കുറച്ചുനേരം കൂടി നിന്നിരുന്നുവെങ്കിൽ ധ്യാൻ കരഞ്ഞേനെ; വേദിയിൽ നിന്നും ഇറങ്ങിപ്പോകുന്ന മകൻ; കണ്ണുനീരടക്കാനാകാതെ വിമലയും

ശ്രീനിവാസൻ ഈ ലോൿത്തുനിന്നും വിടവാങ്ങിയിട്ട് ഒരു മാസവും അഞ്ചുദിവസവും പിന്നിട്ടുകഴിഞ്ഞു. ഒട്ടും പ്രതീക്ഷിക്കാത്ത നേരത്തെ മരണം ഇപ്പോഴും കുടുംബത്തിന് ഉൾക്കൊള്ളാൻ ആയിട്ടില്ല. ആരോഗ്യപ്രശ്നങ്ങൾ ഉള്ള ആളായിരുന്നു അദ്ദേഹം എങ്കിലും ഇത്രനേരത്തേയുള്ള വിയോഗം ആരും പ്രതീക്ഷിച്ചതല്ല. അച്ഛന്റെ മരണശേഷം ഏറെനാളായി ഷൂട്ടിങ്ങിൽ നിന്നെല്ലാം വിട്ടുനിൽക്കുന്ന ധ്യാൻ അമ്മയ്ക്ക് ഒപ്പം തന്നെ ഉണ്ട്. വിമല ഇതിൽ നിന്നും എങ്ങനെ പുറത്തുകടക്കും എന്നായിരുന്നു അധികമാളുകളും നോക്കിയതും. ഇക്കഴിഞ്ഞ ദിവസം ശ്രീനിവാസന്റെ വീട്ടിൽ വച്ചുനടന്ന ചടങ്ങിലാണ് അദ്ദേഹത്തിന്റെ അവാർഡ് വിമല ഏറ്റുവാങ്ങിയത്. ഉണ്ണി കൃഷ്‌ണൻ നമ്പൂതിരി പുരസ്‌കാരം ഏറ്റുവാങ്ങുമ്പോൾ കരച്ചിൽ അടക്കാൻ പാടുപെടുകയായിരുന്നു വിമല ടീച്ചർ. ആരോഗ്യവകുപ്പ് മന്ത്രി വീണ ജോർജ് ആയിരുന്നു അവാർഡ് കൈമാറിയത്, എന്നാൽ ഇതുവാങ്ങിയതും വിമല ടീച്ചർ കരച്ചിൽ അടക്കാൻ പാടുപെടുന്ന രംഗമാണ് കണ്ടു നിൽക്കുന്ന ആളുകളുടെ കണ്ണുകളെ പോലും ഈറൻ അണിയിച്ചത്