ഗുജറാത്തിനെതിരായ തോൽവി; കൊൽക്കത്തയ്ക്ക് വിനയായത് ഈ മണ്ടൻ തീരുമാനങ്ങൾ

Edited byഅനുഷ ഗംഗാധരൻ | Samayam Malayalam | Updated: 22 Apr 2025, 2:51 pm

കൊൽക്കത്ത: ഇന്ത്യൻ പ്രീമിയർ ലീഗ് 2024 ലെ വിജയ കിരീടം ഉയർത്തിയ കൊൽക്കത്ത നൈറ്റ് റൈഡേഴ്‌സ് ഈ സീസണിൽ ദയനീയ ഫോമിലാണ്. കഴിഞ്ഞ ദിവസം ഗുജറാത്ത് ടൈറ്റൻസിനോട് പരാജയപ്പെട്ട കൊൽക്കത്ത ഐപിഎൽ പോയിന്റ് ടേബിളിൽ നിലവിൽ ഏഴാം സ്ഥാനക്കാരാണ്. ഗുജറാത്തിന് അനായാസം കൊൽക്കത്തയെ വീഴ്ത്താൻ സാധിച്ചു എന്നതാണ് ശ്രദ്ധേയം. 39 റൺസിന്റെ ആധികാരിക ജയമാണ് ഗുജറാത്ത് സ്വന്തമാക്കിയത്. എന്തുകൊണ്ടാണ് കൊൽക്കത്ത ദയനീയമായി പരാജയപ്പെട്ടത് എന്നതിനെക്കുറിച്ചുള്ള ചർച്ചകൾ ആണ് സോഷ്യൽ മീഡിയയിൽ നിറയുന്നത്.
RR vs RCB; സഞ്ജുവിന്റെ അഭാവത്തിലും രാജസ്ഥാന് ആർസിബിയോട് ജയിക്കാം; ഈ ഘടകങ്ങൾ അനുകൂലം
മത്സരത്തിന്റെ ആദ്യ ഓവർ മുതൽ കളിയുടെ പൂർണ നിയത്രണം ഗുജറാത്തിന്റെ കൈലായിരുന്നു. ഈ മത്സരത്തിൽ കൊൽക്കത്തയ്ക് എവിടെയെല്ലാമാണ് പിഴവുകൾ സംഭവിച്ചത് എന്ന് നോക്കാം.

ഗുജറാത്തിന്റെ വിക്കറ്റുകൾ നേടുന്നതിൽ കെകെആർ പരാജയപ്പെട്ടു. ഈ സീസണിൽ ഏറ്റവും മികച്ച ഓപ്പണിങ് ജോഡികളിൽ ഒന്നാണ് ശുഭ്മാൻ ഗിൽ സായി സുദർശൻ കൂട്ടുകെട്ട്. എന്നാൽ ഈ കൂട്ടുകെട്ട് തകർക്കാൻ കൊൽക്കത്തക്കി സാധിച്ചില്ല. ഇരുവരുടെയും കൂട്ടുകെട്ടിൽ 100 റൺസ് പിറന്നതും കഴിഞ്ഞ മത്സരത്തിൽ കാണാൻ സാധിച്ചു. പന്ത്രണ്ടാം ഓവറിലാണ് ഗുജറാത്തിനു ആദ്യ വിക്കറ്റ് നഷ്ടമാകുന്നത്. സായി സുദർശനായിരുന്നു ആദ്യം ഔട്ട് ആയത്. ആന്ദ്രേ റസ്സൽ പന്തെറിഞ്ഞ ഓവറിലായിരുന്നു താരത്തിന്റെ പുറത്താകൽ. എന്നാൽ ഗുജറാത്തിന്റെ ശക്തരിൽ ഒരാളെ പവലിയനിലേക്ക് അയച്ചിട്ടും ആന്ദ്രേ റസ്സലിന് ഒരു ഓവർ പന്തെറിയാൻ മാത്രമാണ് അവസരം നൽകിയത്. മത്സരത്തിന്റെ ആദ്യ ഓവറുകളിൽ ഒന്നിൽ കൂടുതൽ തവണ അവസരം നൽകിയിരുന്നെങ്കിൽ ഒരുപക്ഷെ പടുകൂറ്റൻ റൺസ് സ്വന്തമാക്കാൻ ഗുജറാത്തിന് പ്രയാസമാകുമായിരുന്നു. ആന്ദ്രേ റസ്സലിന് ഒരു ഓവർ മാത്രം നൽകിയ കൊൽക്കത്തയുടെ നടപടിയിൽ ആരാധകരും ത്രിപ്തരല്ല. പക്ഷെ അതേസമയം പന്തെറിഞ്ഞ ഏക ഓവറിൽ 13 റൺസാണ് ആന്ദ്രേ റസ്സൽ വിട്ടുകൊടുത്തത്.

അംഗ്ക്രിഷ് രഘുവംശിയെ നമ്പർ 9-ലേക്ക് അയച്ചതും കൊൽക്കത്തയുടെ മണ്ടൻ തീരുമാനങ്ങളിൽ ഒന്നായി. മറുപടി ബാറ്റിങ്ങിനിറങ്ങിയ കെകെആറിന് തുടക്കത്തിലേ വിക്കറ്റ് നഷ്ടമായിട്ടും അങ്ക്‌ക്രിഷ് രഘുവംശിയെ 9-ാം നമ്പറിൽ ബാറ്റിങ്ങിന് അയച്ച കെകെആറിന്റെ തീരുമാനം വിമർശനങ്ങൾക്ക് ഇടയാക്കി. അജിങ്ക്യ രഹാനെ, വെങ്കിടേഷ് അയ്യർ, രമൺദീപ് സിംഗ്, റിങ്കു സിംഗ് തുടങ്ങിയ മറ്റ് ബാറ്റർമാർ റൺസ് നേടാൻ പാടുപെട്ടു, എന്നാൽ ഒമ്പതാം നമ്പറിൽ ഇറങ്ങിയ രഘുവംശി മൂന്ന് ഫോറും ഒരു സിക്സും നേടി 11 പന്തിൽ 26 റൺസ് സ്വന്തമാക്കി. ഇത്തരത്തിൽ ശക്തരായ ഗുജറാത്തിനെ നേരിടുന്നതിൽ അലസമായ തീരുമാനങ്ങൾ എടുത്ത കൊൽക്കത്തയെ വിമർശിച്ച് ആരാധകരും രംഗത്തെത്തുന്നുണ്ട്.