കൂടെ നിന്നപ്പോള്‍ ചേര്‍ത്തങ്ങ് പിടിച്ചു! ഇവനൊരു സംഭവമെന്ന് അന്നേ പറഞ്ഞതല്ലേ! ആ സ്‌പെഷല്‍ മൊമന്‍സിനെക്കുറിച്ച് ചര്‍ച്ചകള്‍

Authored by: നിമിഷ|Samayam Malayalam•30 May 2025, 11:48 am

ദിയയുടെ ബേബി ഷവര്‍ വിശേഷങ്ങളാണ് ഇപ്പോള്‍ സോഷ്യല്‍മീഡിയയില്‍ നിറഞ്ഞുനില്‍ക്കുന്നത്. കുടുംബാംഗങ്ങളും സുഹൃത്തുക്കളുമെല്ലാം ചടങ്ങിന്റെ വിശേഷങ്ങള്‍ സോഷ്യല്‍മീഡിയയിലൂടെ പങ്കുവെച്ചിരുന്നു. രസകരമായ ചില ഗെയിമുകളും പരിപാടിയില്‍ ഉള്‍പ്പെടുത്തിയിരുന്നു. സുന്ദരിക്ക് പൊട്ട് തൊടുന്നത് പോലെ ബേബിക്ക് കണ്ണും മൂക്കും വെക്കുന്നതായിരുന്നു പ്രധാന ഗെയിം. ദിയ ആയിരുന്നു ആദ്യം ഗെയിമിനെത്തിയത്. ഓരോരുത്തരും ചെയ്യുന്നതിന് അനുസരിച്ച് ഫോട്ടോയും എടുക്കുന്നുണ്ടായിരുന്നു.

ഇത്തവണത്തെ പരിപാടിയില്‍ ദിയയും സഹോദരിമാരും മാത്രമല്ല അര്‍ജുനും നിമിഷും തിളങ്ങിയിരുന്നു. ഇവരുടെ വരവിനെക്കുറിച്ചുള്ള ചര്‍ച്ചകളും സജീവമാണ്. കല്യാണത്തിനും ബേബി ഷവറിനും എത്തിയവരെയെല്ലാം ബേബി ഷവറിനും വിളിച്ചിട്ടുണ്ടെന്നും അഹാന പറഞ്ഞിരുന്നു. അഹാനയും നിമിഷും ഒന്നിച്ചുള്ള ചിത്രവും വീഡിയോയും അന്ന് വൈറലായിരുന്നു. ഇവരുടെ കല്യാണം കഴിഞ്ഞോ എന്നായിരുന്നു അന്നത്തെ ചോദ്യങ്ങള്‍. ഫ്രണ്ടിന്റെ അനിയത്തിയുടെ കല്യാണത്തിന് പോയപ്പോള്‍ എടുത്ത ചിത്രങ്ങളാണ് അത്. ഞങ്ങളുടെ കല്യാണമല്ല കഴിഞ്ഞതെന്നായിരുന്നു നിമിഷിന്റെ വിശദീകരണം.

Also Read: ഇഷാനിയുടെ അരികില്‍ നിന്നും മാറാതെ അര്‍ജുന്‍! ദിയയുടെ ബേബി ഷവറിലും ആളുണ്ട്! അടുത്ത മരുമകന്‍ സെറ്റ്, ചിത്രങ്ങള്‍ വൈറല്‍

സിനിമാട്ടോഗ്രാഫറായ നിമിഷും അഹാനയും പ്രണയത്തിലാണെന്ന തരത്തിലുള്ള റിപ്പോര്‍ട്ടുകള്‍ നേരത്തെ പ്രചരിച്ചിരുന്നു. ഞാന്‍ നിമിഷിന്റെ ഏറ്റവും വലിയ ഫാനാണ്. കുറച്ചുനാള്‍ കഴിയുമ്പോള്‍ സംഭവമായിരിക്കും. ഇവന്റെ അത്രേം കഴിവുള്ളൊരാള്‍ വേറെയില്ല. അവനൊരു സംഭവമാണ്. ആളുകള്‍ അവനെക്കുറിച്ച് പറയുമ്പോള്‍ ഇത് ഞാന്‍ പണ്ടേ പറഞ്ഞതല്ലേയെന്നാണ് പറയാറുള്ളതെന്നായിരുന്നു ഇടയ്‌ക്കൊരു അഭിമുഖത്തില്‍ അഹാന നിമിഷിനെക്കുറിച്ച് പറഞ്ഞത്. സിനിമയിലെത്തിയപ്പോഴും വര്‍ഷങ്ങളായുള്ള ബന്ധം ഇരുവരും അതേപോലെ നിലനിര്‍ത്തുന്നുണ്ടായിരുന്നു.

ഇടയ്ക്ക് അഹാനയുടെയും സിന്ധു കൃഷ്ണയുടെയും വ്‌ളോഗുകളിലും നിമിഷിനെ കണ്ടിരുന്നു. നിമിഷ് നല്ല പയ്യനാണെന്നായിരുന്നു അമ്മയുടെ കമന്റ്. ഇപ്പോഴിതാ ബേബി ഷവര്‍ വിശേഷങ്ങള്‍ പങ്കുവെച്ചുള്ള സിന്ധു കൃഷ്ണയുടെ വീഡിയോയിലും ചര്‍ച്ചയായത് ഇവരുടെ ക്യൂട്ട് നിമിഷങ്ങളായിരുന്നു. അപ്പൂപ്പനും അമ്മൂമ്മയ്ക്കും ഒപ്പം നിന്ന് ഫോട്ടോ എടുക്കുന്നതിനിടെ അഹാനയുടെ കൈപിടിച്ചിരുന്നു നിമിഷ്. ആ സമയത്തെ അഹാനയുടെ ഭാവം കാണേണ്ടത് തന്നെയായിരുന്നു. അതേക്കുറിച്ചായിരുന്നു ആരാധകരും പറഞ്ഞത്. എന്നാണ് നിങ്ങളുടെ വിവാഹം എന്ന ചോദ്യം ദിയയുടെ കല്യാണം കഴിഞ്ഞ സമയം മുതലേ ഉയര്ർന്നതാണ്.

എന്തൊരു ക്യൂട്ടാണ് ഇരുവരും. ഡ്രസ് പോലും മാച്ചിംഗാണല്ലോ എന്നായിരുന്നു കമന്റുകള്‍. നിമിഷിനൊപ്പം ഫോട്ടോ എടുക്കുന്ന സമയത്ത് അഹാനയുടെ മുഖത്തൊരു ചമ്മല്‍ വന്നല്ലോ. ഈ ഡ്രസും ഹെയര്‍ സ്‌റ്റൈലും അത്ര പോരായിരുന്നു. പൊതുവെ എല്ലാത്തിലും ഷൈന്‍ ചെയ്യുന്ന ആള്‍ ഇത്തവണ അത്ര പോരായിരുന്നു എന്ന് പറഞ്ഞവരുമുണ്ടായിരുന്നു.