​ഗ്ലാസ് പോലെ തിളങ്ങുന്ന പ്രിയങ്ക ചോപ്രയുടെ മുഖ സൗന്ദര്യത്തിന്റെ രഹസ്യം ഇതാണോ, വെളുത്തുള്ളി എങ്ങനെ ഉപയോഗിക്കണം?

Authored by: അശ്വിനി പി|Samayam Malayalam•20 Aug 2025, 12:59 pm

ബോളിവുഡ് സിനിമാ ലോകവും വിട്ട് ഇപ്പോൾ ഹോളിവുഡിൽ സജീവമായിക്കൊണ്ടിരിയ്ക്കുകയാണ് പ്രിയങ്ക ചോപ്ര . പ്രായം കൂടുന്തോറും നടിയുടെ സൗന്ദര്യവും കൂടുന്നത് പോലെയാണ് ആരാധകർക്ക് തോന്നുന്നത്. എന്താണ് ഇത്രയും തിളങ്ങുന്ന സൗന്ദര്യത്തിന്റെ രഹസ്യം എന്ന് ഒരു ആരാധക ചോദിച്ചപ്പോൾ ഒട്ടും അമാന്തിക്കാതെ ആ രഹസ്യം പ്രിയങ്ക ചോപ്ര വെളിപ്പെടുത്തി

സോഷ്യൽ മീഡിയയിൽ ആരാധകരുമായി സംവദിക്കവെയാണ്, എന്താണ് ഈ തിളങ്ങുന്ന സൗന്ദര്യത്തിന്റെ രഹസ്യം എന്ന് ഒരു ആരാധക ചോദിച്ചത്. അതിൽ പച്ച വെളുത്തുള്ളിയ്ക്ക് ഒരു വലിയ പങ്കുണ്ട് എന്ന് പ്രിയങ്ക മറുപടി നൽകി. പക്ഷേ അത് എങ്ങനെ ഉപയോഗിക്കണം എന്നൊന്നും നടി പറഞ്ഞിട്ടില്ല.

Also Read: ഞങ്ങൾക്ക് ഇടയിലും തർക്കങ്ങൾ ഉണ്ടാകാറുണ്ട്; ദാമ്പത്യജീവിതം എങ്ങനെ ഇത്ര സ്ട്രോങ്ങ് ആയി; മറുപടിയുമായി ശ്രീയും ശ്വേതയും

പച്ച വെളുത്തുള്ളി എടുത്ത് മുഖത്ത് പുരട്ടിയാൽ, മുഖം പൊള്ളിപ്പോകാനും, ചൊറിച്ചിലും അലർജിയും വരാനുള്ള സാധ്യതയുണ്ട്. ആൻറി ബാക്ടീരിയൽ, ആന്റിഫംഗൽ ഗുണങ്ങളുള്ള അല്ലിസിൻ എന്ന സൾഫർ സംയുക്തം അടങ്ങിയിട്ടുള്ള വെളുത്തുള്ളി ഉപയോഗിക്കേണ്ടതു പോലെ ഉപയോഗിച്ചാൽ ചർമം തിളങ്ങും എന്നാണ് പഠനം. വെളുത്തുള്ള ചതച്ച്, തേനിലോ കറ്റാർ വാഴയുടെ ജെല്ലിലോ മിക്സ് ചെയ്ത് മുഖത്ത് പുരട്ടുന്നത്, മുഖക്കുരു കുറയാനും പാടുകൾ മാറാനും ചുളിവുകൾ വരാതെ സൂക്ഷിക്കാനും സഹായിക്കും

എന്നാൽ പ്രിയങ്ക ചോപ്ര വെറും വെളുത്തുള്ളി മാത്രമല്ല, മറ്റ് പല ടിപ്സുകളും ചർമ സംരക്ഷണത്തിന് വേണ്ടി ചെയ്യുന്നുണ്ട്. വളരെ ചെറിയ പ്രായത്തിൽ തന്നെ ലൈം ലൈറ്റിലേക്ക് എത്തിയ പ്രിയങ്ക, അന്ന് മുതലേ ചർമ സംരക്ഷണം ഏറ്റവും പ്രധാനമുള്ള ഒന്നായിട്ടാണ് കാണുന്നത്. അതുകൊണ്ട് തന്നെ സ്കിൻ കെയർ ഒന്നും മസ്സ് ചെയയാറില്ല.

Also Read: എന്റെ പ്രശസ്തി കാരണം പങ്കാളിക്ക് അവളുടെ ഗർഭകാലം ആസ്വദിക്കാൻ പോലും കഴിയുന്നില്ല, ഒരു പ്രൈവസിയില്ല; പീറ്റ് ഡേവിഡ്സണിന് കുറ്റബോധം

എന്നും രാത്രി കിടക്കുന്നതിന് മുൻപ് അരി വെള്ളവും, വെളിച്ചെണ്ണയും മിക്സ് ചെയ്ത ഫേസ്മാക്ക് ഉപയോഗിക്കാറുണ്ടത്രെ. അതിനൊപ്പം തന്റെ ഫേഷ്യലിസ്റ്റിനെ സ്ഥിരം സന്ദർശിക്കുന്നതിലും മുടക്കം വരുത്താറില്ല.


മുഖത്ത് പുരട്ടുന്നത് മാത്രമല്ല, ഉള്ളിൽ നിന്നുള്ള ഫലം ചെയ്യാൻ ഭക്ഷണ കാര്യത്തിലും പ്രിയങ്ക അതീവ ശ്രദ്ധ ചെലുത്താറുണ്ട്. അസിഡിറ്റി കുറച്ച് കൂടുതൽ ആരോഗ്യം നിലനിർത്താൻ പെരുംജീരകം, ജീരകം, മല്ലി എന്നിവയിട്ട് തിളപ്പിച്ച വെള്ളം കുടിക്കുമത്രെ. പ്രിയങ്ക ചോപ്രയും ജീവിത ശൈലിയും ഭക്ഷണ രീതിയും രക്തം ശുദ്ധീകരിക്കുകയും, മുഖത്ത് കൂടുതൽ തിളക്കം നൽകുകയും ചെയ്യുന്നു.