കേരള ക്രിക്കറ്റ് ലീഗ് രണ്ടാം സീസണിന് കാര്യവട്ടം ഗ്രീൻഫീൽഡ് സ്റ്റേഡിയത്തിൽ കൊടിയേറി

തിരുവനന്തപുരം ∙ കേരള ക്രിക്കറ്റിലെ സൂപ്പർ താരങ്ങളെല്ലാം ഒന്നിച്ച് അണിനിരന്നൊരുക്കുന്ന കളിയുത്സവത്തിന് തിരുവനന്തപുരം കാര്യവട്ടം സ്പോർട്സ് ഹബ് സ്റ്റേഡിയത്തിൽ കൊടിയേറി. കെസിഎൽ ബ്രാൻഡ് അംബാസഡർ മോഹൻലാൽ ആണ് ചാംപ്യൻഷിപ് ഉദ്ഘാടനം ചെയ്തത്. 50 കലാകാരന്മാർ പങ്കെടുത്ത വിവിധ കലാരൂപങ്ങൾ കോർത്തിണക്കിയുള്ള നൃത്ത-സംഗീത വിരുന്നും സംഘടിപ്പിച്ചിരുന്നു.