കുഞ്ചാക്കോ ബോബന്റെ നായിക, ജനനി അയ്യരുടെ വിവാഹ നിശ്ചയം കഴിഞ്ഞു, വരന്‍ റോഷന്‍ ശ്യാം! ആ 'കൂതറ' നടിയല്ലേ ഇത്?

Authored byഅശ്വിനി പി | Samayam Malayalam | Updated: 16 Apr 2025, 7:27 pm

തമിഴ്‌നാട്ടുകാരിയാണെങ്കിലും മലയാളികള്‍ക്കും ഏറെ പരിചിതയാണ് ജനനി അയ്യര്‍. താരത്തിന്റെ വിവാഹ നിശ്ചയം കഴിഞ്ഞു. റോഷന്‍ ശ്യാമുമായുള്ള വിവാഹ നിശ്ചയത്തിന്റെ ചിത്രങ്ങള്‍ ജനനി അയ്യര്‍ തന്നെയാണ് ഇന്‍സ്റ്റഗ്രാമിലൂടെ പങ്കുവച്ചത്. സ്വപ്‌ന തുല്യമായ ഒരു എന്‍ഗേജ്‌മെന്റ് ആണ് നടന്നത് എന്ന് ചിത്രങ്ങളില്‍ വ്യക്തം. എന്‍ഗേജ്‌മെന്റ് വേഷത്തില്‍ ജനനി കൂടുതല്‍ സുന്ദരിയായി കാണുന്നു എന്നാണ് ആരാധകരുടെ കമന്റുകള്‍.

പ്രണയ വിവാഹമാണ് എന്ന് ഹാഷ് ടാഗിലൂടെ ജനനി അറിയിക്കുന്നുണ്ട്. റോഷന്‍ ശ്യാമിന്റെ ഇന്‍സ്റ്റഗ്രാം പേജും ടാഗ് ചെയ്താണ് ഫോട്ടോകള്‍ പങ്കുവച്ചിരിയ്ക്കുന്നത്. സായി റോഷന്‍ ശ്യാം എന്നാണ് വരന്റെ മുഴുവന്‍ പേര്, പൈലറ്റ് ആണ്. മറ്റ് വിവരങ്ങള്‍ പുറത്തുവിട്ടിട്ടില്ല. 'ഇന്നും എനിയെന്നും' എന്ന് പറഞ്ഞുകൊണ്ടാണ് ചിത്രങ്ങള്‍ പങ്കുവച്ചിരിയ്ക്കുന്നത്. ജനനിയ്ക്കും ശ്യാമിനും ആശംസകള്‍ അറിയിച്ചുകൊണ്ട് കമന്റില്‍ ആരാധകരും സിനിമ സുഹൃത്തുക്കളും എത്തുന്നു.

Also Read: ഇന്‍ഞ്ചെക്ഷന്‍ കുത്തിവച്ച് നേടിയ സൗന്ദര്യമാണ് എന്ന് വിമര്‍ശനം, മറുപടിയുമായി ഖുശ്ബു സുന്ദര്‍; നിങ്ങളുടെ വേദന ഞാന്‍ മനസ്സിലാക്കുന്നു

ത്രി ഡോട്‌സ് എന്ന ചിത്രത്തില്‍ കുഞ്ചാക്കോ ബോബന്റെ നായികയായിട്ടാണ് ജനനി അയ്യര്‍ മലയാളത്തിലേക്ക് എത്തിയത്. സിനിമയിലെ പാട്ടുകള്‍ ഹിറ്റായതിനൊപ്പം ജനനിയും ശ്രദ്ധ നേടി. ത്രി ഡോട്ട്‌സിന് ശേഷം ജനനിയെ മലയാളികള്‍ ഏറ്റവും അധികം ശ്രദ്ധിച്ചത് കൂതറ എന്ന ചിത്രത്തിലെ നായികയായിട്ടാണ്. സണ്ണി വെയിനും, ടൊവിനോ തോമസും ഭരത് തുടങ്ങിയവര്‍ കേന്ദ്ര കഥാപാത്രങ്ങളായി, മോഹന്‍ലാല്‍ അതിഥി വേഷം ചെയ്ത ചിത്രത്തിലെ നായികമാരില്‍ ഒരാള്‍ ജനനിയായിരുന്നു.

Also Read: അമ്മ കൂലിപ്പണി ചെയ്തുണ്ടാക്കിയ കാശുകൊണ്ടാണ് വിസ എടുത്തത്, ജോലിക്ക് പോകാന്‍ ആഗ്രഹിച്ച സ്ഥലത്ത് ഇപ്പോള്‍ ടൂര്‍ പോകുന്നു; അഭിമാന നിമിഷത്തെ കുറിച്ച് സുജിന്‍

ത്രി ഡോട്‌സും കൂതറയും കൂടാതെ, സെവന്‍ത് ഡേ, ഇത് താണ്ടാ പൊലീസ്, മാ ചു ക എന്നീ ചിത്രങ്ങളിലും ജനനി അഭിനയിച്ചിട്ടുണ്ട്. ജനനിയുടെ കരിയറില്‍ ഒരു വന്‍ ബ്രേക്ക് സംഭവിച്ചത് തകിടി എന്ന തമിഴ് ചിത്രത്തിലെ 'വിണ്‍മീന്‍..' എന്ന് തുടങ്ങുന്ന പാട്ടിന് ശേഷമാണ്. കലാമൂല്യമുള്ള ഒത്തിരി സിനിമകളില്‍ ജനനി അഭിനയിച്ചുവെങ്കിലും ഒരു കൊമേര്‍ഷ്യല്‍ നായികയായി ജനനിയ്ക്ക് ബ്രേക്ക് കിട്ടിയിരുന്നില്ല. അതുകൊണ്ട് തന്നെ നായികാ വേഷങ്ങള്‍ക്ക് പുറമെ തമിഴില്‍ ധാരാളം സഹനായിക വേഷത്തിലും ജനനി അഭിനയിച്ചിട്ടുണ്ട്.