കിടപ്പിന് 87 ദിവസത്തിന്റെ വേദന! ലക്ഷ്മണനും സീതയും ആയി ഒപ്പം തന്നെ അവർ; ഈ വനവാസം കഴിഞ്ഞു അവനു തിരിച്ചു വരാതിരിക്കാനാവില്ല

രാജേഷ് കേശവ് കഴിഞ്ഞ 87 ദിവസമായി ആശുപത്രി കിടക്കയിൽ ആണ്. അദ്ദേഹത്തിന് എങ്ങനെ എന്ന് പ്രിയപ്പെട്ടവർ ഒരു നേരം എങ്കിലും മനസ്സിൽ ഓർത്തുപോകും. കഴിഞ്ഞ രണ്ടുമാസമായി വെല്ലൂർ മെഡിക്കൽ കോളേജിൽ ചികിത്സയിലാണ് അദ്ദേഹം, ആരോഗ്യ നിലയിൽ നേരിയ വ്യത്യാസം ഉണ്ട്. ആശുപത്രിയിൽ ആകുന്നതിന്റെ ദിവസം വരെ സ്റ്റേജിൽ അത്രയും ആക്റ്റീവ് ആയിരുന്ന ചെറുപ്പക്കാരൻ ആണ് വേദനയുടെ 87 ദിവസങ്ങൾ കടന്നുപോകുന്നത്. ശ്രീരാമൻ വനവാസത്തിനു പോയപ്പോൾ ലക്ഷ്മണനും സീതയും ഒപ്പം ഉണ്ടായിരുന്നത് പോലെയാണ് രാജേഷിനു കൂട്ടായി ഭാര്യ സിന്ധുവും സഹോദരനും ഉണ്ട്.

പ്രിയ സുഹൃത്ത് പ്രതാപ് പങ്കുവച്ച വാക്കുകൾ

പ്രിയപ്പെട്ട രാജേഷ് രാജേഷ് കേശവ് വെല്ലൂർ മെഡിക്കൽ കോളേജിൽ എത്തിയിട്ട് നാളെ 2 മാസമാകുന്നു, ഈ കിടപ്പിന് 87 ദിവസത്തിന്റെ വേദനയും

അവൻ ഹോസ്റ്റ് ചെയ്ത,ലോക' 300 കോടി ചിത്രമായി റെക്കോർഡ് ഇട്ടതും അവന്റെ പ്രിയപ്പെട്ട മമ്മുക്ക രോഗ മുക്തനായി സിനിമയിൽ സജീവമായതും, ലാലേട്ടൻ ഫാൽകെ അവാർഡ് മേടിച്ചതും ഞാൻ പറഞ്ഞു കൊടുത്തു, സുരേഷേട്ടനൊപ്പമുള്ള ഒറ്റക്കൊമ്പൻ സിനിമയിലെ രാജേഷിന്റെ ഇനിയുള്ള സീൻ വേദനയോടെ ഒഴിവാക്കേണ്ടി വന്നതു മാത്രം പാവം അവൻ അറിഞ്ഞിട്ടില്ല. രാജേഷ് ഉഷാറായി വരുമ്പോൾ ആദ്യത്തെ ഷോ എനിക്ക് വേണ്ടി ചെയ്യണമെന്ന് ശ്രീ സുരേഷ് ഗോപി വാക്ക് തന്നിട്ടുണ്ട്. രാജേഷ് അഭിനയിച്ച ഇന്നസന്റ് സിനിമ റിലീസ് ആയതും, അവനു ഏറെ പ്രതീക്ഷയുള്ള വടക്കൻ തേരോട്ടം എന്ന സിനിമ റിലീസിന് തയ്യാറെടുക്കുന്നതും എല്ലാം പറഞ്ഞത് അവൻ മനസ്സിലാക്കിക്കാണും എന്നാണ് ഞങ്ങളുടെ വിശ്വാസം.

ഇങ്ങിനെ സിനിമയും സംഗീതവും യാത്രകളും, സൗഹൃദവും, ഭക്ഷണത്തിന്റെ കഥയുമെല്ലാം പറഞ്ഞു ഞങ്ങൾ അവനെ progressive ആക്കാൻ പരമാവധി ശ്രമിച്ചു കൊണ്ടേ ഇരിക്കുന്നു.

അതിന്റെ ഒക്കെ റിസൾട്ട് ഉണ്ട്, അത് അവനിൽ മാറ്റങ്ങൾ ഉണ്ടാക്കുന്നുണ്ട് എന്നാണ് ഡോക്ടർമാർ പറയുന്നത്. ഇടയ്ക്ക് സുഹൃത്തുക്കൾ വന്നു അവനോടു സംസാരിക്കുന്നതും, ഉണർത്താൻ ശ്രമിക്കുന്നതുമെല്ലാം അത്ഭുതകരമായ മാറ്റം ഉണ്ടാക്കുന്നുണ്ട്. അതിനു സമയം കണ്ടെത്തുന്ന നല്ല മനസ്സുകൾക്ക് നന്ദി

ALSO READ: പതിനെട്ടുവയസ് ആണ് അന്ന് എനിക്ക് പ്രായം! ആ പ്രായത്തി ൽ അതിനുള്ള പക്വതയോ ഒന്നും ഉണ്ടായിരുന്നില്ല; ആമിയെ ഏറ്റെടുത്ത കാര്യം

ശ്രീരാമൻ വനവാസത്തിനു ഇറങ്ങിയപ്പോൾ എല്ലാം ഉപേക്ഷിച്ചു കൂടെ വന്ന സീതയും ലക്ഷ്മണനും കഴിഞ്ഞ മൂന്നു മാസമായി രാജേഷിനൊപ്പമുണ്ട്.. സിന്ധുവിന്റെയും രൂപേഷിന്റെയും സ്നേഹത്തിനും കരുതലിനും,, ആത്മ സമർപ്പണത്തിനും മുന്നിൽ പകരം വെയ്ക്കാൻ ഈ ജന്മത്തിൽ ഒന്നുമില്ല. ക്ഷമയോടെ സഹന ശക്തിയോടെ അവരോടൊപ്പം CMC യിലെ ഡോക്ടർമാരും, തെറാപ്പിസ്റ്റുകളും ഒപ്പമുണ്ട് എന്നുള്ളത് ഏറെ പ്രതീക്ഷ നൽകുന്നു.
വരും...എന്റെ ചങ്ക് വീണ്ടും സ്റ്റേജിലും സിനിമയിലും ആടിത്തിമിർക്കുന്ന നാളുകൾക്കായി എല്ലാവരെയും പോലെ ഞാനും കാത്തിരിക്കുന്നു.. നന്ദി...സ്നേഹം.. പ്രാർത്ഥന. പ്രതാപ് കുറിച്ചു.