കെ എൽ രാഹുലിന് ഇനി പുതിയ റോൾ, നിർണായക നീക്കവുമായി ഡെൽഹി ക്യാപിറ്റൽസ്; ക്ലിക്കായാൽ ടീം പൊളിക്കും

Curated by: ഗോകുൽ എസ്|Samayam Malayalam•17 May 2025, 5:56 pm

2025 സീസൺ ഇന്ത്യൻ പ്രീമിയർ ലീഗിൽ ( IPL 2025 ) പ്ലേ ഓഫിൽ സ്ഥാനം നേടാൻ ശക്തമായി രംഗത്തുള്ള ടീമാണ് ഡെൽഹി ക്യാപിറ്റൽസ്‌‌. 11 കളികളിൽ 13 പോയിന്റുള്ള ടീം ഇപ്പോൾ അഞ്ചാം സ്ഥാനത്താണ്‌. ശേഷിക്കുന്ന‌ മൂന്ന് കളികളിൽ രണ്ടെണ്ണത്തിൽ വിജയിക്കാനായാൽ അവർക്ക് പ്ലേ ഓഫിലെത്താൻ കഴിയുമെന്നാണ് കരുതപ്പെടുന്നത്. പ്ലേ ഓഫ് ഘട്ടം അടുത്തെത്തി നിൽക്കെ ഇപ്പോളിതാ ഒരു കിടിലൻ നീക്കം നടത്താൻ ഒരുങ്ങുകയാണ് ഡെൽഹി ഫ്രാഞ്ചൈസി.ഈ സീസണിൽ മധ്യനിരയിൽ കളിക്കുന്ന ഇന്ത്യൻ സൂപ്പർ താരം കെ എൽ രാഹുലിനെ ശേഷിക്കുന്ന കളികളിൽ ഓപ്പണറായി കളിപ്പിക്കാനുള്ള നീക്കത്തിലാണ് ഡെൽഹി ക്യാപിറ്റൽസ്. ടൈംസ് ഓഫ് ഇന്ത്യയാണ് ഇതുസംബന്ധിച്ച റിപ്പോർട്ട് ഇപ്പോൾ പുറത്തു വന്നിരിക്കുന്നത്. മുൻസീസണുകളിൽ ഓപ്പണറായി കളിച്ചിരുന്ന രാഹുൽ ഡെൽഹിയിൽ എത്തിയതി‌ന് ശേഷം മധ്യനിരയിലേക്ക് മാറുകയായിരുന്നു‌. 2025 സീസൺ ഐപിഎല്ലിൽ ഒരു കളിയിൽ മാത്രമാണ് താരം ഓപ്പണറായത്. രണ്ട് മത്സരങ്ങളിൽ മൂന്നാം നമ്പരിൽ കളിച്ച താരം, ഏഴ് കളികളിൽ നാലാം നമ്പരിലും ഇറങ്ങി.


ഈ‌ സീസണിൽ പല ഓപ്പണിങ് ജോഡികളെയും ഡെൽഹി ക്യാപിറ്റൽസ് പരീക്ഷിച്ചെങ്കിലും സ്ഥിരത കാട്ടാൻ ആർക്കും കഴിഞ്ഞില്ല. ഫാഫ് ഡു പ്ലെസിസ്, ജേക് ഫ്രേസർ മക്ഗർക്, അഭിഷേക് പൊറൽ, കരുൺ നായർ എന്നിവർ ഓപ്പണിങ്ങിൽ ഡെൽഹിക്കായി ഇറങ്ങി‌. ഓപ്പണറായി മികച്ച റെക്കോഡുള്ള രാഹുലിനെ ബാറ്റിങ് ഓർഡറിൽ പ്രൊമോട്ട് ചെയ്യുന്നത് ടീമിന്റെ ഓപ്പണിങ് തലവേദനകൾ അവസാനിപ്പിക്കുമെന്നാണ് ഡെൽഹിയുടെ പ്രതീക്ഷ.

വിരാട് കോഹ്ലിക്ക് പകരം ഇന്ത്യയുടെ നാലാം നമ്പരിൽ കളിക്കാൻ ഈ നാല് പേർ റെഡി; സാധ്യത ലിസ്റ്റിൽ ഇവർ
നേരത്തെ 2025 ലെ ഐപിഎൽ മെഗാ ലേലത്തിൽ 14 കോടി രൂപക്കായിരുന്നു കെ എൽ രാഹുലിനെ ഡെൽഹി ക്യാപിറ്റൽസ് വാങ്ങിയത്. മികച്ച പ്രകടനമാണ് ഈ സീസണിൽ താരം കാഴ്ച വെക്കുന്നതും. 10 കളികളിൽ നിന്ന് 47.63 ബാറ്റിങ് ശരാശരിയിൽ 381 റൺസാണ് ഈ സീസണിൽ താരത്തിന്റെ സമ്പാദ്യം.

ഡെൽഹി ക്യാപിറ്റൽസിന് ഹാപ്പി ന്യൂസ്; രണ്ട് വിദേശ താരങ്ങളുടെ കാര്യത്തിൽ സുപ്രധാന അപ്ഡേറ്റ് പുറത്ത്, ടീമിന്റെ കരുത്തര് കൂടും
മൂന്ന് മത്സരങ്ങളാണ് ഈ സീസണിൽ ഡെൽഹിക്ക് ഇനി ബാക്കിയുള്ളത്. ഞായറാഴ്ച ഗുജറാത്ത് ടൈറ്റൻസിന് എതിരെയാണ് ഇതിൽ ആദ്യത്തേത്. 21 ന് മുംബൈ ഇന്ത്യൻസിന് എതിരെയും 24 ന് പഞ്ചാബ് കിങ്സിന് എതിരെയുമാണ് പിന്നീട് ടീമിന് മത്സരങ്ങൾ.