കുഞ്ഞിനെ സ്‌കൂളിൽ പോലും വിടാനാകാതെ ചെന്നൈയിൽ കൊണ്ട് വിട്ടു! എത്രകോടികൾ നഷ്ടപ്പെട്ടു; സുരേഷ് കുമാറിന്റെ വാക്കുകൾ

കോടികണക്കിന് രൂപയാണ് നഷ്ടപെട്ടത്. അദ്ദേഹവും കുടുംബവും അനുഭവിച്ച ട്രോമയ്ക്ക് ആര് ഉത്തരം പറയും? പൊതുസമൂഹവും ബാധ്യസ്ഥർ

സുരേഷ് കുമാർ(ഫോട്ടോസ്- Samayam Malayalam)

ഇത് ദിലീപിന് എതിരെ നടത്തിയ സംഘടിത ഗൂഢാലോചനയാണ്. അതിൽ കുറെ സിനിമാക്കാരും, പോലീസ് ഉദ്യോഗസ്ഥർ വരെ ഉൾപ്പെടുന്നു. അത് ആദ്യം മുതൽക്കേ ഞാൻ പറയുന്നതാണ്. വർഷങ്ങൾക്ക് മുൻപേ ദിലീപിനെ കാണാൻ ജയിലിൽ പോയി വന്നപ്പോഴും ഞാൻ ഇതേ പ്രതികരണം ആണ് നടത്തിയത്. അത് തന്നെയാണ് എനിക്ക് ഇപ്പോളും പറയാൻ ഉള്ളത്. ഇപ്പോൾ ഒരു തെളിവും ഇല്ലാതെ ദിലീപിനെ വെറുതെ വിട്ടു. ശരിക്കും ഇവരൊക്കെ അനുഭവിച്ച ട്രോമാക്ക് ആര് ഉത്തരം നൽകും. ആകുഞ്ഞുങ്ങൾ എത്ര വേദനിച്ചു. കുഞ്ഞിനെ വരെ വേട്ടയാടിയ ദിവസങ്ങൾ ഉണ്ടായിട്ടുണ്ട്. സ്‌കൂളിൽ ഒന്നും പോകാൻ ആകാതെ ആ മോളെ കൊണ്ടുപോയി ചെന്നൈയിൽ ആക്കേണ്ടി വന്നു. ഇതൊക്കെ നമ്മൾക്ക് അറിയുന്നതാണ്. അത്രക്ക് ട്രോമാ ആണ് ആ കുടുംബം അനുഭവിച്ചത്. ഇതിനൊക്കെ ആര് ഉത്തരം പറയും.