കുഞ്ഞിലേ മുതൽ ഭയങ്കര ബുദ്ധിയുള്ള കുഞ്ഞാ മിടുമിടുക്കി! എനിക്കിപ്പൊ ഫോൺ വിളി മാത്രമേ ഉള്ളൂ കാണാൻ പോലും കിട്ടാറില്ല

Authored byഋതു നായർ | Samayam Malayalam | Updated: 5 Apr 2025, 2:15 pm

Samayam Malayalamപൃഥ്വിരാജ് മകൾ

മക്കളുടെയും മരുമക്കളുടെയും കൊച്ചുമക്കളുടെയും കാര്യം പറയുമ്പോൾ നൂറുനാവാണ് മല്ലിക സുകുമാരന്. കുടുംബത്തിലെ ഏറ്റവും കുഞ്ഞുമോളാണ് പൃഥ്വി രാജിന്റെ മകൾ അലംകൃത. കുഞ്ഞുനാൾ മുതല്ക്കേ വായന ഏറെ ഇഷ്ടപെടുന്ന കുഞ്ഞുമോളാണ് അവൾ എന്നാണ് മല്ലിക പറയുന്നത്.

വായിക്കാൻ മാത്രമല്ല എഴുതാനും വരക്കാനും പാടാനും ഒക്കെ കഴിവുകൾ ഉള്ള കുഞ്ഞു മിടുക്കി. പത്തുവയസ്സ് ആയപ്പോൾ തന്നെ പാൻ ഇന്ത്യൻ ചിത്രത്തിലെ ഒരു ഗാനം കൊണ്ട് ലോക ശ്രദ്ധ തന്നെ ആൾ നേടിയെടുത്തു. ഒരിക്കൽ ഒരു അഭിമുഖത്തിൽ സംസാരിക്കവെയാണ് ആലി അവൾ കുഞ്ഞിലേ മുതൽ ബുദ്ധിയുള്ള കുഞ്ഞാണ് എന്ന് മല്ലിക സുകുമാരൻ പറഞ്ഞത്.

അവൾ മിടു മിടുക്കിയാണ് കുഞ്ഞിലേ മുതൽ. രാജുവിനേക്കാൾ മിടുക്കി ആകും അവൾ എന്നാണ് എന്റെ കണക്കുകൂട്ടൽ. പ്രായത്തിനു അനുസരിച്ചുള്ള സംസാരം അല്ല. അവൾക്ക് അറിയാം എവിടെ എങ്ങനെ നിക്കണം എന്ന്. അവൾക്ക് അറിയാം അവൾ വന്നാൽ ഞാൻ എങ്ങനെ എന്തൊക്കെ കരുതും എന്ന്. വളരെ പക്വത വന്ന കുഞ്ഞുങ്ങളെ പോലെയാണ് അവൾ സംസാരിക്കുന്നത്.

അവളുടെ പ്രായത്തിനു അപ്പുറമുള്ള ബുദ്ധിയുണ്ട്. ചെറുപ്പത്തിൽ രാജുവിനും ഇങ്ങനെ കഴിവുകൾ ഉണ്ട്. പക്ഷെ രാജുവിനേക്കാൾ ഇവൾ മിടുക്കിയാകും. എന്റെ പിറന്നാളിന് ഒരു പടം വരച്ചു കൊണ്ട് തന്നു ഞാൻ അത് ലാമിനേറ്റ് ചെയ്തുവച്ചു. കൊച്ചുംനാൾ മുതൽക്കേ അവൾ അങ്ങനെയാണ്" ചെറുമകളെക്കുറിച്ചു പറയുമ്പോൾ മല്ലിക ഏറെ വാചാലയാകുന്നു.

ആലിയെ കുറിച്ച് മാത്രമല്ല ഇന്ദ്രജിത്തിന്റെ മകൾ പ്രാർത്ഥനയും നക്ഷത്രയും അച്ഛമ്മക്ക് പ്രിയങ്കരർ ആണ്. പ്രത്യേകിച്ചും നക്ഷത്ര. അവൾ എപ്പോ വീട്ടിൽ വന്നാലും എന്റെ അടുത്തൂന്ന് മാറില്ല. ഞാൻ കഴിഞ്ഞേ അവൾക്ക് എന്തും ഉള്ളൂ. എനിക്ക് ഒപ്പം ഉണ്ടും ഉറങ്ങിയും നടക്കാൻ അവൾക്കാണ് കൂടുതൽ ഇഷ്ടമെന്നും മല്ലിക പറഞ്ഞിട്ടുണ്ട്. അതേസമയം അലംകൃതയെ മുംബയിലെ സ്‌കൂളിലേക്ക് മാറ്റിയതിൽ തെല്ലൊരു പരിഭവവും മല്ലികക്ക് ഉണ്ട്. ഇപ്പോൾ ഫോൺ വിളി മാത്രമാണ്, അക്കര്യത്തിൽ എനിക്ക് ചെറിയ പിണക്കം ഒക്കെ ഉണ്ടെന്നും അടുത്തിടെ എമ്പുരാൻ പ്രമോഷൻ സമയത്ത് നൽകിയ ഒരു അഭിമുഖത്തിൽ മല്ലിക സുകുമാരൻ പറഞ്ഞിരുന്നു.

ALSO READ: ചേച്ചിയാണ് ആവണിക്ക് അവൾ! ആവണിയും മീനാക്ഷിയും ഒരേ പ്രായമല്ല 10 വയസ്സ് വ്യത്യാസം; കുട്ടിക്കാലം എല്ലാം ഒരുമിച്ചായിരുന്നു
ബോളിവുഡ് സൂപ്പർ താരങ്ങളുടെ മക്കളെല്ലാം പഠിക്കുന്ന ധീരുഭായ് അംബാനി ഇന്റർനാഷണൽ സ്‌കൂളിലാണ് നടൻ പൃഥ്വിരാജിന്റെ മകൾ അലംകൃതയും പഠിക്കുന്നത്.അടുത്തിടെ സ്‌കൂളിന്റെ വാർഷികാഘോഷത്തിന് പങ്കെടുക്കാൻ എത്തിയ പൃഥ്വിരാജിന്റെയും സുപ്രിയയുടെയും വീഡിയോ വൈറലായതോടെയാണ് ഇക്കാര്യം എല്ലാവരും അറിഞ്ഞത്.

അഭിനയിക്കാതെ തന്നെ താരമായി മാറിയതാണ് ഏറെക്കാലം മുൻപേ തന്നെ അലംകൃത മേനോൻ പൃഥ്വിരാജ്. ഇടയ്ക്കിടയ്ക്ക് അലംകൃതയുടെ എഴുത്ത് വിശേഷങ്ങൾ പൃഥ്വിരാജും സുപ്രിയയും പങ്കിടാറുണ്ട്. മകളുടെ സ്വകാര്യതയെ മാനിച്ച് വല്ലപ്പോഴുമാണ് മുഖം വ്യക്തമാവുന്ന തരത്തിലുള്ള ചിത്രങ്ങൾ പങ്കിടാറുള്ളത്.