കോടികള്‍ പ്രതിഫലം വരുന്ന 15ല്‍ അധികം ബ്രാന്റ് ഡീലുകള്‍ ഒഴിവാക്കി; എന്തുകൊണ്ടാണെന്ന് വെളിപ്പെടുത്തി സമാന്ത, പൈസയ്ക്ക് വിലയില്ലേ?

Authored byഅശ്വിനി പി | Samayam Malayalam | Updated: 16 Apr 2025, 2:10 pm

Samayam Malayalamസമാന്ത റുത്ത് പ്രഭു

അക്കിനേനി നാഗ ചൈതന്യയുമായുള്ള വിവാഹ ബന്ധം വേര്‍പെടുത്തിയതിന് പിന്നാലെ, ജീവനാശംസമായി സമാന്തയ്ക്ക് 200 കോടി രൂപയാണ് കുടുംബം വാഗ്ദാനം ചെയ്തത്. പക്ഷേ സമാന്ത അത് സ്വീകരിക്കാന്‍ തയ്യാറായില്ല. ജീവനാശംശമായി ലഭിച്ച 200 കോടിയും നിരസിച്ച് സമാന്ത ഇറങ്ങി വന്നത് സമ്പന്നമായ ചുറ്റുപാടുകളില്‍ ആയിരുന്നില്ല. പിന്നാലെ വന്ന മയോസൈറ്റിസ് എന്ന അപൂര്‍വ്വ രോഗത്തോട് പോരാടാനും നടിയ്ക്ക് പണം വേണ്ടി വന്നിരുന്നു. ഫിനാന്‍ഷ്യലി അപ്പോള്‍ താന്‍ എത്ര മാത്രം ബുദ്ധിമുട്ടി എന്നും സമാന്ത വെളിപ്പെടുത്തിയിട്ടുണ്ട്.

എന്നാല്‍ ഏത് സാഹചര്യത്തിലും തെറ്റായ സന്ദേശം തന്നെ സ്‌നേഹിക്കുന്നവര്‍ക്ക് നല്‍കാന്‍ സമാന്ത ആഗ്രഹിക്കുന്നില്ല. ചികിത്സയിക്കായി പണം അത്യാവശ്യമായി വന്നിട്ടും കഴിഞ്ഞ വര്‍ഷം കോടികള്‍ പ്രതിഫലം ലഭിക്കുമായിരുന്ന പതിനഞ്ചിലധികം ബ്രാന്റ് പ്രമോഷനുകളാണ് സമാന്ത നിരസിച്ചത്. പൈസയ്ക്ക് വില ഇല്ലാത്തത് കൊണ്ടല്ല, പണം മാത്രമാണ് എല്ലാം എന്ന ചിന്ത തനിക്കില്ല എന്നാണ് സമാന്ത റുത്ത് പ്രഭു പറയുന്നത്.

Also Read: വന്നവഴി മറന്നവള്‍, നന്ദികേട് കാണിച്ചു! ആദ്യ സിനിമ മുതല്‍ കുത്തുവാക്കുകളും വിമര്‍ശനങ്ങളും മാത്രം കേട്ട പ്രിയയുടെ വളര്‍ച്ച, ഇന്ന് ട്രെന്റിങ് താരം!

ഒരു പോട്കാസ്റ്റ് വീഡിയോയില്‍ ആണ് കഴിഞ്ഞ വര്‍ഷം താന്‍ 15 ല്‍ അധികം ബ്രാന്റ് എന്റോഴ്‌സ്‌മെന്റ് ഡീലുകള്‍ ഒഴിവാക്കി എന്ന് സമാന്ത വെളിപ്പെടുത്തിയത്. കോടിക്കണക്കിന് വരുമാനം അതിലൂടെ ഇല്ലാതായി എങ്കിലും, തന്റെ ആ തീരുമാനം ഉത്തരവാദിത്വ ബോധത്തോടെയുള്ളതായിരുന്നു എന്നാണ് സമാന്ത പറയുന്നത്. പണത്തിന് പിന്നാലെ പോകുന്നതിന് പകരം എന്റെ എന്റോഴ്‌സുമെന്റുകള്‍ സത്യസന്ധവും അര്‍ഥവത്തായ ഒരു സന്ദേശം നല്‍കുന്നതുമായിരിക്കണം എന്ന് ഞാന്‍ ആഗ്രഹിച്ചു - എന്നാണ് സമാന്ത പറഞ്ഞത്.

ഇത്തരത്തില്‍ ബ്രാന്റ് പ്രമോഷനുകള്‍ നിരസിച്ചതിന്റെ പേരില്‍ നിരത്തെ വാര്‍ത്ത ശ്രദ്ധ ലഭിച്ച നടിയാണ് സായി പല്ലവി. ഫെയര്‍നസ്സ് ക്രീമിന്റെ പരസ്യത്തില്‍ അഭിനയിക്കാനായി സായി പല്ലവിയ്ക്ക് രണ്ട് കോടി രൂപ വാഗ്ദാനം ചെയ്തിരുന്നു. എന്നാല്‍ താന്‍ ഉപയോഗിക്കാത്ത ഒരു സാധനത്തെ പരിചയപ്പെടുത്തി തെറ്റായ സന്ദേശം നല്‍കില്ല എന്ന് സായി പല്ലവി പറഞ്ഞു. മാത്രമല്ല, സ്വന്തം ചര്‍മത്തെയും രൂപത്തെയും ഇഷ്ടപ്പെടാന്‍ ഞാന്‍ പഠിച്ചത് പ്രേമം എന്ന സിനിമ ഹിറ്റായതിന് ശേഷമാണ്. അങ്ങനെ ഒരു പോസിറ്റീവ് മെസേജ് നല്‍കാനാണ് ഞാന്‍ ആഗ്രഹിക്കുന്നത് എന്നും സായി പല്ലവി പറഞ്ഞിരുന്നു