ക്രിസ്-ക്രോസ് ഹെയർസ്റ്റൈലിൽ നിൽക്കുന്ന ഈ താരപുത്രി ആരാണെന്ന് അറിയാമോ? മറഞ്ഞു നിന്ന് മകളെ ഫേമസ് ആക്കുന്ന അമ്മ!

Authored by: അശ്വിനി പി|Samayam Malayalam•31 Oct 2025, 2:47 pm

അതെ, മലയാളികൾക്ക് ഏറ്റവും പ്രിയപ്പെട്ട, മലയാളിയായ ഒരു, എന്നാൽ കോളിവുഡിലും ബോളിവുഡിലും വരെ ഫേമസ് ആയ ഒരു അമ്മയുടെ മകളാണ് ഇത്. എന്നാൽ ഈ അമ്മയുടെ ഒരു ഫോട്ടോ പോലും കഴി‍ഞ്ഞ എട്ടൊൻപത് വർഷമായി പുറത്തുവന്നിട്ടില്ല. മകളുടെ വിശേഷങ്ങൾ ഒന്നുവിടാതെ സോഷ്യൽ മീഡിയയിൽ പങ്കുവയ്ക്കുകയും ചെയ്യുന്നുണ്ട്!

മലയാള സിനിമയിലൂടെ വന്ന് കോളിവുഡ് സിനിമകളിലൂടെ ബോളിവുഡിലും ഹിറ്റായ സാക്ഷാൽ അസിൻ തോട്ടുങ്കലിന്റെ മകളാണിത്. 2016 ൽ മൈക്രോമാക്സിന്റെ കോ- ഫൗണ്ടർ ആയ രാഹുൽ ശർമയുമായുള്ള വിവാഹത്തിന് ശേഷം സിനിമയിൽ നിന്നെന്നല്ല, ക്യാമറ കണ്ണുകളിൽ നിന്ന് തന്നെ അകന്നു കഴിയുകയാണ് അസിൻ.

Also Read: 51 വയസ്സാണ് എന്നതല്ല, ഈ പ്രായത്തിലും ഉള്ള ഈ മാസ് ലുക്കാണ് കിടു; ഐശ്വര്യ റായി ഒരു അത്ഭുതം തന്നെ

ഏറ്റവുമൊടുവിൽ അസിന്റേതായി പുറത്തുവന്ന ചിത്രം, മകളെ ഗർഭിണിയായപ്പോൾ എടുത്ത ഒരു മെറ്റേണിറ്റി ഫോട്ടോഷൂട്ട് ഫോട്ടോ ആണ്. അതിന് ശേഷം അസിൻ ഒരു ഫോട്ടോ പോലും പുറത്തുവിട്ടിട്ടില്ല, ഒരു പൊതുപരിപാടിയിലും പങ്കെടുത്തിട്ടില്ല. അതേ സമയം സോഷ്യൽ മീഡിയയിൽ വളരെ അധികം ആക്ടീവാണ്. മകളുടെ ഫോട്ടോകൾ നിരന്തരം ഇൻസ്റ്റഗ്രാം സ്റ്റോറിയായി പങ്കുവയ്ക്കാറുണ്ട്. മകളുടെ മാത്രമല്ല, ഭർത്താവിന്റെയും. എന്നാൽ അസിൻ മാത്രം മുന്നിലേക്ക് വരുന്നില്ല

മകളുടെ വളർച്ചയെ വളരെ കൗതുകത്തോടെ ആസ്വദിക്കുകയാണ് അസിൻ തോട്ടുങ്കൽ എന്ന് ഇൻസ്റ്റഗ്രാം സ്റ്റോറിയിൽ വ്യക്തമാണ്. ലോക ഭാഷകളോടുള്ള മകളുടെ ഇഷ്ടവും, മലയാളം ഉൾപ്പടെ പല ഭാഷകളും മകൾ എഴുതുകയും വായിക്കുകയും, പറയുകയും ചെയ്യുന്ന വിശേഷങ്ങൾ അഭിമാനത്തോടെയാണ് അസിൻ പങ്കുവച്ചിട്ടുള്ളത്. ലക്ഷ്വറി ലൈഫും, കേരളത്തിലെത്തി ചെളിയിലും മണ്ണിലും കളിക്കുന്ന ചിത്രങ്ങളും പങ്കുവച്ചിട്ടുണ്ട്.


എല്ലാം കണ്ടും അറിഞ്ഞും, അനുഭവിച്ചും പഠിക്കാനാണ് അസിൻ മകളെ പ്രോത്സാഹിപ്പിക്കുന്നത് എന്ന് ഇൻസ്റ്റഗ്രാം സ്റ്റോറിയിലൂടെ നടി അറിയിക്കുന്നു. അങ്ങനെ ഏറ്റവുമൊടുവിൽ ആഫ്രിക്കയിൽ എത്തിയപ്പോൾ എടുത്ത ചിത്രങ്ങളാണ് ഇപ്പോൾ അസിൻ പങ്കുവച്ചിരിയ്ക്കുന്നത്. കിഴക്കൻ ആഫ്രിക്കയുടെ തീരത്തുള്ള ഒരു ടാൻസാനിയൻ ദ്വീപായ സാൻസിബാറിൽ എത്തിയുപ്പോൾ എടുത്ത ചിത്രങ്ങളാണിവ. ഏഴ് വയസ്സുകാരിയായ അറിന്റെ അഴകൊത്ത മുടിയുടെ ഭംഗി നേരത്തെയും അസിൻ പങ്കുവച്ചിട്ടുണ്ട്.