദേഹവും കൂടെയുണ്ടാവാറുണ്ട്. മനോഹരമായ ചിത്രങ്ങള്‍ പകര്‍ത്തുന്നത് ബിനീഷാണെന്ന് മഞ്ജു പറയാറുണ്ട്. വിശേഷ ദിനങ്ങളിലെല്ലാം ആശംസയുമായി ഇരുവരും എത്താറുണ്ട്. യാത്രകളില്‍ ഇവരും ചേരാറുണ്ട്.