കൂടെ നിന്നവര്‍ പോലും കുറ്റം പറഞ്ഞു, ഒതുക്കാന്‍ നോക്കി; പലതും മറക്കാനും ക്ഷമിക്കാനും കഴിഞ്ഞില്ലെങ്കില്‍ മാനസികരോഗിയായിപ്പോവും എന്ന് വിജയ് സേതുപതി

ആരും വെട്ടിയിട്ട വഴിയിലൂടെ എളുപ്പം നടന്നു വന്ന നടനല്ല വിജയ് സേതുപതി . കഷ്ടപ്പെട്ട് തന്നെയാണ് ഇന്ന് മക്കള്‍ മനസ്സില്‍ മക്കള്‍ സെല്‍വന്‍ എന്ന ഇടം നേടിയെടുത്തത്. സിനിമയില്‍ ഒരു ഭാഗ്യ പരീക്ഷണത്തിന് ഒരുങ്ങുമ്പോള്‍ തന്റെ മുന്നില്‍ ഉണ്ടായിരുന്നത് വെറും അഞ്ച് വര്‍ഷമാണ്. ഭാര്യ ഗര്‍ഭിണിയായി പ്രസവിക്കുന്നതിനുള്ളില്‍ സിനിമ എന്താണ് എന്ന് അറിയണം എന്നേ ഉണ്ടായിരുന്നുള്ളൂ. എനിക്ക ്പ്രതീക്ഷകളുണ്ടായിരുന്നില്ല, കാരണം എനിക്ക് സിനിമയെ കുറിച്ച് അറിയില്ലായിരുന്നു. ഇത് പറ്റിയില്ല എങ്കില്‍ തിരിച്ചു പോയി പഠിച്ച ജോലി ചെയ്യാം എന്ന നിലയിലാണ് സിനിമയിലേക്ക് വന്നത്.

സിനിമയിലേക്ക് വന്ന ആദ്യത്തെ അഞ്ച് വര്‍ഷത്തിനുള്ളില്‍ സിനിമയില്‍ വലിയ അവസരങ്ങളൊന്നും ലഭിച്ചില്ല. പക്ഷേ സിനിമ എന്താണ് എന്നും എങ്ങനെയാണ് എന്നും പഠിച്ചു. ഇവിടെ എങ്ങനെ നിലനില്‍ക്കണം എന്നും മനസ്സിലാക്കി എന്നാണ് വിജയ് സേതുപതി പറഞ്ഞത്. ആദ്യത്തെ അവസരം വന്നതുമുതല്‍ പിന്നീട് കഷ്ടപ്പെട്ട് തന്നെ മുന്നോട്ടു വരികയായിരുന്നുവത്രെ.

ചീറ്റിങ് അല്ല, ശരിക്കും രക്തം കൊടുത്തു! സൂര്യയ്ക്ക് മനസ്സിന് സന്തോഷം നല്‍കിയ കാര്യം രഹസ്യമായി എന്നോടു പറഞ്ഞു എന്ന് ഗിന്നസ് പക്രു
സിനിമയെ സംബന്ധിച്ച് എന്തും മറക്കാനും ക്ഷമിക്കാനും കഴിയണം. ഇല്ലെങ്കില്‍ ഭ്രാന്തായി പോവും എന്ന് വിജയ് സേതുപതി പറയുന്നു. തുടക്കകാലത്ത് ഇവനെകൊണ്ടൊന്നും പറ്റില്ല, ഇവനൊക്കെ എന്തിന് വന്നതാണ്, ആദ്യത്തെ ഒന്ന് രണ്ട് സിനിമ ഭാഗ്യം കൊണ്ട് ശ്രദ്ധ നേടിയതാണ്, ഇതൊന്നും നിരന്തരമല്ല എന്നൊക്കെയുള്ള ഒരുപാട് വിമര്‍ശനങ്ങള്‍ കേട്ടിരുന്നു. ഏറ്റവും അടുപ്പമുള്ളവരും കൂടെ നിന്നവരുമടക്കം പലരില്‍ നിന്നും പലതും കേട്ടു. അതൊക്കെ ക്ഷമിക്കാനും മറക്കാനും കഴിഞ്ഞില്ലെങ്കില്‍ മുന്നോട്ടു പോകാന്‍ സാധിക്കില്ല എന്ന് വിജയ് സേതുപതി പറയുന്നു.

മറക്കുക, ക്ഷമിക്കുക എന്നതിനപ്പുറം അത് മൈന്‍ഡ് ചെയ്യാതിരിക്കുന്നതാണ് നല്ലത്. നമുക്കറിയാമല്ലോ നമ്മളാരാണ് എന്ന്. ഒരു ജോലി ചെയ്യുമ്പോള്‍ നമ്മള്‍ എത്രത്തോളം അതില്‍ എഫേര്‍ട്ട് ഇടുന്നുണ്ട് എന്നും, നമുക്ക് ആ ജോലി എന്താണ് എന്നും നമുക്കറിയാം. ഇങ്ങനെ പറയുന്നതുകൊണ്ടുള്ള മറ്റൊരു ഗുണം, നമുക്ക് അത് കാരണം ഒരു ബോധം ഉണ്ടാവും. നമ്മളുടെ അതിജീവനം എത്രത്തോളമാണ് എന്ന് ചെക്ക് ചെയ്യാനുള്ള ഒരു അവയര്‍നസ്സ് ആണ് അവിടെ ക്രിയേറ്റ് ചെയ്യപ്പെടുന്നത്. അങ്ങനെ അല്ലെങ്കില്‍ മുന്നോട്ടു വരണം എന്ന ചിന്തയും ആവേശവും നമുക്കില്ലാതെയായിപ്പോവും.

അതേ സമയം നമ്മളെ വിമര്‍ശിച്ചവരെ വിളിച്ച് നിങ്ങള് പറയുന്നത് പോലെയല്ല സര്‍, അതല്ല ഇത് എന്ന് വിശദീകരണം കൊടുത്തുകൊണ്ടേയിരിക്കരുത്. നമ്മുടെ ജോലിയിലൂടെയാണ് അതിനുള്ള മറുപടി നല്‍കേണ്ടത്. അതുകൊണ്ട് വിമര്‍ശനങ്ങളും കുറ്റപ്പെടുത്തലുകളും വേണം, അതാണ് നമുക്ക് ഒരു കരുത്ത് നല്‍കുന്നത്- വിജയ് സേതുപതി പറഞ്ഞു.