കുത്തിവെപ്പ് എടുത്തോ എന്നുള്ള ചോദ്യം, അഞ്ച് വര്‍ഷം കഷ്ടപ്പെട്ടിട്ടാണ് എന്ന് കാജള്‍; എന്ത് ചെയ്താലും കുറ്റമാണ്!

കല്യാണം കഴിഞ്ഞാല്‍, അമ്മയായാല്‍ നായികമാര്‍ക്ക് സിനിമ അത്ര എളുപ്പമല്ല. ഇത് പല തവണ കാജള്‍ അഗര്‍വാള്‍ പറഞ്ഞിട്ടുള്ളതാണ്. അമ്മയായാല്‍ മാത്രമല്ല, അല്ലെങ്കിലും നായികമാര്‍ പൊതുവെ ജഡ്ജ്‌മെന്റ് നേരിടാറുണ്ട് എന്ന് കാജള്‍ പറയുന്നു. നടിയായാല്‍ ഇങ്ങനെ വേണം, നിറം, ശരീരം, സൗന്ദര്യം എല്ലാം വിഷയമാവും.

അത് മാത്രമല്ല, നായികമാര്‍ എന്ത് ചെയ്താലും തെറ്റ് എന്ന് പറയുന്ന ഒരു സമൂഹമാണിത്. എന്തിനേറെ ഞാന്‍ ഒരു കുഞ്ഞിന് ജന്മം നല്‍കി, മുലയൂട്ടുന്ന സമയത്ത് സ്വാഭാവികമായി തടിച്ചു. അതിന്റെ പേരില്‍ നിരുത്സാഹപ്പെടുത്താന്‍ ശ്രമിക്കുന്നവരുണ്ട്. അത് കഴിഞ്ഞ് ഞാന്‍ വണ്ണം കുറച്ചു, എന്റെ സാധാരണ നിലയിലേക്ക് തിരിച്ചെത്തി. അതിന് അഞ്ച് വര്‍ഷത്തോളമെടുത്തു. അത്രയും അധികം നിരന്തരം പരിശ്രമിച്ചതിന് ശേഷമാണ് എന്റെ പഴയ രൂപത്തിലേക്ക് എത്തിയത്. ഉടനെ വന്നു അടുത്ത കമന്റുകള്‍, ഹോ അവള്‍ എന്തോ കുത്തിവെപ്പ് എടുത്തു എന്ന്.

I, Nobody എന്ന സിനിമ എന്താണ് പറയുന്നത്? തിയേറ്ററില്‍ കാണുന്നതിന് മുന്‍പ് ഇത് അറിഞ്ഞിരിക്കണം!എന്ത് ചെയ്താലും കുറ്റം പറയുന്നത് നിലയ്ക്കുന്നില്ല, അത് തുടര്‍ന്നുകൊണ്ടേയിരിക്കും. നമുക്ക് എന്ത് വേണമോ, എന്ത് ചെയ്യണമോ അത് ചെയ്തുകൊണ്ടേയിരിക്കുക എന്നത് മാത്രമേ രക്ഷയുള്ളൂ. ഇത് എന്റെ കരിയറിന്റെ ഭാഗമാണ്, അത് തിരിച്ചറിഞ്ഞ് മുന്നോട്ടു പോകുക എന്നത് മാത്രമേയുള്ളൂ. അത്തരം കമന്റുകളൊന്നും ഞാന്‍ മൈന്റ് ചെയ്യുന്നതേയില്ല- കാജള്‍ അഗര്‍വാള്‍ പറഞ്ഞു.

നായികയായി വന്നപ്പോള്‍ സിനിമ ഇന്റസ്ട്രിയില്‍ നിന്ന് തന്നെ പലതരത്തിലുള്ള ജഡ്ജ്‌മെന്റലുകളും കേട്ടിട്ടുണ്ട്, വളരെ മെലിഞ്ഞിരിക്കുന്നു, തടി കൂട്ടണം എന്നൊക്കെയുള്ള തരത്തില്‍. പക്ഷേ എനിക്ക് എന്ത് വേണമോ, എനിക്ക് എന്ത് സാധിക്കുമോ അതേ ഞാന്‍ ചെയ്തിട്ടുള്ളൂ. നോ പറയേണ്ടിടത്ത് ഞാന്‍ പറഞ്ഞിട്ടുണ്ട്. യെസ് പറയുന്നതിനോളം പ്രധാനനാണ് നോ പറയാന്‍ പഠിക്കാനം എന്ന് ഞാന്‍ മനസ്സിലാക്കുന്നു.

എനിക്ക് ബിക്കിനി ധരിച്ച് അഭിനയിക്കാന്‍ കഴിയില്ല, അതുപോലെ തന്നെ ഇന്റിമേറ്റ് രംഗങ്ങളിലും അമിതമായി അഭിനയിക്കാന്‍ കഴിയില്ല. അത്തരം രംഗങ്ങള്‍ ചെയ്യാന്‍ പറഞ്ഞാല്‍ കരുത്തോടെ നോ പറയാനുള്ള അവകാശവും എനിക്കുണ്ട്. തിരിഞ്ഞു നോക്കുമ്പോള്‍ ഈ ഇരുപത് വര്‍ഷത്തെ യാത്ര വളരെ അധികം സന്തോഷം നല്‍കുന്നതാണ്. തൃപ്തി നല്‍കിയോ എന്ന് ചോദിച്ചാല്‍, ഏതൊരു മനുഷ്യനെയും പോലെ പൂര്‍ണമായും എന്ന് പറയാന്‍ കഴിയില്ല എങ്കിലും സന്തോഷവും നല്‍കിയിട്ടുണ്ട്- കാജള്‍ അഗര്‍വാള്‍ പറഞ്ഞു.