കുറച്ച് കാര്യങ്ങള്‍ ചെയ്തിട്ടുണ്ട്! എല്ലാം പറയാനാവില്ല! എവിടെയായിരുന്നു, ഓക്കെ അല്ലേ, ചോദ്യങ്ങള്‍ക്ക് മറുപടിയായി പുത്തന്‍ വീഡിയോ

Edited byഅനുപമ നായർ | Samayam Malayalam | Updated: 5 Apr 2025, 2:57 pm

Samayam Malayalamറസ്ട്രിക്ഷന്‍സുണ്ട്! എല്ലാം പറയാന്‍ പറ്റില്ല!

സോഷ്യല്‍മീഡിയയില്‍ സജീവമാണ് എലിസബത്ത് ഉദയന്‍. തന്റെ വിവാഹ ജീവിതത്തില്‍ സംഭവിച്ച കാര്യങ്ങളെക്കുറിച്ചുള്ള എലിസബത്തിന്റെ തുറന്നുപറച്ചില്‍ വൈറലായിരുന്നു. യൂട്യൂബ് ചാനലിലൂടെയായിരുന്നു കാര്യങ്ങളെക്കുറിച്ച് സംസാരിച്ചത്. രണ്ട് ദിവസം കണ്ടിട്ടില്ലെങ്കില്‍ അന്വേഷിക്കണം, ഭീഷണികളൊക്കെ വരുന്നുണ്ടെന്ന് ഇടയ്ക്ക് എലിസബത്ത് പറഞ്ഞിരുന്നു. ദിവസങ്ങള്‍ക്ക് ശേഷമായി വീണ്ടും വീഡിയോയുമായി എത്തിയിരിക്കുകയാണ് അവര്‍.

കുറേ ദിവസമായി വീഡിയോ ചെയ്യുന്നുണ്ടായിരുന്നില്ല. ഹാപ്പിയാണോ, സേഫാണോ എന്നൊക്കെ ചോദിച്ച് കുറേ മെസേജുകളും കമന്റുകളുമൊക്കെ വരുന്നുണ്ടായിരുന്നു. രണ്ട് ദിവസം വീഡിയോ ഇട്ടില്ലെങ്കില്‍ അന്വേഷിക്കണം എന്ന് ഞാന്‍ പറഞ്ഞിരുന്നു. ചില കാരണങ്ങള്‍ കൊണ്ട് വീഡിയോ ഇടാന്‍ പറ്റിയിരുന്നില്ല. എന്നെ അന്വേഷിച്ചതിന് നന്ദി. സീരിയസായിട്ട് തന്നെ നിങ്ങള്‍ ഞാന്‍ പറഞ്ഞ കാര്യം ചെയ്തു. നിങ്ങള്‍ ആഗ്രഹിക്കുന്ന പോലെയുള്ള സ്‌റ്റെപ്‌സ് തന്നെ എടുത്തിട്ടുണ്ട്. കുറച്ച് റസ്ട്രിക്ഷന്‍സ് ഉണ്ട്. അങ്ങനെ എല്ലാം പറയാന്‍ പറ്റില്ല. എല്ലാം നല്ലതായി വരുമെന്ന് കരുതുന്നു. അതിനായി പ്രാര്‍ത്ഥിക്കുന്നു.

Also Read: മഞ്ജു മുംബൈയിലായിരുന്നു! ഞാനൊരു ആവശ്യം പറഞ്ഞപ്പോള്‍ ഓടിയെത്തി! ചേച്ചി പറഞ്ഞ രണ്ട് ആഗ്രഹങ്ങളെക്കുറിച്ച് ഭാഗ്യലക്ഷ്മി

കുറച്ച് ബുദ്ധിമുട്ടുകളുണ്ടായിരുന്നു. അതുകൊണ്ടാണ് വീഡിയോ ഇടാതിരുന്നത്. വീഡിയോ ഇടാതിരുന്നതില്‍ കുറ്റബോധമുണ്ട് എന്നും എലിസബത്ത് പറഞ്ഞിരുന്നു. ഡോക്ടറിനെ വീണ്ടും കണ്ടപ്പോള്‍ ആശ്വാസമായി, കുറേ ദിവസത്തിന് ശേഷം ശബ്ദം കേള്‍ക്കാന്‍ കഴിഞ്ഞതില്‍ സന്തോഷം, മിടുക്കിയായല്ലോ, തീര്‍ച്ചയായും പ്രാര്‍ത്ഥനയുണ്ട്. കാര്‍മേഘം നീങ്ങി ആകാശം തെളിഞ്ഞു, ആശങ്കയെല്ലാം മാറി. സേഫായിരിക്കുന്നു എന്ന് കേട്ടപ്പോള്‍ സമാധാനമായി. സ്‌നേഹിക്കുന്നവരുടെ പ്രാര്‍ത്ഥന എന്നും കൂടെ കാണും. പഴയത് പോലെ സ്മാര്‍ട്ടായി മുന്നോട്ട് പോവുക തുടങ്ങിയ പ്രതികരണങ്ങളായിരുന്നു വീഡിയോയുടെ താഴെ വന്നത്.


സോഷ്യല്‍മീഡിയയിലൂടെയായി പ്രണയിച്ചായിരുന്നു എലിസബത്ത് രണ്ടാമത് വിവാഹിതയായത്. പ്രതീക്ഷയോടെയായിരുന്നു തുടങ്ങിയത്. എന്നാല്‍ തുടക്കം മുതലേ തന്നെ വിയോജിപ്പുകളായിരുന്നു. അതുവരെ കണ്ട ഒരാളെയായിരുന്നില്ല വിവാഹ ശേഷം കണ്ടത്. ശാരീരികവും മാനസികവുമായി അത്രയേറെ വേദനകള്‍ അനുഭവിച്ചിട്ടുണ്ട്. എന്റെ വീട്ടുകാര്‍ക്ക് അറിയാം, എന്തൊക്കെയാണ് സംഭവിച്ചത് എന്ന്. പുറംലോകത്തെ അറിയിക്കേണ്ടെന്ന് കരുതിയതാണ്.

എനിക്കെതിരെ വളരെ മോശമായി അവര്‍ സംസാരിച്ചപ്പോഴാണ് പ്രതികരിക്കാന്‍ തീരുമാനിച്ചതെന്നും എലിസബത്ത് പറഞ്ഞിരുന്നു. വ്ളോഗിലൂടെയായിരുന്നു എലിസബത്ത് വിവാഹ ജീവിതത്തിലെ തിക്താനുഭവങ്ങളെക്കുറിച്ച് സംസാരിച്ചത്. ഇതെന്തൊക്കെയാണ് പറയുന്നത്. ഇങ്ങനെയൊക്കെയായിരുന്നോ നിങ്ങളുടെ ജീവിതം, സമ്മതിച്ച് തന്നിരിക്കുന്നു നിങ്ങളെ, നിങ്ങളുടെ കൂടെയുണ്ട്. ധൈര്യത്തോടെ മുന്നേറുക, പഠനത്തില് ശ്രദ്ധ കേന്ദ്രീകരിക്കുക എന്നായിരുന്നു പ്രിയപ്പെട്ടവരെല്ലാം പറഞ്ഞത്.